ត្បូងឃ្មុំ ៖ ខណះនេះ បទល្មើសព្រៃឈើនៅខេត្តត្បូងឃ្មុំ ត្រូវបានប្ដូរផែនការណ៍ ឈប់ចេញពេលថ្ងៃ បង្វែរមកដឹកឈើចេញពេលយប់ស្ងាត់ៗវិញ! ស្របពេលដែលកន្លងមកហាក់បីដូចជា មានភាពស្ងប់ស្ងាត់បានមួយដង្ហើមចង្រិត បន្ទាប់ពីសម្ដេចតេជោ សែនគំរាមដកគ្រវាត់ចោលចៅហ្វាយខេត្តណាដែលគ្មានលទ្ធភាពបង្ក្រាបឬទប់ស្កាត់បទល្មើសព្រៃឈើប្រកបដោយប្រសិទ្ធិភាពទេនោះ,,,!។
ប៉ុន្តែឥឡូវនេះ បទល្មើសព្រៃឈើហាក់បីដូចជាកក្រើកឡើងវិញយ៉ាងរំភើយ! ដោយឥឋឡូវនេះឈ្មួញឈើជាច្រើននាក់ កំពុងសម្រុកដឹកឈើប្រណិតចេញទៅវៀតណាម! តាមច្រករបៀង”បឹងជ្រោង” ស្ថិតនៅភូមិ ជើង ឃុំ បឹងជ្រោង ស្រុកមេមត់ ខេត្ត ត្បូងឃ្មុំតាមរូបភាពស៊ិះស៊ុសជាមួយអាជ្ញាធរសមត្ថកិច្ចខិលខូចមួយចំនួន។
ទន្ទឹមនិងនោះ តាមសេចក្ដីរាយការណ៍ពីប្រភពសុំលាក់ឈ្មោះបានឲ្យដឹងថា :ជារៀងរាល់យប់ មានរថយន្តសាំយ៉ុង របស់ឈ្មួញប្រមាណជា២០ទៅ៣០គ្រឿង (តែងតែដឹកឈើប្រណិត ចេញទៅវៀតណាម តាមច្រក បឹងជ្រោង ជាប្រចាំមិនដែលខានម្ដងណាឡើង ទោះបីសូម្បីពេលមេឃមានភ្លៀងក៏ដោយក៏គង់តែមានមានរថយន្តចេញចូលដឹកឈើ គ៊ដោយគ្រាន់តែតិចឬច្រើនតែប៉ុណ្ណោះ ដែលពីមុនគេគ្រាន់តែដឹកទាំងថ្ងៃទាំងយប់ ហើយពេលនេះគេតម្រូវឲ្យដឹកចេញតែយប់ប៉ុណ្ណឹងទេ ហើយបើមិនអនុវត្តចឹងទេវាបែកពត៌មានដឹងដលថ្នាក់លើប្រាកដជាវរវឹកទឺកស្ងួតហើយបាទ!។
ជាក់ស្ដែងនៅយប់ថ្ងៃទី១១ខែឧសភានេះ គេសង្កេតឃើញមានរថយន្តជិត១០គ្រឿងបានដឹកឈើឆ្លងទៅវៀតណាមតាមច្រកបឹងជ្រោង បានយ៉ាងរលូនឥតស្ទាក់ស្ទើ ដោយមានការបើកភ្លើងខៀវពីសមត្ថកិច្ចច្រកទ្វា។
ឆ្លើយតបនិងការលើកឡើងនេះដែរ លោក តក់ មេប៉ុស្តិ៍ការពារព្រំដែនបឹងជ្រោង បានប្រាប់ មរាំឲ្យដឹងថា រថយន្តទាំងនោះគេដឹកសរសរ ទេ ខណៈវៀតណាមស្នើទិញ។
ចំពោះលោក លី ឡេង អភិបាលខេត្តត្បូងឃ្មុំបានឲ្យដឹងថា! រឿងបទល្មើសព្រៃឈើនេះលោកបានរឹតបន្តឹងរហូត ហើយឃើញថា ស្ងប់ស្ងាប់មែន ចំពោះករណីខាងលើលោកនឹងចាត់វិធានការ ៕