មិនយូរមិនឆាប់ទេ អ្នកលេងសង្គមហ្វេសប៊ុក និង Tv online ឬ page ក៏ដូចប្រព័ន្ធអេឡិចត្រូនិចសេះហោះមួយចំនួនផ្សេងទៀត អាចនិងត្រូវប្រឈមច្រើនជាង ចំពោះការជាប់គុកច្រវាក់ឃ្នោះឃ្នាង ព្រោះមួយរយះកន្លងមក រដ្ឋាភិបាលបានទុកប្រឡោះសេរីភាពសំបូរបែប ស្របពេលគេទុកឱកាសអោយយើងទាំងអស់ស្រែកច្រៀង ជេរបព្ចោា ត្មេះតេះដៀលយ៉ាងក្រក្រើកមេឃដី សូម្បីតែនាយករដ្ធមន្ត្រី អារុក្សអារក្ស អ្នកតា ព្រះឥន្ទ្រ ព្រះព្រហ្មក៏រាស្ត្រខ្មែរសម័យតេជោសែនជេរម្រ៉ាយកកាយបូលរង្គើមេឃដី ផ្អើលយមបាលស្ទុះទាញដាវ លំពែងទាញច្រវ៉ាក់រ៉ោករ៉ាក់បំរុងនិងទាក់កនរណាទុកនរណា?។
អាវ៉ិកខ្ញុំចេះតែមានការរំជួលចិត្ត អាណិតរាស្ត្រខ្មែរស្ទើតែរកកលរឡេះរលួយចិត្ត ដោយកោតតែគាត់មានចិត្តហានក្លាហានស្រែកជំទាលជេរគេជេរឯងតាម ហ្វេសប៊ុកយ៉ាងហុយដីសំពោង ហើយសូម្បីតែអាវ៉ិកខ្ញុំក៏មានការភិតភ័យ ចំពោះទង្វើខុសច្បាប់ ដែលពួកគាត់ចេះតែហ៊ានប្រព្រឹត្តឥតឈប់ឈរដោយមិនដឹងនៅឡើយទេថាតើគាត់ធ្វើអីចឹងដើម្បីអ្វី?។
ស្មារតីរាស្ត្រខ្មែរសម័យថ្មីយល់ដឹងមិនទាន់បានច្បាស់ពីវីធីការពារខ្លួនឯងចំពោះហានិភ័យនៃការបព្ចោញមតិផ្ទុយច្បាប់អោយច្បាស់លាស់លើការជេរគេតាមហ្វេសប៊ុកតាមកំហឹងឬការយល់ឃើញរបស់ខ្លួន បើនៅតែបែបៗនេះអ្ន្កកពិតជានិងដើរចូលគុកជាក់ជាពុំខានឡើយ។
ប្រភពជាច្រើនបានរំឮកប្រៀនប្រដៅកាសែតបញវន្តខ្មែរម្តងហើយម្តងទៀតកុំនិយាយរឿងនេះជាមួយពលរដ្ធខ្មែរព្រោះស្រួលមិនស្រួលប្រជាពលរដ្ធដល់ទៅរាប់សិបលាននាក់ឯណោះចេញមកជេរម្រាយរកកន្លែងលាក់ខ្លួនមិនបានឥឡូវហ្នឹង។
តាមពិតចរិតរាស្ត្រខ្មែរសុទ្ធសឹងជាអ្នកស្នេហាជាតិ ដែលរហូតមានអ្នកស្នេហាជាតិហួសជន្ទោលរហូតធ្លាក់អន្លង់ទុក្ខជាប់គុកគ្រាំគ្រាជាយូរខែឆ្នាំ ឬក៏ស្លាប់ស្ពាយឧត្តមគតិស្នេហាជាតិទៅជាមួយទៀតផង។
ទោះបីជាយ៉ាងណាក៏ស៊ូអោយគាត់ជេរ ជាជាងគាត់ជេរគេ ហើយជាប់គុកឬក៏ទទួលគ្រោះដល់បាត់បង់ជីវិតដោយប្រការណាមួយជាយថាហេតុ នោះយើងប្រាកដជាស្តាយក្រោយមិនតិចទេ៕
ដោយ អ៊ូ ល័ក្ខ