ខណ:នេះ ពលករខ្មែរប្រមាណ ២៥៣០នាក់បាននិងកំពុងសំរុកចូលទៅរកការងារធ្វើនៅឯប្រទេសថៃ ដោយចូលតាមចំណុចច្រកទ្វារអន្តរជាតិគីឡូ១៣(ភ្នំដី)។
ប្រភពព័តិមានបានអោយដឹងថាពួកពលករទាំងនោះឆ្លងដែនដោយស្របច្បាប់ ដោយប្រើលិខិតឆ្លងដែនភាសាថៃហៅប័ណ្ណបរិផាក(มันบริภาค) ដែលផ្តល់ដោយនគរបាលអន្តោប្រវេសន៍ប្រចាំច្រកទ្វាអន្តរជាតិតែម្តង ហើយប័ណ្ណនោះតំលៃបណ្ណ័០១ច្បាប់(១២០០បាតប្រាក់ថៃ) ។
ពលករខ្មែរម្នាក់បានបង្ហើបអោយដឹងថាករណីចង់បានបណ្ណប្រញាប់គឺត្រូវស៊ិសស៊ុសបន្ថែមពី100បាតទៅ 200បាតទៀតគឺOkចេញបានប្រញាប់ភ្លាមៗ។
អ្នកឆ្លងឆ្លើយព៌តមានយើងបានផ្តល់យោបល់អោយពលករខ្មែថា ពួកគាត់គួរតែនាំគ្នាទៅបំពេញបែបបទធ្វើប័ណ្ណឆ្លងដែន ឬ Passportដើម្បី ចេញទៅរកការងារធ្វើនៅឯប្រទេសថៃ ដែលនិងត្រូវធ្វើនៅឯសាលាស្រុកសំពៅលូន ឬក៏នៅឯសាលាខេត្តបាត់ដំបង ដែលប័ណ្ណ ០១ច្បាប់តម្លៃត្រិមតែ 3 ម៉ឺនរៀលប៉ុណ្ណោះ គឺវាធូរថ្លៃជាងនេះ?។
ប៉ុន្តែពលករទាំងនោះឆ្លើយយ៉ាងម៉ាត់ៗបែបវាហីតបមកវិញថា ពិតតែ 30.000 រៀលមែន ប៉ុន្តែរយៈពេលរង់់ចាំយករហូតដល់ទៅ 1ខែកន្លះឯណោះទើបបានប័ណ្ណ តើអោយពួកគាត់រង់ចាំម្តេចនិងកើតទៅ? បើថៅកែថៃគេត្រូវការយកពលករភ្លាមៗ តើថៅកែថៃគេចាំយើងដែរអី?ហើយចាំយូរម្ល៉េះៗគឺដេកចាំតែឥតការងារហើយបាទ(sic)!។ ដោយសារតែភាពបន្ទាន់ចាំបាច់នេះហើយ ទោះបីជាប័ណ្ណថ្លៃប៉ុណ្ណាក៏ដោយក៏គាត់ត្រូវតែធ្វើដែរ!sic។
ទោះបីយ៉ាងណា រហូតពេលនេះយើងមិនទាន់ដឹងថាលោកវីរសេនីយ៍ឯកព្រីណាហ្សាណូ ប្រធាននគរបាលអន្តោប្រវេសន៏ប្រចាំច្រកអន្តរជាតិគីឡូ13(ភ្នំដី)បានជ្រាបឬក៏សើមរឿងនេះដែរឬយ៉ាងណា? ។
យ៉ាងណាមិញទោះបី ជាអាលោកធំបានដឹង យើងជឿថាលោកធំយើងនិងបិទភ្នែក និងយកសំឡីចុកត្រចៀកធ្វើមិនដឹង មិនឮក៏អាចថាបានដែរ?។
វាជាប្រការគួរអោយសង្វេគសំបើមណាស់នៅពេលនិយាយដល់បញ្ហាកម្មករចំណាកស្រុកទៅធ្វើការនៅឯប្រទេសថៃនេះ ដែលតាមដឹងរដ្ធាភិបាលហាក់ស្តីបន្ទោស ដោយចង់អោយពលករទាំងឡាយគិតគូររកការងារក្នុងស្រុកវិញប្រសើរជាង។
ចំពោះបញ្ហានេះបានធ្វើអោយមនុស្សជាច្រើនវង្វេងវង្វាន់ស្ទើរតែដើរជាន់ចានជ្រក់ ព្រោះយោបល់ថ្នាក់ដឹកនាំខ្មែរគេយល់ផ្សេង រីឯទឹកចិត្តរាស្ត្រប្រជាគិតផ្សឹង អីយ៉ាអត់ស្រួលទេអាវ៉ា។
