ខណះនេះប្រជាពលរដ្ធពាក់កណ្តាលនគរដែលធ្លាប់គាំទ្រយ៉ាងពេញបន្ទុកចំពោះគណបក្សសង្គ្រោះជាតិហាក់នៅទ្រឹងសំងំចឺនមិនមានវាចាអ្វីនិងថ្លែងបន្ទាប់ពីគណបក្សមួយនេះត្រូវបានតុលាការកំពូលចេញសាលដីការំលាយចោលហ្មត់ដូចអាចម៍ទីទុយបាត់ទៅហើយ។
មុនៗ នៅតាមតុកាហ្វេ អ្នកបំរើនយោបាយដែលនិយមយកទីតាំងហាងតូចធំធ្វើជាកន្លែងវែកញែក និងបញ្ចេញទស្សននយោបាយស្រាប់តែមានការប្រែប្រួលយ៉ាងគំហ៊ុកទៅជាស្ងប់ស្ងាត់ដូចចោរលួចសេះ នេះប្រហែលជាពួកគេខ្លាចគុកច្រវាក់ ទេដឹង បានជាទៅជាជាអីចឹង។
កន្លងមកអ្នកបំរើនយោបាយ ក៏ដូចអ្នកដែលតាំងខ្លួនជាស្នេហាជាតិដោយនិងចិត្តឯងយ៉ាងមុះមុត រួមទាំងជនជើងខ្លាំងស្រែកជេរ និងវាយប្រហារបកអាក្រាត តាមហ្វេសប៊ុក បះពាល់សិទ្ធឯកជនត្រូវបានអាជ្ញាធរសមត្ថកិច្ចចាប់ប្រូលដាក់គុក ហើយ ទៅស្រែកជេរម៉ាអស់ដៃនៅក្នុងគុកនិងដឹងច្បាស់ហើយថា ឨវាសនាអញអើយបានជួបអ្វីៗពិតហើយ។
រហូតពេលនេះកាលបរិច្ឆេទបោះឆ្នោតជ្រើសរើសរដ្ធសភាជាតិកាន់តែកៀកកិតណាស់ទៅហើយ គេនៅមិនទាន់អាចមើលចិត្តប្រជាពលរដ្ធទាំងនោះធ្លាប់ប្រកាសដោយមុឺងម៉ាត់ត្រូវតែ ដូរ មិនសូវ ដូរនោះនិងសំរេចចិត្តបោះឆ្នោតអោយគណបក្សណាទៅអេ៎ះ?។
ពីមួយទៅមួយថ្ងៃសម្តេចតេជោសែន នាយករដ្ធមន្ត្រីនៃរាជរដ្ធាភិបាលកម្ពុជាមានការមមារញឹកក្នុងការចុះសួរសុខទុក្ខកម្មករតាមបណ្តារោងចក្រ ដើម្បីអូសទាញនូវការគាំទ្រអំពីកម្មករ កម្មការិនីសំឡឹងមើលឃើញនូវទង្វើល្អរបស់គណបក្សប្រជាជនកម្ពុជា។
ដើម្បីដឹង ជំហររបស់អ្នកដែល ធ្លាប់ ស្រឡាញ់ ជឿជាក់លើគោលការណ៍ដូរ មិនដូរ ដូរ អោយបានច្បាស់មានតែផ្លូវចាំអ៊ុតលទ្ធផលនៃការប្រកាសលទ្ធផលបោះឆ្នោតតែប៉ុណ្ណោះឯង។
ល្បែងនយោបាយនៅស្រុកខ្មែរនូវអ្វីដែលសន្តិរាស្ត្រប្រជាប្រាថ្នាចង់បានសន្តិភាពពិតៗនោះគឺគ្រប់អ្នកនយោបាយត្រូវតែហ៊ាន ទទួលស្គាល់ការពិតនូវអ្វីដែលជាការសម្រេចរបស់ពលរដ្ធដែលគាត់សម្រេចចិត្តបោះឆ្នោតអោយគណបក្សណាគឺគណបក្សហ្នុងហើយ ដែលមានសិទ្ធិគ្រប់គ្រងប្រទេសសមស្របនិងឆន្ទះរាស្ត្រ។
យ៉ាងណាម៉ិញ មជ្ឈដ្ធានអ្នកបានរៀនសូត្របានសម្តែងនូវការបព្ចេាញមតិយល់ឃើញថាការរំដោះជាតិពីរបបវាលពិឃាតពូជជាតិសាសន៍ឯងរបស់ប៉ុល ពត ហៅសាឡុត សពិតជាមានការលំបាកនិងស្មុគ្រស្មាញក្រៃលែងហើយសកម្ម ភាពនេះគឺមានការរួមចំណែកពីបណ្តាវរជន យុទ្ធមិត្រ យុទ្ធនារីជាច្រើនឥតគណនាដែលបានបូជាឈាម ស្រស់ សាច់ស្រស់និងលះបង់ជីវិតទើបទទួលបាននូវសន្តិភាពដូចសព្វថ្ងៃនេះ។
ប៉ុន្តែប្រសិនបើមាន ឬមិនមានការផ្លាស់ប្តូរ វាមិនអាចហាមឃាត់ និង និយាយមុនបាន ដោយនេះគឺពេលវេលា ទៅវិញទេជាអ្នកកំណត់ ៕