ខេត្តបន្ទាយមានជ័យ ៖ នគរបាលប្រឆាំងគ្រឿងញៀន សហការជាមួយកំលាំងអធិការដ្ឋានក្រុងសិរីសោភ័ណ និងកំលាំងអធិការដ្ឋានស្រុកមង្គលបូរី ដឹកនាំដោយលោក វរសេនិយ៍ទោ ង៉េង សុជា ស្នងការរងផែនប្រឆាំងគ្រឿងញៀនបានចុះបង្ក្រាបករណីជួញដូរគ្រឿងញៀនខុសច្បាប់ នៅចំណុចភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ដោយមានការសម្របសម្រួលពីលោក តេង សាម៉ៃ ព្រះរាជ អាជ្ញារង អមសាលាដំបូងខេត្តបន្ទាយមានជយ័។
សមត្ថកិច្ចជំនាញប្រឆាំងគ្រឿងញៀនបានឃាត់ខ្លួនជនសង្ស័យចំនួន ០២នាក់ជាស្ត្រីភេទក្នុងនោះ:
ស្ត្រីទី១-ឈ្មោះ សៀប ម៉ាយ៉ា អាយុ ២០ ឆ្នាំ ជនជាតិខ្មែរអិ:ស្លាម ស្នាក់នៅភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យមុខរបរលក់ខោអាវ ។
ស្ត្រីទី២-ឈ្មោះ លាង ឩសភា អាយុ២៦ឆ្នាំ ជនជាតិខ្មែរ ស្នាក់នៅអាគារកាសុីណូហូលីដេ ភូមិក្បាលស្ពាន សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ មុខរបរជាបុគ្គលិកកាសុីណូ ។
បន្ទាប់ពីចាប់ខ្លួនស្ត្រីទាំងពីរនាក់នេះហើយ សមត្ថកិច្ចជំនាញក៏ឈានទៅឆែកឆេរលំនៅដ្ថានរបស់ជនសង្ស័យក៏រកឃេីញវត្ថុតាងមាន:ម្សៅក្រាមចំនួន ១៩ថង់តូចនិង១ថង់ធំ ថ្នាំគ្រាប់អុិកស្តាសុី១៥គ្រាប់ កូនដបដែលមានវត្ថុរាវនៅក្នុងដបចំនួន៧ដប សំបកថង់ប្លាស្ទិកនិងឩបករណ៍ប្រេីប្រាស់ថ្នាំ ញៀនមួយចំនួន ។
បច្ចុប្បន្នជនសង្ស័យរួមទាំងវត្ថុតាងត្រូវបានសមត្ថកិច្ច កសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យចាត់ការតាមនីតិវិធីច្បាប់។