ការិយាល័យ​និពន្ធ 016 929 621 / 011 700 486 Email:nikahuch@yahoo.com / Website:www.pvknweb.com
ព័ត៌មាន​ថ្មី
- ​តើ​លោក សូ​ត ស៊ី​សុខ​ឃាង ប្រធាន​មន្ទីរ​កសិកម្ម​ខេត្ត ឧត្តរមានជ័យ​មាន​វិ​ធាន​ការ​ដែរឬទេ ក្រោយ​បែកធ្លាយ​រឿង​លោក វុន វ៉ាន់ នាយរង​សង្កាត់រដ្ឋបាល​ព្រៃឈើ ស្រុក​អន្លង់វែង​យក​ស្ថាប័នមួយ​នេះ​ធ្វើ​ជា​ឈ្នាន់​ដើម្បី​ប្រព្រឹត្ត​អំពើ​ពុករលួយ​ - ចែ​នាង​ជា​ឈ្មួញ​ឥ​វ៉ាន​ចាប់ហួយ​ម្នាក់​ដែល​រកស៊ី​យ៉ាង​អនាធិបតេយ្យ​ប្រចាំ​ស្រុក​គិរីវង់ ឃុំ​ព្រះបាទ​ជាន់​ជុំ ភូម​ព្រៃ​តា​ម៉ៅ ខេត្តតាកែវ - នោះ​រឿង​ធំ​ហើយ នាយ​ឧត្តមសេនីយ៍ សៅ សុខា បញ្ជា​ឲ្យ​ត្រួតពិនិត្យមេ​ប៉េអឹម​ខេត្តស្ទឹងត្រែង​រឿង​ធ្វើ​បាប​កូនចៅ​ - លោក ​ញ៉ាណ សារ៉ាត់ ប្រធាន​បរិស្ថាន​ស្រុក​សំបូរ ខេត្ត​ត​ក្រចេះ​យក​តួនាទី​កាង​បទល្មើស​ព្រៃឈើ​ - ​សមត្ថកិច្ច​ចម្រុះ​ថ្នាក់​ខេត្ត​ចុះ​ស្រាវជ្រាវ ប្រជាពលរដ្ឋ ៣៥ គ្រួសារ​ពិតជា​បាន​អាស្រ័យ​ផល រហូតមកដល់​បច្ចុប្បន្ន​ - ចោរលួច​ក្របី​៣​នាក់​សម្រួល​ជាមួយ​ម្ចាស់​ តែ​មិន​សម្រួល​តុលាការ គេចខ្លួន​១​ឆ្នាំ​វិលម​ក​ផ្ទះ​វិញ​ត្រូវ​តុលាការ​ចាប់​ឃុំ​មេធាវី​ជួយ​មិន​បាន​ - សមត្ថកិច្ច​ចុះ​ឆែកឆេរ​ផ្ទះ​ឧកញ៉ា គង់ ក្រឹ​ង នៅ​ស្រុក​ស្នួល​ - ​ឃើញ​មឈូស​បាន​ស្រក់​ទឹកភ្នែក​បុរស​ជេរប្រមាថ​អ្នកនាង​ច​ន ច័ន្ទ​លក្ខិណា​បាន​មក​សុំ​ទោស​! - ​លោក​អធិការនគរបាល​ស្រុក​អូរយ៉ាដាវ​រំលោភ​ច្បាប់ឯ​កព​ន្ធ​ភា​ព​!? - ចៅអធិការ​វត្ត​មាន​ស្រី​ខឹង​រឿង អ្នករត់​ម៉ូតូឌុប​មក​គោះ​លុយ​សម្លាប់ចោល​!
របាយការណ៍​ស្ដីពី​គ្រោះថ្នាក់​ចរាចរណ៍​ទូទាំង​ប្រទេស​ប្រចាំ ថ្ងៃទី​០៥ ខែ​មករា ឆ្នាំ​២០១៧ ៖ ​យោង​តាម​ទិន្ន័យ​ដែល​ទទួលបាន​ពី​នាយកដ្ឋាន​ចរាចរណ៍ និង​សណ្ដាប់ធ្នាប់​សាធារណៈ នៃ​អគ្គស្នងការដ្ឋាន​នគរ​បាល​ជាតិ​នៅ​ថ្ងៃនេះ មាន​គ្រោះថ្នាក់​ចរាចរណ៍​កើតឡើង​ចំនួន​១០​លើក ក្នុង​នោះ​បណ្ដាលឲ្យ​មនុស្ស​ស្លាប់​ចំនួន​១០​នាក់​ស្រី​០១ របួសធ្ងន់​ចំនួន​០៨​នាក់​ស្រី​០១ ដែល​បង្កឡើង​ដោយ​ម៉ូតូ​ចំនួន​០៥​លើក រថយន្ត​តូច​ចំនួន​០២​លើក រថយន្ត​ធំ​ចំនួន​០៣​លើក ហើយ​បណ្ដាលឲ្យ​ខូចខាត​ទ្រព្យសម្បត្តិ​អស់​ម៉ូតូ​ចំនួន​១០​គ្រឿង រថយន្ត​តូច​ចំនួន​០២​គ្រឿង រថយន្ត​ធំ​ចំនួន​០២​គ្រឿង និង​គោយន្ត​ចំនួន​០១​គ្រឿង​៕​

​សហភាព​សហ​ពន្ធ​យុវជន​ខេត្តស្វាយរៀង​ប្រកែក​ញ៉ាញ​ថា​ថៅកែ​ក្លឹប​កម្សាន្ត​ឈ្មោះ AJR KTV​មិនមែន​ជា​សមាជិក​ខ្លួន​ទេ​!

[hupso]

សហភាព​សហព័ន្ធ​យុវជន​កម្ពុជា (​ស​.​ស​.​យ​.​ក​) ខេត្ត​ស្វាយរៀង​កាលពី​ថ្ងៃ​ទី​១៦ ខែមិថុនា ឆ្នាំ​២០១៩ បាន​បដិសេធ​ថា​ម្ចាស់​ក្លឹប​កម្សាន្ត​ឈ្មោះ AJR KTV ក្រុង​ប៉ោយប៉ែត ខេត្ត​បន្ទាយមានជ័យ​ដែល បើក​អាជីវកម្ម​ក្លឹប​កម្សាន្ត មាន​បង្កប់​ការប្រើប្រាស់ និង​ចែកចាយ​គ្រឿងញៀន​សមាជិក ស​.​ស​.​យ​.​ក ស្វាយរៀង ហើយ​។

​លោក តូច ប៉ូ​លី​វ៉ា អភិបាលរង​ខេត្ត​ស្វាយរៀង និង​ជា​អនុប្រធាន​ប្រចាំការ ស​.​ស​.​យ​.​ក ខេត្ត​ស្វាយរៀង បាន ប្រាប់ កាសែត ថា លោក​មិន​អាច​ទទួលយក​បាន​ទេ ចំពោះ​ការអះអាង​របស់​បុគ្គល​ឈ្មោះ ឡាយ ប៉េង​អាន អាយុ​៣២​ឆ្នាំ ត្រូវបាន​គេ​ផ្សព្វផ្សាយ​ថា ជា​ក្រុមការងារ​យុវជន ស​.​ស​.​យ​.​ក ខេត្ត​ស្វាយរៀង​។​
«​សមាជិក ស​.​ស​.​យ​.​ក​គឺជា​យុវជន​ធ្វើអំពើ​ល្អ​ដើម្បី​សង្គម មិនមែន​ធ្វើ​អំពើ​បែបនេះ​ទេ​។ ស​.​ស​.​យ​.​ក ខេត្ត​ស្វាយរៀង សូម​បដិសេធ​ថា ម្នាក់​នេះ​មិនមែន​ជា​សមាជិក ស​.​ស​.​យ​.​ក ស្វាយរៀង​ទេ​»​។​

​ពាក់ព័ន្ធ​ករណី​នេះ​ដែរ ផេក​ហ្វេស​ប៊ុ​ករបស់ ស​.​ស​.​យ​.​ក បាន​ផ្សាយ​សារ​បដិសេធថា «​កាលពី​ពេល​ថ្មីៗ​នេះ មាន​សារព័ត៌មាន​មួយចំនួន​បាន​ចុះផ្សាយ​ថា “​បុគ្គល​ឈ្មោះ ឡាយ ប៉េង​អាន ម្ចាស់​ក្លឹប AJR KTV ថា ជា​ក្រុមការងារ ស​.​ស​.​យ​.​ក ខេត្ត​ស្វាយរៀង​” ដែល​ធ្វើឲ្យ​មហាជន​មាន​ការភាន់ច្រឡំ​។ ក្នុង​នោះ​ផង​ដែរ សហភាព​សហព័ន្ធ​យុវជន​កម្ពុជា ខេត្ត​ស្វាយរៀង សូម​ធ្វើ​ការច្រានចោល​នូវ​ព័ត៌មាន​នេះ ដោយសារ​បុគ្គល​ឈ្មោះ ឡាយ ប៉េង​អាន មិនមែន​ជា​ក្រុមការងារ ស​.​ស​.​យ​.​ក ខេត្ត​ស្វាយរៀង ដូច​ការចុះផ្សាយ​នោះទេ​»​។​

​តាម​សេចក្តីរាយការណ៍​ផ្សេងៗ បានឲ្យដឹង​ថា​ឈ្មោះ ឡាយ ប៉េង​អាន​អាយុ ៣២​ឆ្នាំ ជា​ក្រុមការងារ​យុវជន ស​.​ស​.​យ​.​ក ខេត្ត​ស្វាយរៀង បុគ្គល​នេះ​មាន​ចរិក​ក្រអើត​ក្រទម​អួតអាង​ថា​ខ្លួន​មាន​ខ្សែ​ធំ​នៅ​ក្រសួង​មហាផ្ទៃ​។ ក្រៅពី​បើក​ក្លឹប​កម្សាន្ត​បង្កប់​គ្រឿងញៀន បុគ្គល​រូបនេះ មាន​ហាង​បញ្ចាំ​ម៉ូតូ​ក្តៅ ឡាន​ក្តៅ ដោយ​ខុសច្បាប់ ដើម្បី​យកការប្រាក់​ខ្ពស់​ហួសហេតុ គឺ​ពី​៣ ទៅ​៥​ភាគរយ ក្នុង​មួយ​ថ្ងៃ​។ មិន​តែ​ប៉ុណ្ណោះ​បុគ្គល​រូបនេះ ថែមទាំង​មាន​ឃ្លាំង​លក់​រថយន្ត​ទំនើប​ដ៏​ធំ នៅតាម​បណ្តោយ​ផ្លូវជាតិ​លេខ​៥ ក្នុង​ក្រុង​ប៉ោយ​ប៉ែត​។​អាជីវកម្ម​បែបនេះ​ទើប​សេដ្ឋី​វ័យក្មេង​រូបនេះ​មាន​ទ្រព្យសម្បត្តិ​មហាសាល​ក្នុង​រយះពេល​តែ​មួយប៉ប្រិចភ្នែក​។​កាល​នោះ​ខាង​សស​យក​ស្ងាត់ឈឹង​!?​។​

​សូម​រំឭកថា កម្លាំង​កង​រាជ​អាវុធ​ក្រុង​ប៉ោយ​ប៉ែត ខេត្ត​បន្ទាយមានជ័យ កាលពី​យប់​ថ្ងៃ​ទី​១៤ ខែមិថុនា ឆ្នាំ​២០១៩ បាន​បង្ក្រាប​សម្បុក​គ្រឿងញ្ញៀន​ដ៏​ធំ​ហើយ​បាន​សង្គ្រោះ​ក្រុម​យុវវ័យ​ខ្មែរ​ក្មេងៗ ដែល​ធ្លាប់តែ​គេច​ពី​សាលា​ចូល​ហើយ​ចាប់​មេក្លោង​គឺ​ជនសង្ស័យ​ឡាយ ប៉េង​អាន នេះ​ទៅ ៕

Filed in: ព័ត៌មានជាតិ
© 2019 បញ្ញវន្តខ្មែរ. All rights reserved. XHTML / CSS Valid.