ខេត្តបាត់ដំបង ៖ កម្លាំងជំនាញផ្នែកប្រឆាំងគ្រឿងញៀនបានសហការណ៍ជាមួយកម្លាំងអន្តរាគមន៍ និងកម្លាំងប៉ុស្តិ៍នគរបាលរដ្ឋបាលតាសាញបានចុះបង្ក្រាបករណី រក្សាទុកនូវសារធាតុញៀនខុស នៅចំនុចក្រុមទី១៥រ ភូមិអូរទន្ទឹងឃុំតាសាញ ស្រុកសំឡូត ខេត្តបាត់ដំបង និងក៏បានឃាត់ខ្លួនជនសង្ស័យចំនួន02នាក់ មានឈ្មោះដូចខាងក្រោម ៖
1/ឈ្មោះ មឿន រក្សា ភេទ ប្រុស អាយុ 17ឆ្នាំ មានទីលំនៅភូមិស្រែជីពៅ ឃុំមានជ័យ ស្រុកសំឡូត។
2/ឈ្មោះ ភី តុងតុង ភេទ ប្រុសអាយុ 19ឆ្នាំ រស់នៅភូមិអូរទន្ទឹង ឃុំតាសាញ ស្រុកសំឡូត។
វត្ថុតាងចាប់យកបានរួមមាន៖ម្សៅក្រាមពណ៌សរថ្លាច្រកក្នងកូនថង់ប្លាស្ទិច ពណ៌សរថ្លា ចំនួន ៣កូនថង់ សង្ស័យថាអាចមានសារធាតុញៀន ទូរស័ព្ទដៃចាស់មួយគ្រឿង ។
ឆ្លងតាមចម្លើយរបស់ជនសង្ស័យឈ្មោះ ភី តុងតុង និងដោយមានការអនុញ្ញាតពីលោក នួន សាន ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង សមត្ថកិច្ចបានបន្តប្រត្តិបត្តិការចាប់ខ្លួនជនសង្ស័យបានចំនួន01នាក់ទៀក។
នៅថ្ងៃដដែល វេលាម៉ោង 19:50នាទីនៅចំនុចថ្មពើង ក្រុមទី07 ភូមិអូរតាទៀកឃុំតាតោក ស្រុកសំឡូត ខេត្តបាត់ដំបង សមត្ថកិច្ចបានបន្តទៅចាប់ខ្លួនជនសង្ស័យម្នាក់នោះមានឈ្មោះស៊ុយ សុន ហៅ ប៉ែល ភេទ ប្រុសអាយុ 18ឆ្នាំ រស់នៅភូមិអូរតាទៀក ឃុំតាតោក ស្រុកសំឡូត។
វត្ថុតាងចាប់យកបានរួមមាន៖ម្សៅក្រាមពណ៌សថ្លាច្រកក្នុងថង់ប្លាស្ទិកពណ៌សថ្លា ចំនួន18កូនថង់សង្ស័យមានសារធាតុញៀន ទូរស័ព្ទដៃចំនួន 01គ្រឿង ម៉ូតូចំនួន ០១គ្រឿងថង់សម្រាប់ច្រកថ្នាំញៀនលក់មួយចំនួន សរុបរួមទាំងអស់មានចំនួន ២១កូនថង់សង្ស័យមានសារធាតុញៀន ៕