ការិយាល័យ​និពន្ធ 016 929 621 / 011 700 486 Email:nikahuch@yahoo.com / Website:www.pvknweb.com
ព័ត៌មាន​ថ្មី
- ​ឧបនាយក​រដ្ឋមន្ត្រី​កែវ​គឹ​យ៉ាន​លក់​ក្រុមហ៊ុនហ្ក្រែ​ន​ភ្នំពេញ​ឲ្យ​ក្រុមហ៊ុន​ជីប​ម៉ុង​ហើយ​! - ​និស្សិត​២​រូប​រួម​គ្នា​កសាង​រូបសំណាក​លោក​វេជ្ជ​បណ្ដឹត​ប៊ី​តរី​ច្នឺ​របិតា​សង្គ្រោះ​កុមារ​ខ្មែរ​! - ​នគរបាល​មកពី​សៀមរាប​តាម​ចាប់​ជន​បរទេស​ជួញដូរ​កុមារ​! - ​បន្ទាប់​ពី​ថ្វាយ​សា​តាំង​ឯកអគ្គរដ្ឋទូត​អាមេរិក​ចង់​បន្ត​ជួប​មន្ត្រី​រាជរដ្ឋាភិបាល​! - ​ទុកពេល​៤​អាទិត្យ​ឲ្យ​ចៅអធិការ​វត្ត​អណ្តូង​ថ្ម​មាស​ចាក​សិក្ខាបទ​តាម​ពុទ្ធានុញ្ញាត​ក្រោយ​កិច្ច​អន្តរាគ​ម​ន៏​ទល័​ច្រក ? - ​មន្ត្រីនគរបាល​កូនចៅ​លោក​អ៊ាវ​ចំរើន​វ៉ៃ​ប្រពន្ធរ​លូត​កូនរង​ការប្តឹង​ពី​បទ​ប៉ង​មនុស្សឃាត​! - នគរបាល​សេដ្ឋកិច្ច​ចុះបង្ក្រាប​ទូក​ដឹកឈើ​០១​គ្រឿង​ - ​ឯកឧត្តម ម៉ម ឈឿម អំពាវ​មន្ត្រីរាជការ​ក្រោម​ឱវាទ​ចូលរួម​គោរព​ច្បាប់​រដ្ឋធម្មនុញ​នៃ​ព្រះរាជាណាចក្រ​កម្ពុជា​ - សម្តេច​តេជោ​អូ​ខេ​ឲ្យ​លក់​និង​ក្រោយមក​អូ​ខេ​ឲ្យ​លុ​បវិញ​ដី​ទីតាំង អគារ​ផ្នែក​រដ្ឋបាល​ព្រៃឈើ ខេត្ត​កំពង់ស្ពឺ​ - ​រដ្ឋមន្ត្រីក្រសួង​សាធារណៈ​ការដក​តំណែង​ប្រធាន​មន្ទីរ​សាធារណៈការ​ខេត្ត​រតនៈគិរី​បន្ទាប់ពី​មាន​ការរិះគន់​ពី​តំណាងរាស្ត្រ​!
របាយការណ៍​ស្ដីពី​គ្រោះថ្នាក់​ចរាចរណ៍​ទូទាំង​ប្រទេស​ប្រចាំ ថ្ងៃទី​០៥ ខែ​មករា ឆ្នាំ​២០១៧ ៖ ​យោង​តាម​ទិន្ន័យ​ដែល​ទទួលបាន​ពី​នាយកដ្ឋាន​ចរាចរណ៍ និង​សណ្ដាប់ធ្នាប់​សាធារណៈ នៃ​អគ្គស្នងការដ្ឋាន​នគរ​បាល​ជាតិ​នៅ​ថ្ងៃនេះ មាន​គ្រោះថ្នាក់​ចរាចរណ៍​កើតឡើង​ចំនួន​១០​លើក ក្នុង​នោះ​បណ្ដាលឲ្យ​មនុស្ស​ស្លាប់​ចំនួន​១០​នាក់​ស្រី​០១ របួសធ្ងន់​ចំនួន​០៨​នាក់​ស្រី​០១ ដែល​បង្កឡើង​ដោយ​ម៉ូតូ​ចំនួន​០៥​លើក រថយន្ត​តូច​ចំនួន​០២​លើក រថយន្ត​ធំ​ចំនួន​០៣​លើក ហើយ​បណ្ដាលឲ្យ​ខូចខាត​ទ្រព្យសម្បត្តិ​អស់​ម៉ូតូ​ចំនួន​១០​គ្រឿង រថយន្ត​តូច​ចំនួន​០២​គ្រឿង រថយន្ត​ធំ​ចំនួន​០២​គ្រឿង និង​គោយន្ត​ចំនួន​០១​គ្រឿង​៕​

​អង្គការ​លីកាដូ​និង​ធាងត្នោត ប្រាក់កម្ចី​អត្រា​ការប្រាក់​ខ្ពស់​ជា​ការរំលោភ​សិទ្ធិមនុស្ស តែ​ខាង​ធនាគារ​បដិសេធ​!

[hupso]

ភ្នំពេញ ៖ សមាគម​មីក្រូហិរញ្ញវត្ថុ​កម្ពុជា កាលពី​ថ្ងៃ​ទី​០៩ ខែ​សីហា បានចេញ​សេចក្តីថ្លែងការណ៍​អះ​អា​ពី​ភាព​ស្អាតស្អំ​ក្នុង​ការផ្តល់​កម្ចី​ដល់​ប្រជាពលរដ្ឋ​។ សេចក្តីថ្លែងការណ៍​នេះ ធ្វើឡើង​ក្រោយ​ពី អង្គការ​ការពារ​សិទ្ធិ​មនុស្ស​ពីរ​អង្គការ​ការពារ​សិទ្ធិមនុស្ស​លីកាដូ និង សមាគម​ធាងត្នោត ប្រកាស​ថា​គេ​រកឃើញ​ពី​ភាពមិនប្រក្រតី​មួយចំនួន​នៃ​ការផ្តល់​កម្ចី​ដល់​ពលរដ្ឋ​ក្រីក្រ​ពី​សំណាក់​គ្រឹះស្ថាន​មីក្រូ​ហិរញ្ញ​ហើយ​ខាង​វត្ថុ​ធនាគារជាតិ​នៃ​កម្ពុជា​បានប្រកាសថា នឹង​ធ្វើការ​ស៊ើបអង្កេត​លើ​រឿង​នេះ​ដែរ​។

​អង្គការ​ទាំង​ពីរ​នេះ​បានឲ្យដឹង​ថា​គេ​រកឃើញ​មាន ប្រជាពលរដ្ឋ​កម្ពុជា​ជាង ២​លាន​នាក់​បាន​ខ្ចីប្រាក់​ពី​គ្រឹះស្ថាន​មីក្រូហិរញ្ញវត្ថុ​ដែល​ការ​ខ្ចីបុល​នេះ​បណ្តាលឱ្យ​អាច​កើត​មាន​ការរំលោភបំពាន​សិទ្ធិ​មនុស្ស​ជាច្រើន រួម​មាន​ការបង្ខំ​ឱ្យ​លក់​ដី ការកេងប្រវ័ញ្ច​កំលាំង​ពលកម្ម​កុមារ ការធ្វើ​ចំណាកស្រុក​ដោយ​សារ​បំណុល និង​ការ​បញ្ចាំ​ខ្លួន​ដើម្បី​ដោះ​បំណុល​។ គ្រឹះស្ថាន​មីក្រូហិរញ្ញវត្ថុ​នៅ​កម្ពុជា​ផ្តល់​កម្ចី​ជាមួយ​ការប្រាក់​ខ្ពស់​ធ្វើ​ប៉ះពាល់​ខ្លាំង​ដល់​ប្រជាពលរដ្ឋ​ក្រីក្រ​។​

​សមាគម​មីក្រូហិរញ្ញវត្ថុ​កម្ពុជា បាន​ហៅ​ការ​រក​ឃើញ​របស់​អង្គការ​លីកាដូ និង សមាគម​ធាងត្នោត ថា​ជា​ការ​មួលបង្កាច់​លើ​ការផ្តល់​ប្រាក់កម្ចី ដែល​បង្ហាញ​ពី​ការចូលរួម ការកាត់បន្ថយ​ភាព​ក្រី​ក្រី និង​បរិយាប័​ណ្ណ​ហិរញ្ញវត្ថុ​។ សមាគម​មួយ​នេះ ក៏​បាន​ចាត់ទុក​ការរកឃើញ​នេះ​ថា ជាការ​បង្ខូច​កេរ្តិ៍ឈ្មោះរ​បស់​វិស័យ​មីក្រូហិរញ្ញវត្ថុ​ទាំងមូល​ថែម​ទៀត​។​

​តែ​ខាង​ធនាគារ​ជាតិ​កម្ពុជា​វិញ មិន​បាន​បដិសេធ ឫ​ឯកភាព​នឹង​ការរកឃើញ​នេះ​ទេ​។ ផ្ទុយទៅវិញ ធនាគារជាតិ​បានធ្វើការ​ថ្កោលទោស​ចំពោះ​ការប្រតិបត្តិ​ដែល​គ្មាន​សីលធម៌​ដោយ​ស្ថាប័ន​ហិរញ្ញវត្ថុ​នៅ​កម្ពុជា និង ប្រកាស​យកចិត្តទុកដាក់​ចំពោះ​បញ្ហា​នេះ​។ លោកស្រី​ជា សេរី អគ្គនាយិកា​បច្ចេកទេស​នៃ​ធនាគារជាតិ​បាន​ប្រកាស​កាលពី​ថ្ងៃ​ទី​០៨ សីហា​ថា នឹង​ធ្វើ​ការស៊ើបអង្កេត និង ចាត់វិធានការ​ចាំបាច់​ចំពោះ​បញ្ហា​ផ្តល់​កម្ចី​របស់​មីក្រូហិរញ្ញវត្ថុ​នេះ​។

​សម្រាប់​សមាគម​មីក្រូហិរញ្ញវត្ថុ​កម្ពុជា ការព្យាយាម​ណាមួយ​ក្នុង​ការយក​ការស្រាវជ្រាវ​ដែល​សមាគម​នេះ​ចាត់ទុកថា គ្មាន​មូលដ្ឋាន​ពិតប្រាកដ​ទៅ​ធ្វើ​ជា​រឿង​នយោបាយ គឺ​គួរតែ​ត្រូវ​បាន​ច្រានចោល ៕

Filed in: ព័ត៌មានជាតិ
© 2019 បញ្ញវន្តខ្មែរ. All rights reserved. XHTML / CSS Valid.