ខេត្តបាត់ដំបង.ស្រុកសំពៅលូន ៖ កម្មកអូសរទេះដឹកបន្លែ ផ្លែឈើ កំបុិកកំប៉ុកទោះតិចក្តីច្រើនក្តី គឺត្រូវបានកំលាំងមន្ត្រីប៉ូលីសអន្តោប្រវេសន៍ ដែលឈរជើងប្រចាំច្រកទ្វាអន្តរជាតិ គីឡូ១៣ ក្នុងស្រុកសំពៅលូនកៀបយកប្រាក់គ្មានអោយចន្លោះមួយរទេះណាឡើយ ដែលទង្វើនេះវាផ្ទុយស្រឡះអំពីច្បាប់ដែលមិនបានកំណត់អោយមន្ត្រីប៉ូលិសអន្តោប្រវេសន៍ណាមួយយកលុយកម្មកអូសរទេះបែបនេះនោះឡើយ ដូច្នេះបញ្ហានេះ គឺជាល្បិចត្រីងៀតឆ្លៀតពង ។
គួរបញ្ជាក់ដែរថា ច្រកទ្វារតំបន់គីឡូ១៣គឺជាច្រកមួយដែលទើបនឹងប្រកាសដាក់អោយក្លាយទៅជាច្រកទ្វាអន្តរជាតិគីឡូ១៣(ភ្នំដី)ដែលមានទីតាំងក្នុងភូមិគឡូ១៣.ឃុំសន្តិភាព.ស្រុកសំពៅលូន ខេត្តបាត់ដំបង ។ ហើយក៏ជាច្រកមួយជាប់នឹងខ្សែបន្ទាត់ព្រំដែនកម្ពុជា&ថៃត្រង់ស្រុកខ្លងហាត ខេត្តស្រះកែវ សម្រាប់អោយប្រជាពលរដ្ឋទាំងសងខាង ដឹកនាំទំនិញនិងកសិផលចេញចូលទៅវិញទៅមករវាងប្រទេសទាំង២កម្ពុជា&ថៃស្របពេលដែលច្រកទ្វាអន្តរជាតិត្រូវបានបង្កើតឡើង គឺជាពេលដែលកំលាំងនគរបាលអន្តោប្រវេសន៍ត្រូវបោះទីតាំងឈរជើងនៅទីនោះដែរដើម្បីត្រួតពិនិត្យទៅលើពលរដ្ឋដែលលួចឆ្លងដែនគ្មានច្បាប់អនុញ្ញាត ពិសេសគឺការផ្តលលិខិតឆ្លងដែនស្របច្បាប់ទៅលើពលករឆ្លងដែនទៅបម្រើការនៅប្រទេសថៃ ។
តែផ្ទុយទៅវិញ ការឈរជើងរបស់នគរបាលអន្តោប្រវេសន៍ដែលពលរដ្ឋខ្លះបានហៅតាមបែបអ្នកល្ងង់ថា ប៉ូលីសច្រវ៉ាក់ ( ប៉ូលីសទាញច្រវ៉ាក់ ) បានយកសិទ្ធិរបស់ខ្លួនទៅកៀបយកលុយពីកម្មកអូសរទេះតូចៗ ដែលដឹកបន្លែផ្លែឈើ និងពងមាន់ជាដើម ពិសេសគឺគ្រប់រទេះដែលដឹកទំនិញចេញពីប្រទេសថៃចូលមកកម្ពុជា ត្រូវបានកំលាំងនគបាលអន្តោប្រវេសន៍ខាងលើទាមទាយកលុយគ្មានចន្លោះ ជាក់ស្តែង នៅព្រឹកថ្ងៃទី២៤ ខែកក្កដា ឆ្នាំ២០១៨ នេះ ស្ត្រីម្នាក់ឈ្មោះ វី ផល្លា ជាអ្នករកស៊ីដឹកបន្លែ ផ្លែឈើបន្តិចបន្ទួចពីផ្សារ ខៅឌិនប្រទេសថៃមកដីខ្មែរ បានត្អូញត្អែរថាគាត់ត្រូវបានកំលាំងប៉ូលីសទាញច្រវ៉ាក់ប្រចាំច្រកទ្វាអន្តរជាតិគីឡូ១៣កាក់ទាលុយរាល់ពេលហើយទាច្រើនៗទៀត បើទោះបីជាគាត់បានអង្វរថាមិនសូវចំណេញយ៉ាងណាក៏ដោយ
ស្ត្រីរូបនេះបានបន្តថាមិនថាតែគាត់ទេដែលត្រូវប៉ូលីសអន្តោប្រវេសន៍កៀបយកលុយ គឺគ្រប់រទេះដឹកទំនិញទាំងអស់ បើគិតទៅក្នុងមួយថ្ងៃៗរាប់រយរទេះដែលចេញចូលដឹកទំនិញគឺត្រូវគេកាក់ទាលុយទាំងអស់ ដូច្នេះគាត់ចង់សួរថាតើច្បាប់របស់អង្គភាពនេះតម្រូវអោយយកលុយបែបនេះឬយ៉ាងណា?ហើយបញ្ហានេះគាត់ជឿថា មិនមែនប្រធានមិនដឹងនោះទេ?ប៉ុន្តែច្រើនតែធ្វើមិនដឹងដើម្បីលុយចូលហោប៉ៅ ។
លោក លីណា ហ្សាណូនាយប៉ុស្តិ៍នគរបាលអន្តោប្រវេសន៍ប្រចាំច្រកគីឡូ១៣ ដោយលោកបានលើកឡើងយ៉ាងច្បាស់ថា តាមផ្លូវច្បាប់គឺមិនអនុញ្ញាតអោយមន្ត្រីក្រោមឱវាទណាមួយទៅទាលុយពីរទេះដឹកទំនិញចេញចូលនេះជាដាច់ខាត ដូច្នេះរាល់បញ្ហាខាងលើគឺលោកមិនបានដឹងទាល់តែសោះ ហើយលោកសន្យាថានិងត្រួតពិនិត្យឡើងវិញពាក់ព័ន្ធនិងរឿងអាស្រូវនេះ ៕