ការិយាល័យ​និពន្ធ 016 929 621 / 011 700 486 Email:nikahuch@yahoo.com / Website:www.pvknweb.com
ព័ត៌មាន​ថ្មី
- មន្ត្រីរដ្ឋបាល​ព្រៃឈើ​៣​រូប​រត់គេចខ្លួន​ពាក់ព័ន្ធ​បទល្មើស​ព្រៃឈើ​នៅ​មណ្ឌលគិរី​ - ​ការយកចិត្តទុកដាក់​របស់​ថ្នាក់ដឹកនាំ​លើ​វិស័យ​កីឡា​ - ជនសង្ស័យ​ចំនួន​2​នាក់​ត្រូវ​បាន​សមត្ថកិច្ច​ខេត្ត​បន្ទាយមានជ័យ​ចាប់ខ្លួន​ - ​អគ្គនាយកដ្ឋាន​អន្តោប្រវេសន៍​រុះរើ​នាយកដ្ឋាន​ស៊ើបអង្កេត និង​អនុវត្ត​នីតិវិធី​ - ​នាយករដ្ឋមន្ត្រី​ដក​យក​ដី​បឹង​ជើងឯក​វិញ​ធ្វើឲ្យ​ក្រុមហ៊ុន​ឧកញ៉ា​អ៊ឹង​ប៊ុនហូវ​វណ្ឌក​? - អភិបាលខេត្ត​រតនគិរី​ជម្រុញ​អោយ​អាជ្ញាធរ​គ្រប់​ស្រុក​ប្រារព្វ​ទិវា​ដាំ​កូន​ឈើ​ដើម្បី​បង្កើន​គម្រប​ព្រៃឈើ​ធម្មជាតិ​ឡើងវិញ​ - សេចក្តីអំពាវនាវ​​ស្ត្រី​ខ្មែរ​វ័យក្មេង​ម្នាក់​ត្រូវបាន​មេខ្យល់​បោកប្រាស​យក​ទៅ​អោយ​មានប្តី​ទងវ័យ​ខ្ចី​នៅ​ឯ​ប្រទេស​ចិន - ​តុលាកា​ខេត្ត​មណ្ឌលគិរី​សម្រេច​ឃុំខ្លួន​ឧកញ៉ា​ឈើ​ដ៏​ល្បីឈ្មោះ​នឹង​កូនចៅ​៣​នាក់​ហើយ​ - ព្រះរាជអាជ្ញា​ខេត្ត​មណ្ឌល​គី​រី​បាន​ចេញ​ដីកា​បញ្ជា​ឈ្មួញ ២​រូបឲ្យ​ចូលខ្លួន​ឆ្លើយបំភ្លឺ ពាក់​នឹង​ការកាប់បំផ្លាញ​ព្រៃឈើ - ​ក្រសួង​មហាផ្ទៃ​ដកហូត​អាជ្ញា​ប​ណ្ឌ័​ក្រុមហ៊ុន​សន្តិសុខ​ឯកជន​ចំនួន​៣៣
របាយការណ៍​ស្ដីពី​គ្រោះថ្នាក់​ចរាចរណ៍​ទូទាំង​ប្រទេស​ប្រចាំ ថ្ងៃទី​០៥ ខែ​មករា ឆ្នាំ​២០១៧ ៖ ​យោង​តាម​ទិន្ន័យ​ដែល​ទទួលបាន​ពី​នាយកដ្ឋាន​ចរាចរណ៍ និង​សណ្ដាប់ធ្នាប់​សាធារណៈ នៃ​អគ្គស្នងការដ្ឋាន​នគរ​បាល​ជាតិ​នៅ​ថ្ងៃនេះ មាន​គ្រោះថ្នាក់​ចរាចរណ៍​កើតឡើង​ចំនួន​១០​លើក ក្នុង​នោះ​បណ្ដាលឲ្យ​មនុស្ស​ស្លាប់​ចំនួន​១០​នាក់​ស្រី​០១ របួសធ្ងន់​ចំនួន​០៨​នាក់​ស្រី​០១ ដែល​បង្កឡើង​ដោយ​ម៉ូតូ​ចំនួន​០៥​លើក រថយន្ត​តូច​ចំនួន​០២​លើក រថយន្ត​ធំ​ចំនួន​០៣​លើក ហើយ​បណ្ដាលឲ្យ​ខូចខាត​ទ្រព្យសម្បត្តិ​អស់​ម៉ូតូ​ចំនួន​១០​គ្រឿង រថយន្ត​តូច​ចំនួន​០២​គ្រឿង រថយន្ត​ធំ​ចំនួន​០២​គ្រឿង និង​គោយន្ត​ចំនួន​០១​គ្រឿង​៕​

​ខួប​បី​ឆ្នាំ​នៃ​ការបាញ់​សម្លាប់​លោក​កែ​មឡីស​មត្ត​កិច្ច​ហាម​មិន​ឲ្យ​ជួបជុំ​គ្នា​និង​ចាប់​មនុស្ស​៣​នាក់​!

[hupso]

ភ្នំពេញ ​៖ ​ព្រឹក​ថ្ងៃ​ទី​១០​កក្កដា​ដែល​ជា​ឆ្នាំ​ទី​៣​នៃ​ខួប​នៃ​ការបាញ់​សម្លាប់​លោក​បណ្ឌឹត​កែម​ឡី​អ្នកវិភាគ សកម្មជន​៣​នាក់ ត្រូវបាន​ឃាត់ខ្លួន​នៅ​ខាងក្រៅ​ស្ថានីយប្រេងឥន្ធនៈ​កាល់​តិច​ស្ដុប​បូកគោ​ក្នុង​រាជធានី​ភ្នំពេញ បន្ទាប់​ពី​អ្នក​ទាំង​៣​បាន​ចូលរួម​ជាមួយ​យុវជន មេដឹកនាំ​សហជីព និង​សមាជិក​សង្គម​ស៊ីវិល​ដទៃទៀត ដើម្បី​ធ្វើ​ពិធី​រំលឹក​ខួប​នេះ​។​

​យុរ​ជន​ដែល​ត្រូវបាន​ឃាត់ខ្លួន​ទាំង​៣​នាក់​ក្នុងនោះ​ក៏មាន សកម្មជន​ការពារ​បរិស្ថាន លោក ជុំ ហួត និង​លោក ជុំ ហួរ​ដែលជា​អ្នក​អង្គុយ​ផឹកា​ហ្វេស​ចុង​ក្រោយ​មុនពេល​លោក​កែម​ឡី​ត្រូវបាញ​សម្លាប់ ។​

​កម្លាំងប្រដាប់អាវុធ​ជាច្រើន​បាន​ធ្វើ​ការហ៊ុមព័ទ្ធ មិន​ត្រូវបាន​អនុញ្ញាត​ឱ្យ​ដាក់​កម្រងផ្កា​នៅ​ស្ថានីយប្រេងឥន្ធនៈ​នោះទេ ។ សកម្មជន​បឹងកក់ លោកយាយ ង៉ែត ឃុន ត្រូវ​បាន​ហ៊ុម​ព័ទ្ធ​ភ្លាមៗ​ពេល​លោកយាយ​បាន​មក​ដល់​ស្ថានីយ និង​ត្រូវ​បាន​កងសន្ដិសុខ​នាំ​ខ្លួន​ចេញពី​ស្ថានីយ​ដោយ​បង្ខំ ។​នគរបាល​បង្ខំ​ឱ្យ​សកម្មជន​ម្នាក់​ដោះអាវ​ដែល​មាន​រូប​លោក​បណ្ឌិត កែម ឡី ដែល​ត្រូវបាន​ឃាតករ​បាញ់​សម្លាប់​។​

​កាលពី​ថ្ងៃ​ទី​៩​កក្កដា​លោក គង់ រ៉ៃ​យ៉ា អតីត​និស្សិត​និជា​ស​កម្មជនការពារបរិស្ថា​ន និង​សមាជិក​ក្រុមគ្រួសារ​របស់​លោក ៣​នាក់​ទៀត​ដែល​លក់​អាវយឺត​មាន​បោះពុម្ព​ពាក្សសម្តី​លោកែម​ឡី ត្រូវបាន​នគរបាល​ចាប់ខ្លួន ដោយ​ចោទប្រកាន់​ពី​បទ​ញុះញង់​ឱ្យ​បង្កចលាចល​ក្នុង​សង្គម​ត្រៀម​បញ្ជូនទៅ​តុលាការ​។​

​លោក​គង់ រ៉ៃ​យ៉ា ត្រូវបាន​ចាប់ខ្លួន​ម្ដង​ហើយ​កាលពី​ខែ​សីហា ឆ្នាំ​២០១៥ និង​ត្រូវបាន​ផ្ដន្ទាទោស​ដាក់​ពន្ធនាគារ​ពី “​បទ​ញុះញង់​ឱ្យ​ប្រព្រឹត្ត​បទឧក្រិដ្ឋ​ជាអាទិ៍​” ពាក់ព័ន្ធ​នឹង​ការ​បង្ហោះ​សារ​លើ​ហ្វេ​សប៊ុក ដែល​បាន​អំពាវនាវ​ឱ្យ​ធ្វើ “​បដិវត្តន៍​ពណ៌​” ជា​ពាក្យ​ដែល​អាជ្ញាធរ​តែងតែ​ប្រើ​ដើម្បី​ចាត់ទុក​ចលនា​សន្ដិវិធី​ថា​ជា សកម្មភាព​បះបោរ​ដោយ​ហិង្សា​។​ដោយឡែក​នៅ​ព្រឹក​ថ្ងៃទី​១០ ខែកក្កដា ឆ្នាំ​២០១៩​នេះដែរ លោក គង់ មុនី​កា ប្រធាន​គណបក្ស​ឆន្ទៈ​ខ្មែរ បាន​ថ្លែង​តាម​ហ្វ​រ​សប៊ុ​ក​ថា យុវជន​ទាំង​៣​នាក់ នឹង​ត្រូវ​ដោះ​លែងឲ្យ​មាន​សេរីភាព​ឡើងវិញ បន្ទាប់​ពី​ការជួបជុំ​គ្នា កា​រាស់​សាំង​កាល់​តិច ជិតស្ដុប​បូកគោ​។​
​លោក គង់​មុនី​កា បានសរសេរថា “​ខ្ញុំ និង​លោក អ៊ី មុយ​លី ជា​អគ្គលេខាធិការ ព្រមទាំង​លោក ជុំ ហាក់ ជា​ប្រធាន​ចលនា​យុវជន​គណបក្ស​ឆន្ទៈ​ខ្មែរ ដែល​ត្រូវជា​ប្អូនប្រុស បង្កើត​របស់​សកម្មជន​បរិស្ថាន​កូនភ្លោះ ជុំ ហួត – ជុំ​ហួរ បាន​ចូលជួប​សួរសុខទុក្ខ​យុវជន​ទាំង​៣​រូប ដែល​ត្រូវបាន​ឃាត់ខ្លួន​កាលពី​ព្រឹក​មិញ​”​។​

​លោក​បញ្ជាក់ថា “​តាម​ការ​ឲ្យដឹង​ពី​អាជ្ញាធរ យុវជន​ទាំង​៣​នឹង​ត្រូវ​ដោះ​លែងឲ្យ​មាន​សេរីភាព​ឡើងវិញ បន្ទាប់​ពី​ការជួបជុំ​នៅ​ស្តា​ម៉ា​ត កាល់​តិច ត្រូវបាន​រំសាយ​”​។​

​គួរ​រំលឹក​ជូន​ថា លោក កែម ឡី អ្នកវិភាគ​នយោបាយ​និង​សង្គម ត្រូវបាន​ឃាតករ​បាញ់​សម្លាប់​កាលពី​ព្រឹក​ថ្ងៃទី​១០ កក្កដា ឆ្នាំ ២០១៦ នៅ​ហាង​ស្តា​ម៉ា​ត​កាល់​តិច ស្តុប​បូកគោ​។ អាជ្ញាធរ​បាន​ឃាត់ខ្លួន​បុរស​ម្នាក់​ឈ្មោះ អឿ​ត អាង ហៅ​ជួប​សម្លាប់ និង​បាន​ផ្តន្ទាទោស​ឲ្យ​ជាប់​ពន្ធនាគា​រអស់​មួយជីវិត​។ អឿ​ត អាង ហៅ​ជួប​សម្លាប់ បាន​សារភាព​ថា ខ្លួន​គឺជា​អ្នក​សម្លាប់​លោក​បណ្ឌិត កែម ឡី ដោយសារ​ជំពាក់​ប្រាក់​៣​ពាន់​ដុល្លារ​។​

​ប៉ុន្តែ​ទោះជា​យ៉ាងនេះក្តី នៅ​មួយ​ថ្ងៃ​មុន​ខួប​បី​ឆ្នាំ​នៃ​ការបាញ់សម្លាប់ លោក​បណ្ឌិត កែម ឡី នេះ អង្គការ​ជាតិ​និង​អន្តរជាតិ​ចំនួន​២៤ បានចេញ​សេចក្តីថ្លែងការណ៍​រួមមួយ ដោយ​អំពាវនាវ​ជា​ថ្មី​ឲ្យ​រដ្ឋាភិបាល​កម្ពុជា បង្កើត​គណៈកម្មាការ​ស៊ើបអង្កេត​លើ​ករណី​បាញ់សម្លាប់ លោក កែម ឡី ជាថ្មី​។ ជា​គណៈកម្មាការ​ស៊ើបអង្កេត​ឯករាជ្យ និង​មិន​លម្អៀង ដើម្បី​រក​យុត្តិធម៌ ពេញលេញ​ដល់​លោក កែម ឡី​។ ប៉ុន្តែ​អ្នកនាំពាក្យ​រដ្ឋាភិបាល​លើក​ឡើង​ជាមួយ​កាសែត​ថា ការបង្កើត​គណៈកម្មកា​រ​ណាមួយ​នោះ ជា​រឿង​មិន​អាច​ទៅ​រួច​ឡើយ​?!​។​

Filed in: ព័ត៌មានជាតិ
© 2019 បញ្ញវន្តខ្មែរ. All rights reserved. XHTML / CSS Valid.