អគារកំពស់៧ជាន់មួយកន្លែងស្ថិតនៅជិតកន្លែងលាងរថយន្ត អរុណរះ សង្កាត់លេខ៤ ក្រុងព្រះសីហនុ បានបាក់រលំនាម៉ោងជិត៥ព្រឹកថ្ងៃទី២២ ខែមិថុនាឆ្នាំ២០១៩នេះ។
គ្រោះរលំអគារនោះបានបង្កការអោយមានការខូចខាតដល់ផ្ទះសំបែងប្រជាពលរដ្ឋដែលរស់នៅជាប់នោះ ក៏បណ្ដាលអោយខូចខាតរថយន្ត និងទ្រព្យសម្បត្តិមួយចំនួនទៀតផងដែរ។
សេចក្តីរាយការណ៍បឋមពីកន្លែងកើតហេតុបានអោយដឹងថា:ឧប្បត្តិហេតុនេះក៏មានមនុស្សមួយចំនួនជាប់ក្នុងគំនរអាគាររលំបាក់ ប៉ុន្តែភ្លាមៗ មិនទាន់ដឹងពីចំនួនពិតប្រាកដៃអ្កករងរបួសឬក៏មានអ្នកស្លាប់ប៉ុន្មាននាក់នោះឡើយ ។
ករណីគ្រោះថ្នាក់នេះសមត្ថកិច្ច និងក្រុមសង្គ្រោះកំពុងអន្តរាគមន៍ជួយរុករកជនរងគ្រោះដែលជាប់ក្នុងគំនរបាក់បែកនោះ ។
រហូតពេលនេះ យើងមិនទាន់ដឹងច្បាប់ច្បាស់លាស់នៅឡើយពីជោគជតាជនរងគ្រោះដែលអាចនិងទៅជាយ៉ាងណា។