ការិយាល័យ​និពន្ធ 016 929 621 / 011 700 486 Email:nikahuch@yahoo.com / Website:www.pvknweb.com
ព័ត៌មាន​ថ្មី
- ទស្សនៈ​នយោបាយ ៖ អំណាច​មិន​ស្ថិតស្ថេរ​របស់​អ្នកនយោបាយ​ - តាមរយៈ​ព្រះរាជ​ពិធី​ចំរើន​ព្រះជន្ម​ព្រះមហាក្សត្រ​អ្នកនាំពាក្យ​រាជរដ្ឋាភិបាល​រំលឹក​ពី​ជំហរ​នយោបាយ​ក្រៅប្រទេស ! - ​លោក​ស​ថេត គ្រោង​បង្កើត​ក្រុម​កុម្ម៉ង់ដូ​នគរបាល​រាជធានី​ភ្នំពេញ​និង ស្នើ​ឱ្យ​វៀតណាម​ជួយ​ - យុវជន​រក្សា​ទុក​ដោយ​ខុស​ច្បាប់​នូវ​សារធាតុ​ញៀន​ត្រូវបាន​សមត្ថកិច្ច​ចាប់ខ្លួន​ - ​ប្ដី​កំណាច​កាប់​ប្រពន្ធ​ស្លាប់​ក្នុង​ថ្លុកឈាម​ - PM ខេត្ត​បន្ទាយមានជ័យ​ចាប់​ក្របួច​ជន​ជួញដូរ​គ្រឿងញៀន​ - អគ្គិភ័យ​ត្របាក់ ផ្ទះ ៦​ខ្នង​ខ្ទេច​ជា​ផេះ​នៅ​ស្រុក​អណ្ដូង​មាស​ - ​នគរបាល​ខេត្ត​កំពង់ឆ្នាំង​អះអាងថា​៖ ការចាប់ខ្លួន​លោក ប៉ុល ទិត្យ​ធានី មិនមែន​ជា​រឿង​នយោបាយ​នោះ​ទេ​ - ​កូនស្រី​សេដ្ឋី​នៅ​សៀមរាប​ដែល​ក្លាយជា​ឃាតក​តាម​ផ្លូវថ្នល់​វាសនា​ចារ​ថា​ជាប់គុក​២​ខែ​ - ​ជំទាវ​ហ៊ុន​ម៉ា​នី​បង្ហាញ​សម្រស់​លើ​កម្រាលព្រុំ​ក្រហម​នៅ​ទីក្រុង​កាន​
របាយការណ៍​ស្ដីពី​គ្រោះថ្នាក់​ចរាចរណ៍​ទូទាំង​ប្រទេស​ប្រចាំ ថ្ងៃទី​០៥ ខែ​មករា ឆ្នាំ​២០១៧ ៖ ​យោង​តាម​ទិន្ន័យ​ដែល​ទទួលបាន​ពី​នាយកដ្ឋាន​ចរាចរណ៍ និង​សណ្ដាប់ធ្នាប់​សាធារណៈ នៃ​អគ្គស្នងការដ្ឋាន​នគរ​បាល​ជាតិ​នៅ​ថ្ងៃនេះ មាន​គ្រោះថ្នាក់​ចរាចរណ៍​កើតឡើង​ចំនួន​១០​លើក ក្នុង​នោះ​បណ្ដាលឲ្យ​មនុស្ស​ស្លាប់​ចំនួន​១០​នាក់​ស្រី​០១ របួសធ្ងន់​ចំនួន​០៨​នាក់​ស្រី​០១ ដែល​បង្កឡើង​ដោយ​ម៉ូតូ​ចំនួន​០៥​លើក រថយន្ត​តូច​ចំនួន​០២​លើក រថយន្ត​ធំ​ចំនួន​០៣​លើក ហើយ​បណ្ដាលឲ្យ​ខូចខាត​ទ្រព្យសម្បត្តិ​អស់​ម៉ូតូ​ចំនួន​១០​គ្រឿង រថយន្ត​តូច​ចំនួន​០២​គ្រឿង រថយន្ត​ធំ​ចំនួន​០២​គ្រឿង និង​គោយន្ត​ចំនួន​០១​គ្រឿង​៕​

មហាជន​រិះគន់​ការលួចបើក​កិច្ចប្រជំ​របស់ រដ្ឋបាល​ស្រុក​កំពង់លែង ជាមួយ​ក្រុម​ត្រាក់ទ័រ​សុំ​ធ្វើ​អាជីវកម្ម​មិន​ឲ្យ​ប្រជាជន​និង​បណ្ដាញ​ផ្សព្វផ្សាយ​ដឹង​

[hupso]

(​កំពង់ឆ្នាំង​)៖ កាលពី​រសៀល​ថ្ងៃ​ចន្ទ ៣​កើត ខែ​ពិសាខ ឆ្នាំ​កុរ ឯ​កស័ក ព​.​ស​២៥៦២ ត្រូវ​នឹង​ថ្ងៃទី​៦ ខែ​ឧសភា ឆ្នាំ​២០១៩ នៅ​សាលប្រជុំ​សាលាស្រុក​កំពង់​លែង មាន​បើក​កិច្ចប្រជុំ​មួយ​ដើម្បី​ត្រួតពិនិត្យ ពិភាក្សា​លើ​ជុំវិញ​បញ្ហា​ក្រុម​ត្រាក់ទ័រ​សុំ​ច្បាប់​ធ្វើការ​ឈូសឆាយ ពង្រា​ប ដីស្រែប្រាំង ក្រោម​អធិបតីភាព លោក អៀង វុ​ធ អភិបាលរង​ខេត្ត​កំពង់ឆ្នាំង លោក សំ ចាន់ថន អភិបាលស្រុក​កំពង់​លែង លោកនាយ​ខណ្ឌ​ជលផល តំណាង​មន្ទីរ​កសិកម្ម រុក្ខ​ប្រមាញ់ និង​នេសាទ​ខេត្ត​។​

​កិច្ចប្រជុំ​ឮថា​មាន​ការចូលរួម​ពី​កងកម្លាំងប្រដាប់អាវុធ​និង លោក លោកស្រី​ជា​ម្ចាស់​ត្រាត់ទ័រ មេការ​អា​ត្រាក់ តំណាង​សហគមន៍​ក្នុងស្រុក ចូលរួម​សរុប ៨៣ នាក់ ក្នុង​នោះ​ម្ចាស់​ត្រាក់ទ័រ ៦៣ ផងដែរ​។​

​ប្រភព​ល​លួច​ឲ្យដឹងថា​លោក សំ ចាន់ថន អភិបាលស្រុក​កំពង់​លែង បាន​សំដែង​ការគួរសម និង​ធ្វើ​របាយ​ការណ៏ សង្ខេប​ជូន​អង្គពិធី​ដោយ​បញ្ជាក់ថា​៖ ជា​ទូរលេខ​សង្ខេប​ក្នុងស្រុក​កំពង់លែង​បច្ចុប្បន្ន​នៅ​ទូទាំង​ស្រុក​មាន​ត្រាក់ទ័រ​សរុប​ចំនួន ១០៣ គ្រឿង ក្នុង​នោះ​ចំនួន​ត្រាក់ទ័រ​ជាក់ស្តែង មាន​
១-/​ឃុំ​ច្រណូក​ចំនួន ៤២​គ្រឿង​។​២-/ ឃុំ​ដារ ១៦ គ្រឿង ៣-/​ឃុំ​ពោធិ៍ ២៦ គ្រឿង ៤-/​ឃុំ ស្វាយ​រំពារ ០៥ គ្រឿង ។​៥-/​ឃុំ​កំពង់​ហៅ ០៥ គ្រឿង និង​
៥-/​ឃុំ​សំរោង​សែន​ចំនួន ០៣ គ្រឿង​។​

​ប៉ុន្តែ​ប្រជាពលរដ្ឋ​ថា​ស្ថិតិ​ចំនួន​ត្រាក់ទ័រ​ដែល​លោក​អភិបាលស្រុក​រាយ​ការជូន​អង្គប្រជុំ​ដែលមាន​១០៣​គ្រឿង​នោះ​គឺ​មិន​ត្រឹមត្រូវ​ទេ​។ តាម​ពិត​គ្រាន់តែ​នៅ​ចំណុច​ខាងក្រោម​ស្ដី​កោង​ក្នុងភូមិ​កោះ​ក្អែក ដូន​វាទ ក្នុង​ឃុំ​កំពង់​ហៅ​ក៏​មាន​ត្រាក់ទ័រ​មិន​ក្រោម​ជាង​២០​គ្រឿង និង​នៅ​តំបន់​បឹង​បង្គោ​កី និង​កោះ​ចាប​ក្នុង​ឃុំ​ពោធិ៍ ក៏​មាន​ត្រាក់ទ័រ​មិន​ក្រោម​ជាង​៣០​គ្រឿង​ដែល​កំពុង​ធ្វើ​សកម្មភាព​ឈូសឆាយ​ដី​ព្រៃ​លិច​ទឹក​ដែល​ជា​ជម្រក​ត្រី​ពង​កូន​ផងដែរ​។ នេះ​មិន​ទាន់​រាប់បញ្ចូល​ក្រុម​ត្រាក់ទ័រ​នៅ​ឃុំ​ប្រឡាយ​មាស និង​នៅ​តំបន់​ឡត​ខ្នង និង​ថ្នល់​ឈើទាល​ក្នុង​ឃុំ​ផ្លូវ​ទូក​ជាប់​ព្រំប្រទល់​ខេត្ត​កំពង់ឆ្នាំង​និង​ខេត្ត​កំពង់ធំ​ដែល​មាន​ត្រាក់ទ័រ​រាប់​សិប​គ្រឿង​កំពុង​ធ្វើ​សកម្មភាព​ឈូសឆាយ​ដី​ព្រៃ​លិច​ទឹក​ដែល​ជា​ជម្រក​ត្រី​ពង​កូន​នៅ​រដូវវស្សា​នោះ​ផង​។​

​លោក សំ ចាន់ថន ក៏​បាន​បកស្រាយ​ផងដែរ​ពី​ការយឺតយ៉ាវ​នៃ​ការ​ដាក់​ច្បាប់​សុំ​ការអនុញ្ញាត​ឈូសឆាយ ពង្រាបដី​ស្រែ​ចំការ​ដែល​ធ្លាប់​អាស្រ័យ​ផល​គឺ​ត្រូវមាន​ការចុះពិនិត្យ និង​ចុច​ជី​ភី​អែ​ស​ដោយ​ក្រុម​មន្ត្រី​ជំនាញ​ជលផល​ជាមុន​សិន​ទើប​ធ្វើកា​អនុញ្ញាត​អោយ​ធ្វើការ​ឈូសឆាយ​ទៅបាន​។​
​អង្គប្រជុំ​បាន​មាន​មតិ​យោបល់​និង ផ្សព្វផ្សាយ​ច្បាប់​ស្តីពី​ជលផល​ដល់​ក្រុម​ត្រាក់ទ័រ ឈួស ឆាយ ដឹព្រៃ​លិច​ទឹក និង​ដែន​ដី​ព្រៃ​លិច​ទឹក​ដោយ​លោកនាយខ័​ណ្ឌ​ជលផល ដែល​ជា​តំណាង​មន្ទីរ​កសិកម្ម រួចមក លោក អៀង វុ​ធ អភិបាលរង​ខេត្ត​កំពង់ឆ្នាំង ក៏​បាន​មានមតិ​បូក​សរុប​បកស្រាយ​នូវ​រាល់​ចម្ងល់​ពាក់ព័ន្ធ​នៃ​ការដាក់​ច្បាប់​ស្នើសុំ​ការអនុញ្ញាត​ឈួសឆាយ ពង្រាប​ដី ត្រូវ​ឱ្យមាន​ការចូលរួម​ទៅ​តាម​លំដាប់លំដោយ​មានៈ ម្ចាស់​ដី ម្ចាស់​អា​ត្រាក់ មេភូមិ ក្រុមការងារ​ថ្នាក់​ខេត្ត ស្រុក និង​ជំនាញ​ពាក់ព័ន្ធ​ផ្សេង​ទៀត​ផង​ដែរ​។​

​លោក​អភិបាលរង​ខេត្ត​ក៏​បាន​ផ្តាំផ្ញើ​ដល់​អ្នក​ដែល​បាន​ចូលរួម​ក្នុង​អង្គពិធី​ឲ្យមាន​ការចូលរួម​អោយខាងតែបាន​នូវ​ការ​ការពា​រទាំង​ដីព្រៃ​លិច​ទឹក ដែន​ដី​ព្រៃ​លិច​ទឹក ពិសេស​គឺ​ដី​ស្ថិតនៅ​តំបន់​បី តំបន់​ព្រៃ​ត្រី​ពង​កូន​ជា​ដើម ។​

​គួរ​រំលឹកថា​នៅ​ខេត្ត​កំពង់ធំ​កាលពី​ពេល​កន្លង​ទៅ​ថ្មីៗ​នេះ​ឯកឧត្តម​អង្គ វង្ស​វឌ្ឍនា​រដ្ឋមន្ត្រីក្រសួង​យុត្តិធ​ម៏បាន​ផ្អាក​តំណែង​លោក​ព្រះរាជអាជ្ញារងអ​ម​សាលាដំបូង​ខេត្ត​មួយរូប​ផង​ដែរ​ពាក់ព័ន្ធ​ទៅនឹង​ការផ្ដើមគំនិត​អោយមាន​ការឈូសឆាយដី​ព្រៃ​លិច​ទឹក​ដែល​ជា​ជម្រក​ត្រី​ពង​កូន​នេះឯង​។ ប៉ុន្តែ​នៅ​ឯ​ខេត្ត​កំពង់ឆ្នាំង​ឯណេះ​វិញ​គឺ​ស្ងាត់​ដូច​ចោរលួច​សេះ​។​

​ប្រជាពលរដ្ឋ​ក៏ដូចជា​មហាជន​ទូទៅ​បាន​មាន​ការងឿងឆ្ងល់​ថា តើ​ការអនុវត្ត​ច្បាប់​ស្ដីពី​ជលផល​ទៅលើ​ក្រុម​ត្រាក់ទ័រ​ឈូសឆាយ​ដី​ព្រៃ​លិច​ទឹក​នៅ​ខេត្ត​កំពង់ធំ និង​នៅ​ខេត្ត​កំពង់ឆ្នាំង​ខុសគ្នា​ត្រង់ណា​??? ហេតុអ្វី​បានជា​នៅ​ខេត្ត​កំពង់ឆ្នាំង​លោក​មន្ត្រី​ជំនាញ​ជលផល​និង​និង​អាជ្ញាធរ​បើកដៃ​អោយ​មាន​ក្រុម​ត្រាក់ទ័រ​ចូល​ឈូសឆាយ​ដី​ព្រៃ​លិច​ទឹក​យ៉ាង​អានាធិបតេយ្យ​ស្ទើរ​គ្រប់​កន្លែង​ហើយ​គ្មាន​ការបង្ក្រាប​ពី​មន្ត្រី​ជំនាញ​ឬ​អាជ្ញា​ពាក់ព័ន្ធ​ឡើយ ឬ​មួយ​ពួក​មន្ត្រី​ខាងលើ​ក្លាយ​ជា​មន្ត្រី​គ្រាប់​ល្ពៅ​ដាំ​មិន​ដុះ​លួច​ឃុបឃិត​ប្រព្រឹត​អំពើពុរលួយ​ទទួល​សំណូក​ពីក្រុម​ឈ្មួញអ​ស់​ហើយ​បានជា​មិន​ឃើញ​មាន​វិធានការ​ទប់ស្កាត់​និង​មិន​គោរព​តាម​អភិក្រម​ទី​៥​របស់​សម្ដេច​តេជោ​ហ៊ុន សែន​បែប​នេះ​។​

​ល្មម​ឯកឧត្តម​ឱម យិនទៀង​ប្រធាន​អង្គភាព​ប្រឆាំង​អំពើពុករលួយ​បញ្ជូន​ក្រុមអធិការកិច្ច ចុះ​ពិនិត្យ​ករណី​មន្ត្រី​ជំនាញ​ជលផល​និង​អាជ្ញាធរ​លួច​បើកដៃ​អោយ​ក្រុម​ឈ្មួញ​យក​ត្រាក់ទ័រ​ចូល​ឈូ​ឆាយ​ដីព្រៃ​លិច​ទឹក​នៅ​ខេត្ត​កំពង់ឆ្នាំង​ផង​ទាន​ព្រោះ​សព្វ​ថ្ងៃ​គេ​កំពង់រ​ត់​ច្បាប់សុំ​ដាក់​គ្រឿងចក្រ​ឈូសឆាយ​ក្រោមលេស​កែប្រែ​ដីចំការ​មកជា​ដីស្រែប្រាំង​វិញ ប៉ុន្តែ​ធាតុពិត​គឺ​គេ​ឈូស​ទន្ទ្រាន​ដី​ព្រៃ​យក​ធ្វើ​កម្មសឹទ្ធិ​តែ​ម្ដង​ផង​ទាន​៕

Filed in: ព័ត៌មានជាតិ
© 1079 បញ្ញវន្តខ្មែរ. All rights reserved. XHTML / CSS Valid.