នៅវេលាម៉ោង ១៦ និង ៣០នាទី ថ្ងៃទី០៨ ខែធ្នូ ឆ្នាំ២០១៨ ដោយបានទទួលបទបញ្ជាពីលោកឧត្តមសេនីយ៍ត្រី កង សៅគុណ មេបញ្ជាការកងរាជអាវុធហត្ថខេត្តព្រះវិហារ លោកវរសេនីយ៍ត្រី ពេជ្រ សុភី មេបញ្ជាការកងរាជអាវុធហត្ថស្រុកជាំក្សាន្តក៏បានចុះបង្ក្រាបអនុវត្តយ៉ាងមុឺងម៉ាត់តាមគោលការណ៍និងចុះបង្ក្រាបករណីរក្សាទុក ឬជួញដូរ និងប្រើប្រាស់នូវសារធាតុញៀន នៅចំណុចខាងលិចរង្វង់មូលស្រអែម ស្ថិតក្នុងភូមិស្រអែមជើង ឃុំស្រអែម ស្រុកជាំក្សាន្ត ខេត្តព្រះវិហារ ដោយឃាត់ខ្លួនជនសង្ស័យបាន ០១នាក់ ឈ្មោះ ឃឹម ជ្រុយ (ហៅលីលី) ភេទស្រី អាយុ ២៤ឆ្នាំ មុខរបរបំរើការខារ៉ាអូខេ អាស័យដ្ឋានភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ
រីឯវត្ថុតាងរឹបអូសបានរួមមាន៖ ថ្នាំញៀន(ម៉ាទឹកកក)ចំនួន ០១កញ្ចប់ធំ, ប្រាក់ដុល្លាចំនួន ២០ដុល្លា, ប្រាក់រៀលចំនួន ៥០,០០០រៀល, ទូរស័ព្ទដៃចំនួន ០២គ្រឿង, កាបូបស្ពាយ០១, កាបូបដាក់លុយ ០១ និងដែកកេស ០១ ផងដែរ។
នេះជាបញ្ហាដែលកាន់តែរកហេតុផលមិនយល់សោះចំពោះស្ត្រីដែលមានរូបឆោមលោមពណ៌ស្រស់ស្អាត ម្ត៉េចក៏ហ៊ានប្រថុយខ្លួនដោយខ្វះការពិចារណាមកប្រកបមុខរបរជួញដូរគ្រឿងញៀន ដែលប្រឈមមុខនិងកឬជាប់គុកច្រវ៉ាក់ឃ្នោះឃ្នាងបែបនេះអីឹចឹង?។
ឥឡូវជនសង្ស័យពិតជាមិនអាចគេចផុតពីដេកគុកសីបាយក្រហមដើម្បីអប់រំខ្លួនអោយក្លាយខ្លួនទៅជាមនុស្សល្អចូលរួមកសាងសង្គមកម្ពុជាអោយបានរឹងមាំស្ថិតស្ថេរ។
បច្ចុប្បន្នកម្លាំងជំនាញកងរាជអាវុធហត្ថបាននិងកសាងសំណុំរឿងបញ្ជូនទៅសាលាដំបូងខេត្តព្រះវិហារដើម្បីចាត់ការតាមនីតិវិធី ៕