កំពង់ឆ្នាំង៖ ដើម្បីចូលរួមប្រកួតប្រជែងទីក្រុងទេសចរ ណ៍ស្អាតអាស៊ានលើកទី២នេះ អាជ្ញាធរខេត្តកំពង់ឆ្នាំង បានរៀបចំធ្វើសួនច្បារថ្មីយមួយបន្ថែមទៀតនៅលើទីតាំ ងតាមបណ្តោយផ្លូវជាតិលេខ៥ នៅមុខវិទ្យាល័យក្រុងកំពង់ឆ្នាំង ស្ថិតនៅសង្កាត់ខ្សាម ក្រុងកកំពង់ឆ្នាំងជាប់ព្រំប្រទល់ស្រុករលាប្អៀរ។
រដ្ឋបាលខេត្តកំពង់ឆ្នាំង បានធ្វើពិធីក្រុងពាលី សុំម្ចាស់ទឹក ម្ចាស់ដី អោយបានសេចក្តីសុខសប្បាយក្នុងពេលដំណើរសាងសង់សួនច្បារថ្មីមួយនេះដែលពិធីក្រុងពាលីនេះ ធ្វើឡើងក្រោមអធិបតីភាពលោក ឈួរ ច័ន្ទឌឿន អភិបាលខេត្តកំពង់ឆ្នាំង និង លោក លោកស្រីជាប្រធានមន្ទីរអង្គភាពជុំវិញខេត្ត។
មានប្រសាសន៍នៅក្នុងឱកាសនោះ លោក ឈួរ ច័ន្ទឌឿនអភិបាលខេត្តកំពង់ឆ្នាំង បានគូសបញ្ជាក់ថា រាជរដ្ឋាភិបាលកម្ពុជា បានសម្រេចយល់ព្រមឱ្យក្រសួងទេសចរណ៍ជ្រើសរើសបេក្ខភាពឆ្នើមថ្មីចំនួន៦ ដើម្បីធ្វើជាបេក្ខជនចលនាប្រឡងប្រណាំង ទីក្រុងទេសចរណ៍ស្អាតអាស៊ានលើកទី២ ក្នុងនោះខេត្តកំពង់ឆ្នាំង ក៏ត្រូវបានជ្រើសរើសជាបេក្ខភាពក្នុងចូលរួមប្រឡងប្រណាំង ទីក្រុងទេសចរណ៍ស្អាតលំដាប់ថ្នាក់អាស៊ានផងដែរ ដោយកំណត់យកក្រុងកំពង់ឆ្នាំងដើម្បីធ្វើការប្រកួតប្រជែង។
លោកអភិបាលខេត្ត បានបញ្ជាក់ទៀតថាដើម្បីបានលំ ដាប់ថ្នាក់ជាទីក្រុងស្អាតអាជ្ញាធរ ខេត្ត និង ក្រុង បានរិះរកនូវគ្រប់មធ្យោបាយដើម្បីធ្វើការអភិឌ្ឍន៍ ក្រុងកំពង់ឆ្នាំង អោយកាន់តែ មានសោភ័ណភាព ប្រកបដោយអនាម័យនិងបរិស្ថាន ដោយធ្វើអោយទីក្រុងមួយនេះ ក្លាយជាក្រុងដែលមានសក្តានុពលលើវិស័យទេសចរណ៍ សេដ្ឋកិច្ច។ ជួយលើកកម្ពស់ជីវភាព និងមជ្ឈដ្ឋានរស់នៅរបស់ប្រជា ពលរដ្ឋនៅក្នុងទីក្រុង ជួយពង្រឹង និង លើកកម្ពស់សោ ភ័ណចូលរួមការការពារ និងលើកកម្ពស់បរិស្ថានផងដែរ ។
លោកអភិបាលខេត្ត បានបញ្ជាក់បន្តថា សួនច្បារថ្មីដែលធ្វើការសាងសង់នាពេលនេះ នឹងក្លាយជាកន្លែងរមណី យដ្ឋានមួយដែលអាចទាក់ទាញប្រជាពលរដ្ឋមកលេងកំសាន្ត និង ហាត់ប្រាណ ប្រកបដោយផាសុខភាពផងដែរ។ ក្នុងឱកាសនោះអភិបាលខេត្តកំពង់ឆ្នាំង បានចែកសារុងដល់អ្នកចូលរួមក្នុងម្នាក់១ផងដែរ៕ រី ភារិទ្ធិ