ការិយាល័យ​និពន្ធ 016 929 621 / 011 700 486 Email:nikahuch@yahoo.com / Website:www.pvknweb.com
ព័ត៌មាន​ថ្មី
- ​តើ​លោក សូ​ត ស៊ី​សុខ​ឃាង ប្រធាន​មន្ទីរ​កសិកម្ម​ខេត្ត ឧត្តរមានជ័យ​មាន​វិ​ធាន​ការ​ដែរឬទេ ក្រោយ​បែកធ្លាយ​រឿង​លោក វុន វ៉ាន់ នាយរង​សង្កាត់រដ្ឋបាល​ព្រៃឈើ ស្រុក​អន្លង់វែង​យក​ស្ថាប័នមួយ​នេះ​ធ្វើ​ជា​ឈ្នាន់​ដើម្បី​ប្រព្រឹត្ត​អំពើ​ពុករលួយ​ - ចែ​នាង​ជា​ឈ្មួញ​ឥ​វ៉ាន​ចាប់ហួយ​ម្នាក់​ដែល​រកស៊ី​យ៉ាង​អនាធិបតេយ្យ​ប្រចាំ​ស្រុក​គិរីវង់ ឃុំ​ព្រះបាទ​ជាន់​ជុំ ភូម​ព្រៃ​តា​ម៉ៅ ខេត្តតាកែវ - នោះ​រឿង​ធំ​ហើយ នាយ​ឧត្តមសេនីយ៍ សៅ សុខា បញ្ជា​ឲ្យ​ត្រួតពិនិត្យមេ​ប៉េអឹម​ខេត្តស្ទឹងត្រែង​រឿង​ធ្វើ​បាប​កូនចៅ​ - លោក ​ញ៉ាណ សារ៉ាត់ ប្រធាន​បរិស្ថាន​ស្រុក​សំបូរ ខេត្ត​ត​ក្រចេះ​យក​តួនាទី​កាង​បទល្មើស​ព្រៃឈើ​ - ​សមត្ថកិច្ច​ចម្រុះ​ថ្នាក់​ខេត្ត​ចុះ​ស្រាវជ្រាវ ប្រជាពលរដ្ឋ ៣៥ គ្រួសារ​ពិតជា​បាន​អាស្រ័យ​ផល រហូតមកដល់​បច្ចុប្បន្ន​ - ចោរលួច​ក្របី​៣​នាក់​សម្រួល​ជាមួយ​ម្ចាស់​ តែ​មិន​សម្រួល​តុលាការ គេចខ្លួន​១​ឆ្នាំ​វិលម​ក​ផ្ទះ​វិញ​ត្រូវ​តុលាការ​ចាប់​ឃុំ​មេធាវី​ជួយ​មិន​បាន​ - សមត្ថកិច្ច​ចុះ​ឆែកឆេរ​ផ្ទះ​ឧកញ៉ា គង់ ក្រឹ​ង នៅ​ស្រុក​ស្នួល​ - ​ឃើញ​មឈូស​បាន​ស្រក់​ទឹកភ្នែក​បុរស​ជេរប្រមាថ​អ្នកនាង​ច​ន ច័ន្ទ​លក្ខិណា​បាន​មក​សុំ​ទោស​! - ​លោក​អធិការនគរបាល​ស្រុក​អូរយ៉ាដាវ​រំលោភ​ច្បាប់ឯ​កព​ន្ធ​ភា​ព​!? - ចៅអធិការ​វត្ត​មាន​ស្រី​ខឹង​រឿង អ្នករត់​ម៉ូតូឌុប​មក​គោះ​លុយ​សម្លាប់ចោល​!
របាយការណ៍​ស្ដីពី​គ្រោះថ្នាក់​ចរាចរណ៍​ទូទាំង​ប្រទេស​ប្រចាំ ថ្ងៃទី​០៥ ខែ​មករា ឆ្នាំ​២០១៧ ៖ ​យោង​តាម​ទិន្ន័យ​ដែល​ទទួលបាន​ពី​នាយកដ្ឋាន​ចរាចរណ៍ និង​សណ្ដាប់ធ្នាប់​សាធារណៈ នៃ​អគ្គស្នងការដ្ឋាន​នគរ​បាល​ជាតិ​នៅ​ថ្ងៃនេះ មាន​គ្រោះថ្នាក់​ចរាចរណ៍​កើតឡើង​ចំនួន​១០​លើក ក្នុង​នោះ​បណ្ដាលឲ្យ​មនុស្ស​ស្លាប់​ចំនួន​១០​នាក់​ស្រី​០១ របួសធ្ងន់​ចំនួន​០៨​នាក់​ស្រី​០១ ដែល​បង្កឡើង​ដោយ​ម៉ូតូ​ចំនួន​០៥​លើក រថយន្ត​តូច​ចំនួន​០២​លើក រថយន្ត​ធំ​ចំនួន​០៣​លើក ហើយ​បណ្ដាលឲ្យ​ខូចខាត​ទ្រព្យសម្បត្តិ​អស់​ម៉ូតូ​ចំនួន​១០​គ្រឿង រថយន្ត​តូច​ចំនួន​០២​គ្រឿង រថយន្ត​ធំ​ចំនួន​០២​គ្រឿង និង​គោយន្ត​ចំនួន​០១​គ្រឿង​៕​

​ពលរដ្ឋ​ប្រកប​របរ​វាយ​ថ្ម​នៅ​ភ្នំ​ឈើកាច់​ជា​លក្ខណៈ​គ្រួសារ​រកស៊ី​មិន​ឈ្នះ​ឈ្មួញ​ប្រើ​គ្រឿងចក្រ​ព្រោះ​អាជ្ញាធរ​បើកភ្លើង​ខៀវ​?

[hupso]

ព្រៃវែង ៖ ភ្នំ​ឈើកាច់​នៅក្នុង​ភូមិ​ស្វាយ​សាប​សិប ឃុំ​ជើងភ្នំ ស្រុក​បាភ្នំ ខេត្ត​ព្រៃវែង អាច​នឹង​បាត់​ចេញពី​ផែនទី ដោយសារ​តែ​មន្ត្រី​ជំនាញ​បណ្តែតបណ្តោយ​អោយ​ក្រុម​ឈ្មួញ​ជី​កកាយ​យ៉ាង​អាណាធិប្បតេយ្យ​។

​ពលរដ្ឋ​ដែល​រស់​ដោយសារ​ប្រើ​កម្លាំង​ពលកម្ម​វ៉ៃ​ថ្មភ្នំ​លក់​បាន​លើកឡើង​ថា នៅ​ពេល​ថ្មីៗ​នេះ មាន​ឈ្មួញ​យក​គ្រាប់​មក​បំផ្ទុះ​បំបែក​ភ្នំ​ដើម្បី​យក​ថ្ម តែ​ខាង​មន្ត្រី​ជំនាញ ឬ​អាជ្ញាធរ ហាក់បីដូច​បាន​ត្រូវ​ថ្នាំ បណ្តោយអោយ​ធ្វើ​អ្វី​ស្រេច​តែ​ចិត្ត​។​បើ​តាម​ប្រជាពលរដ្ឋ​ឈ្មួញ​ស្រី​ម្នាក់​មាន​ឈ្មោះ គ្រុឌ កូឡា​បាន​មក​ដណ្តើម​មុខរ​បរ​របស់​ពួកគាត់​ស្ទើតែ​ដាច់បាយ​ទៅទៅ​ហើយ​។​បើ​និយាយ​ពី​មន្ត្រី​ជំនាញ​វិញ​ហាក់បីដូចជា​គ្មាន​ចំណាត់​អ្វី​ទេ​!? ។​

​ប្រជាពលរដ្ឋ​ដែល​ប្រកប​មុខរបរ​វាយ​ថ្មភ្នំ​លក់​ជា​លក្ខណៈ​គ្រួសារ​នៅ​ភ្នំ​ឈើកាច់ ត្រង់​ចំណុច​ថ្ម​បាញ់ ក្នុង​ភូមិ​ស្វាយ​សាប​សិប ប្រាប់ឱ្យដឹង​ថា រយៈពេល​ជាង​មួយអាទិត្យ​មកនេះ មាន​ឈ្មួញ​ស្រី​ម្នាក់​ឈ្មោះ គ្រុឌ កូ​ឡា បាន​ទៅ​បន្លំ​ខ្លួន​យក​ថ្មភ្នំ​នៅ​ទីតាំង​ជាមួយ​ពួក​គាត់​ដែរ ក្រោមលេស​ទិញ​ពី​ប្រជាពលរដ្ឋ​។​ពលរដ្ឋ​ទាំងនោះ​បាន​អោយដឹងថា ការ​វាយ​ថ្មភ្នំ​របស់​ពួកគាត់ គឺ​ប្រើ​កំលាំង​វាយ​ថ្ម​និង​ដៃ ក្នុង​រូបភាព​ជា​លក្ខណៈ​គ្រួសារ ពុំ​មាន​ប្រើ​គ្រឿងចក្រ​គ្រឿង​ម៉ាស៊ីន​អ្វី​នោះ​ទេ ហេតុនេះ ហើយ​ទើប​អាជ្ញាធរ និង​មន្ត្រី​ជំនាញ​អនុញ្ញាតិ​អោយ​ពួកគាត់​ធ្វើ ដោយ​ពុំ​មាន​បង់​សួយ សារ​អាករ​ចូល​រដ្ឋ​ឡើយ​។​

​ដោយ​មើលឃើញ​ពី​ការអនុគ្រោះ​នេះ​ទើប​លោកស្រី​គ្រុឌ​កូឡា​ដែល​ជា​ឈ្មួញ​រកស៊ី​ម៉ៅ​ការធ្វើ​ផ្លូវ​បាន​លួច​បន្លំ​ចូលមក​យក​ថ្មភ្នំ​នៅ​ទីតាំង​ជាមួយ​ពួក​គាត់​ដែរ​ប៉ុន្តែ​គេ​មិន​ប្រើ​កំលាំង​វាយ​ថ្ម​ដូច​អ្នកស្រុក​ទេ គឺ​គេ​ដាក់​រំសេវ​បំផ្ទុះ​ថ្មភ្នំ រួច​យក​គ្រឿងចក្រ​មក​កាយ​យក​ថ្ម ដឹកជញ្ជូន​ចេញ​យ៉ាង​គគ្រឹកគគ្រេង​តែម្តង តែ​ពុំ​មាន​បង់​សួយសារអាក​រ​ចូល​រដ្ឋ​ឡើយ ។

​ករណីយ៍​នេះ មន្ត្រី​មូលដ្ឋាន​មួយចំនួន​បាន​លួច​បង្ហើប​ប្រាប់ថា​លោកស្រី​គ្រុឌ​កូឡា​គ្រាន់តែ​ជា​ឈ្មួញ​រកស៊ី​ម៉ៅ​ការធ្វើ​ផ្លូវ​ប៉ុណ្ណោះ ហេតុ​អ្វី​គាត់​មាន​គីប​រំសេវ​យក​មក​បំផ្ទុះ​ថ្មភ្នំ​ដែរ​?​ហេតុ​អ្វី​គាត់​ហ៊ាន​យក​គ្រឿងចក្រ ទៅ​កាយ​យក​ថ្មភ្នំ​បាន​ស្រួល​ម្លេះ​? ។​ករណី​នេះ​សូមអោយ​ក្រសួងមហាផ្ទៃ និង​លោក​ប្រធាន​មន្ទីរ​រ៉ែ​និង​ថាមពល​ខេត្ត​ព្រៃវែង មេត្តា​ជួយ​ពិនិត្យ​ឡើងវិញ​ផង​។​

​ជុំវិញ​បញ្ហា​នេះ​លោក ជា កក្កដា ប្រធាន​មន្ទីរ​រ៉ែ​និង​ថាមពល​ខេត្ត​ព្រៃវែង បានអោយដឹងថា លោក​មិន​ទាន់​បាន​ទទួល​ពត៌មាន​នៅឡើយ​ទេ​ប៉ុន្តែ​បើ​លោកស្រី​គ្រុឌ​កូឡា​ពិតជា​លួច​យក​គ្រឿងចក្រ​ចូល​ទៅ​ធ្វើ​សកម្មភាព​ដូច​ការលើក​ឡើង​នោះ​មែន​គឺ​ជា​រឿង​ខុសច្បាប់​ហើយ​?​។​

​ពលរដ្ឋ​បាន​សូមអោយ​ឯកឧត្តម​ជា​សុ​មេធី​អភិបាលខេត្ត​ព្រៃវែង​មេត្តា​ជួយ​ពិនិត្យ​ជួយ​ពលរដ្ឋ​ក្រីក្រ​ដែល​ពួកគាត់​ប្រកប​របរ​វាយ​ភ្នំ​នេះ​ផង ព្រោះ​មាន​ឈ្មួញ​មក​ប្រជែង​ជាមួយ​គាត់​ដោយ​ប្រើ​គ្រឿងចក្រ​មិនមែន​ប្រើ​ពលកម្ម​ដៃជើង​នោះទេ​៕

Filed in: ព័ត៌មានជាតិ
© 2019 បញ្ញវន្តខ្មែរ. All rights reserved. XHTML / CSS Valid.