ប្រភពព័ត៌មានចេញពីមាត់ចាបមាត់ព្រាបបានអោយដឹងថា ពលរដ្ឋស៊ីឈ្នួលដឹកឈើ តាមម៉ូតូ រ៉ឺម៉ក និងតាមរថយន្ដតូចធំ ដោយដឹកឈើទាំងនោះយកទៅលក់ឲ្យលោកគង់ ក្រឹងមេឈ្មួញព្រៃឈើដ៏ធំមហិមា ដែលមានទីតាំងនៅចំណុចបង្គោលព្រំដែនលេខ៦៨ ចំណុចដេ៣ និងចំណុចក្រោលគោ ត្រពាំងស្រែ វ៉ាលឺ ឃុំ២ធ្នូ ស្រុកស្នួល ខេត្តក្រចេះ យ៉ាងគគ្រឹកគគ្រេងដោយមិនមានសមត្ថកិច្ចណាមួយហ៊ានក្អកជាមួយថៅកែឈើដ៏មានឥទ្ធិពលម្នាក់នេះនោះឡើយ ។
សូមបញ្ជាក់ផងដែរថា ក្រោយដែលលោក គង់ ក្រឹង ប្រមូលទិញឈើបានគ្រប់ចំនួនហើយនោះ គាត់បានរៀបចំលើកដាក់ឡាន ដឹកយកទៅលក់បន្តឲ្យឈ្មួញវៀតណាមក្នុង១ថ្ងៃៗ គឺគាត់លក់ឈើចំនួនមិនក្រោមពី ១០ឡានយីឌុបនោះទេ។
ទន្ទឹមនិងនេះលោក គង់ ក្រឹង មិនត្រឹមតែរកស៊ីឈើនោះទេ សព្វថ្ងៃនេះគាត់ហ៊ានរហូតរកស៊ីនាំទំនិញគេចពន្ធគ្រប់ប្រភេទ ពីប្រទេសវៀតណាមយកស្តុកទុកនៅឃ្លាំងខាងក្រោយផ្ទះរបស់គាត់ទៀត តើសមត្ថកិច្ចណាហ៊ានមកធ្វើក្រម៉ស្រែងអីលោកគង់ ក្រឹងទៅអេ៎ះ?។
យ៉ាងណាម៉ិញ ទង្វើដែលលោកគង់ ក្រឹងធ្វើបែបនេះទៅបានដោយរលូនបែបនេះ គឺវាអាចគាត់មានខ្នងបង្អែករឹងមាំណាមួយនៅពីក្រោយ ទើបគាត់អាចរកឈើយ៉ាងចាស់វស្សាដោយមិនកោតក្រែងនរណាមួយរៀលបែបនេះ?។។
ទោះបីយ៉ាងណាលោក គង់ ក្រឹង ក៏មានមេការជំនិតចាំយកប្រាក់ប្រគល់ជាទ្រនិបអោយសមត្ថកិច្វ អ្នកការសែតរាប់រយអង្គភាព ហើយមេការនោះទី១.ឈ្មោះ ហ៊ីម ម៉ាត់ ជានិពន្ធនាយកការសែតដំណឹងថ្ងៃនេះ និងមេការទី២.ឈ្មោះ ហ៊ីម សំអាត បុគ្គលិកកាសែតនគរមាស។
អ្វីដែលជាប្រការហួសចិត្តគឺវាស្ថិតត្រង់ថាអ្នកទាំងពីរជាអ្នកសារព័ត៌មាន ម្ត៉េចបែរជាមកកាង និងរត់ការឲ្យលោក គង់ ក្រឹង ដែលជាមេឈ្មួញឈើ ដ៏ធំប្រចាំស្រុកស្នួលដោយភ្លេចគិតថា ខ្លួនកំពុងប្រព្រឹត្តអំពើសូកប៉ាន់ ដែលនេះវាជាអំពើប្រាសចាកពីក្រមសីលធម៌និងវីជ្ជាជីវ:សារព័ត៌មានទាំងស្រុង។
ថ្វីបើលោកគង់ ក្រឹងជាឈ្មួញរកសីុឈើក៏ពិតមែន ក៏មានការយល់ដឹងអំពីសិល្ប:នៃការចែករំលែកដោយក្នុង១ខែៗគាត់ចំណាយថវិការាប់សិបម៉ឺនដុល្លាអាមេរិចអោយទៅបណ្តាស្ថាប័ន សមត្ថកិច្ចគ្រប់អង្គភាព អ្នកការសែតរាប់រយដែលមកចោមរោមស៊ីសំណែនលោកគង់ ក្រឹងដែលបើលោកគង់ ក្រឹងមានពិរុទ្ធពីបទជួញដូរឈើ គឺអ្នកស៊ីប្រាក់លោក គង់ ក្រឹងក៏និងដោយរោយតាមដែរមិនរួចខ្លួនទេ ៕
