ជនជាតិថៃម្នាក់ឈ្មោះ ប៊ុនថាំ នួនអ៊ុក ភេទប្រុស អាយុ៤៨ឆ្នាំ អាស័យដ្ធានរស់នៅភូមិធុងឡែង ស្រុកឡង ខេត្តផ្លែ ប្រទេសថៃ សព្វថ្ងៃមានមុខរបរជាបុគ្គលិកបំរើការងារនៅកាស៊ីណូDNA STAR VEGAS បានដេកស្លាប់ក្នុងបន្ទប់លេខE5 ជាន់ទី3ដោយមិនដឹងមូលហេតុ។
យោងតាមសម្តីម្ចាស់ផ្ទះសំណាក់បានបង្ហើបអោយដឹងថា :ដំបូងឡើយគាត់បានលឺអ្នកជួលបន្ទប់ក្បែរជនរងគ្រោះនិយាយតៗគ្នាអំពីការធុំក្លិនស្អុយសាយភាយចេញពីបន្ទប់ស្នាក់នៅរបស់ជនរងគ្រោះមកខាងក្រៅយ៉ាងខ្លាំង តែក៏មិនបានចាប់អារម្មណ៍ថាជនរងគ្រោះបានស្លាប់នោះឡើយ ដោយស្មានថាក្នុងបន្ទប់នោះមានត្រីងៀត ឬរបស់អ្វីស្អុយរលួយ ! ។
ជាចៃដន្យសមចំពេលនេះអ្នកសម្អាតបន្ទប់ មិនបាននៅសំអាតតាមបន្ទប់ ព្រោះគាត់បានសុំច្បាប់ទៅលេងផ្ទះឯស្រុកកំណើត ទើបមិនបានដឹងពីមរណ:ភាពរបស់ជនគ្រោះភ្លាមៗ ។
ដោយសារក្លិននេះចេះតែស្អុយសាយភាយឡើងៗទើបអ្នកស្នាក់នៅក្បែរជាប់បន្ទប់គ្នានិងម្ចាស់ផ្ទះសំណាក់សំរេចចិត្តនាំគ្នាគាស់ទ្វារបន្ទប់មើលទើបដឹងថា ក្លិនសាយភាយដ៏អសោចនោះមិនមែនជាក្លិនត្រីងៀតនោះទេ តែវាគឺជាក្លិនសពជនរងគ្រោះដេកស្លាប់នៅក្នុងបន្ទប់ទើបផ្អើលឆោឡោរាយការណ៏ទៅសមត្ថកិច្ចមូលដ្ឋានចុះមកពិនិត្យតែម្តង ។ ម្ចាស់ផ្ទះជួលបានបព្ជាាក់ថា៖បើយោងតាមការពិនិត្យមើលក្នុងកាមេរ៉ាសុវត្តិភាពនៅវេលាម៉ោង០២និង២៩ នាទី នាថ្ងៃទី០៧ខែធ្នូ ឆ្នាំ២០១៨ គេឃើញជនរងគ្រោះជាតិថៃរូបនោះបានដើរចូលបន្ទប់តែមិនឃើញចេញមកវិញឡើយ។
ទោះបីយ៉ាងណាក៏ដោយ នេះគ្រាន់តែជាព៌តមានបឋមតែប៉ុណ្ណោះដោយសារការធ្វើកោសល្យវិច្ច័យទៅលើសពជនជាតិថៃនោះ មិនទាន់មានការបញ្ជាក់ច្បាស់លាស់ពីមូលហេតុនៃការស្លាប់របស់ជនរងគ្រោះរូបនេះនៅឡើយ ៕