ឈ្មួញឈើ០២ នាក់ត្រូវបានតុលាការចេញដីកាអោយចូលបំភ្លឺករណីកាប់បំផ្លាញព្រៃឈើនៅខេត្តមណ្ឌលគីរីដូចមានខាងក្រោមនេះ:
១/-ឈ្មោះ ណេង ម៉ៅ ភេទប្រុស អាយុ៥០ឆ្នាំ មុខរបរ ជាអ្នកចាត់ចែង ប្រមូលឈើឱ្យក្រុមហ៊ុន ម៉ាស្ទ័រខេសាន់ មានទីលំនៅបច្ចុប្បន្ន ភូមិក្បាលស្នួល ឃុំស្នួល ស្រុកស្នួល ខេត្ត ក្រចេះ ។
២/-ឈ្មោះ សាំង សុខុន ភេទប្រុស អាយុ២៧ឆ្នាំ មុខរបរជាអ្នកចាត់ចែងរបស់ក្រុមហ៊ុនម៉ាស្ទ័រខេសាន់មានទីលំនៅបច្ចុ ភូមិកោះសំរោង ឃុំកោះសំរោង ស្រុកកំពង់សៀម ខេត្តកំពង់ចាម ។
អ្នកទាំងពីរនេះជាមេឈ្មួញរកសុីឈើយ៉ាងល្បីល្បាញ នៅភូមិភាគឦសាននៃប្រទេសកម្ពុជា។
កន្លងមកកម្លាំងគណៈកម្មាធិការជាតិ ដើម្បីទប់ស្កាត់ និងបង្ក្រាប បទល្មើសធនធានធម្មជាតិក្រោមការ ដឹកនាំបញ្ជាផ្ទាល់ពីនាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មាធិការជាតិដើម្បីទប់ស្កាត់ និងបង្ក្រាបបទល្មើស ធនធានធម្មជាតិបានចាប់ខ្លួនឈ្មួញឈើចំនួន ០៤នាក់ ក្នុងនោះក៏មានឧកញ៉ា ស៊ឹង សំអុល ប្រធានក្រុមហ៊ុន ព្រមទាំងមេការ២នាក់ និងម្ចាស់រថយន្តម្នាក់ទៀត រួមទាំងធ្វើការដកហូត រថយន្ដជាង៤៥គ្រឿងផងដែរ ។
បេសកកម្មបង្ក្រាបយ៉ាងមានប្រសិទ្ធិភាពនេះ ត្រូវបានមតិមហាជន គាំទ្រនិងអបអរសាទចំពោះចំណាត់ការដ៏ក្តៅគគុកនេះផងដែរ។
ជាពិសេសចំពោះការបង្គាប់អោយជនជួញដូរឈើ ០២រូបខាងលើឱ្យឆ្លើយបំភ្លឺចំពោះការកាប់បំផ្លាញព្រៃឈើ តើព្រះរាជអាជ្ញាដោះលែងឬក៏រកឃើញបទល្មើសដាក់ទោស តាមផ្លូវច្បាប់ ៕
