ការិយាល័យ​និពន្ធ 016 929 621 / 011 700 486 Email:nikahuch@yahoo.com / Website:www.pvknweb.com
ព័ត៌មាន​ថ្មី
- ពលរដ្ឋ​១៦​គ្រួសារ​រស់នៅ​លើ​ដី​ចំណី​ផ្លូវ​ក្នុង​ភូមិ​ក្រសាំង ដង្ហោយ​រក​ជំនួយ​ពី​អាជ្ញាធរ​និង​សប្បុរសជន​ - ​គយ​ច​លត័​ព្រែកចាក​កៀ​បប្រជាពលរដ្ឋ​ផ្ទុះ​ការតវ៉ា​! - ​បំពាក់អាវុធ​ឲ្យ​ឧទ្យានុ​រ​ក្ស​នៃ​ឧទ្យានជាតិ​ព្រះមុនីវង្ស​បូកគោ​ - ​ស្ត្រី​ចំណាស់​ម្នាក់ ស្លាប់​ដោយសារ​លោក កែ សុខន មេ​ប៉ុស្តិ៍​វាលរេញ បាញ់​គំរាម​ជនសង្ស័យ​ចាប់​មិនទាន់បាន​? - ​រួច​ពី​គុក​អតីត​មេ​អង្គរក្ស័​សព​សម្តេច​ជាស៊ីម​ត្រូវប​ក្ស​តែងតាំង​ឲ្យ​ចុះ​ជួយ​ខេត្ត​ត្បូងឃ្មុំ​ - ជលផល​ខេត្ត​កំពង់ឆ្នាំង​និង នាយ​សង្កាត់​រដ្ឋបាល​ជ​ល​ផល​ស្រុក​កំពង់លែង​ចុះបង្ក្រាប​ក្រោយ​ពី​រង​ការ​ចោទ​ថា​បើក​ដៃ​អោយ​មេ​ឈ្មួញ​រត់ការ​របាំង​លប​ក្នុង​និង​ក្រៅ​តំបន់​អភិរក្ស​ក្នុង​រដូវ​បិទ​នេសាទ​? - ឯកឧត្តម​ឈួ​រ ច័ន្ទ​ឌឿ​ន​និង​លោកជំទាវ​ព្រមទាំង​មន្ត្រីរាជការ អញ្ជើញ​ចូលរួម​កាន់បិណ្ឌ​វេន​ទី​១​នៅ​វត្ត​អារញ្ញិ​ការាម​ - ​ប្រធាន​មន្ទីរ ដែនដី​នគរូបនីយកម្ម​សំណង់​និង​សូរិយោដី​ខេត្ត​បន្ទាយមានជ័យ ថ្មី នឹង​ប្រកាស​នៅ​សប្តាហ៍​ក្រោយនេះ ជំនួស​លោក ប្រាក់ ប៉ូ​លី​ក្រោយ​ពី​បែក​រឿង​អាស្រូវ​?...!!! - ​សាកល​វិទ្យាល័​មួយ នៅ​ខណ្ឌ​សែន​សុខ ជា​សំបុក​ជនជាតិ​ចិន​លេងល្បែង​តាម​អ៊ីនធឺណិត​ក្រសួង​ការងារ​លែង​ទទួលស្គាល់​! - ​សង្គ្រាម​ឧកញ៉ា​ឡេង​ណា​វ៉ា​ត្រា​និង​ពលករ​កូរ៉េ​ចាប់​កក្រើក​ក្នុង​បណ្តាញ​សង្គម​
របាយការណ៍​ស្ដីពី​គ្រោះថ្នាក់​ចរាចរណ៍​ទូទាំង​ប្រទេស​ប្រចាំ ថ្ងៃទី​០៥ ខែ​មករា ឆ្នាំ​២០១៧ ៖ ​យោង​តាម​ទិន្ន័យ​ដែល​ទទួលបាន​ពី​នាយកដ្ឋាន​ចរាចរណ៍ និង​សណ្ដាប់ធ្នាប់​សាធារណៈ នៃ​អគ្គស្នងការដ្ឋាន​នគរ​បាល​ជាតិ​នៅ​ថ្ងៃនេះ មាន​គ្រោះថ្នាក់​ចរាចរណ៍​កើតឡើង​ចំនួន​១០​លើក ក្នុង​នោះ​បណ្ដាលឲ្យ​មនុស្ស​ស្លាប់​ចំនួន​១០​នាក់​ស្រី​០១ របួសធ្ងន់​ចំនួន​០៨​នាក់​ស្រី​០១ ដែល​បង្កឡើង​ដោយ​ម៉ូតូ​ចំនួន​០៥​លើក រថយន្ត​តូច​ចំនួន​០២​លើក រថយន្ត​ធំ​ចំនួន​០៣​លើក ហើយ​បណ្ដាលឲ្យ​ខូចខាត​ទ្រព្យសម្បត្តិ​អស់​ម៉ូតូ​ចំនួន​១០​គ្រឿង រថយន្ត​តូច​ចំនួន​០២​គ្រឿង រថយន្ត​ធំ​ចំនួន​០២​គ្រឿង និង​គោយន្ត​ចំនួន​០១​គ្រឿង​៕​

លោក ពុំ សុផល អភិបាលរង​ស្រុក​ថ្លែងថា “​កុំ​ចាំបាច់​ទាល់តែ​មាន​ទិវា​ដាំ​ដើមឈើ ទើប​យើង​ត្រូវ​នាំគ្នា​ដាំ

[hupso]

កំពង់ឆ្នាំង ÷​លោក ពុំ សុផល​អភិបាលរង​ស្រុក​កំពង់លែង បាន​អំពាវនាវ​ឲ្យ​ប្រជាពលរដ្ឋ​ចូលរួម​ថែរក្សា​ព្រៃឈើ​និង​ដាំ​ដើមឈើ​នៅតាម​ផ្ទះ តាម​សហគមន៍ ព្រោះថា​ព្រៃឈើ​មាន​សារប្រយោជន៍​ខ្លាំងណាស់ នេះ​ជា​ប្រសាសន៍ របស់លោក​អភិបាល​ស្រុក​នៅក្នុង​ពិធី​ដាំ​ដើមឈើ​ចំនួន 1100 ដើម​នៅ​ជើងភ្នំ​សំ​រ៉ង ស្ថិតក្នុង​ភូមិ​ពោធិ៍ ឃុំ​ពោធិ៍ ស្រុក​កំពង់លែង នា​ព្រឹក​ថ្ងៃទី 30 ខែ​សីហា​ឆ្នាំ 2019 ។​

​លោក​អភិបាលរង​ស្រុក​បាន​បន្តថា​:​ការដាំ​កូនឈើ​នៅពេលនេះ​គឺ​ដើម្បី​ស្តារ​គម្រប​ព្រៃ​សហគមន៍ ពោធិ៍​ជ្រក ជម្រក​ពុទ្ទី​សែន​ឡើងវិញ និង​ជា​ពិសេស​ចង់​ឲ្យ​តំបន់​នេះ​ក្លាយទៅជា​តំបន់​ដែល​មាន​ព្រៃឈើ​ច្រើន​សម្រាប់​ភ្ញៀវ​ទេសចរណ៍​មក​ទស្សនា​កំសាន្ត​ផងដែរ​។

​លោក​អភិបាល​ក៏​បាន​បញ្ជាក់​ផង​ដែរ​ថា​:​កុំ​ចាំបាច់​តែ​មាន​ទិវា​ដាំ​ដើមឈើ ទើប​យើង​គ្នា​ដាំ​នោះ​ទេ​ទេ តែ​យើង​គួរតែ​ឆ្លៀត​ដាំ​ដើមឈើ​នៅតាម​ផ្ទះ តាម​សហគមន៍ តាម​សាលា រៀន វត្ត​អារាម​ដើម្បី​ជា​ប្រយោជន៍​នៃ​ការរស់នៅ​របស់​យើង​គ្រប់​គ្នា​ក្នុង​បរិស្ថាន​ធម្មជាតិ​។

​លោក​អភិបាល​បាន​សំណូមពរ​ដល់​បងប្អូន​ប្រជា ពលរដ្ឋ​ក្នុង​នៅ​ស្រុក​កំពង់លែង សូម​កុំ​នាំគ្នា​កាប់បំផ្លាញ​ព្រៃឈើ​ដែល​មាន​ស្រាប់​នៅតាម​ព្រៃ​សហគមន៍​នៅ​តាម​ភ្នំ​ជាដាច់ខាត​។

​លោក អ៊ុក សាម៉េត នាយក​ប្រតិបត្តិ​សមាគមន៍​ភ្នំ​ក​ង្រី​ដែលជា​អ្នក​រៀបចំ​ពិធី​នេះ​បានឲ្យដឹងថា ការដាំ​កូនឈើ​នៅ​ថ្ងៃនេះ​មាន​ចំនួន 1.100 ដើម​នៅ​ពេល​នេះ មាន​ប្រភេទ គគី បេង ឈើទាល ធ្នង់ និង​កូន​ក្រញូង ផងដែរ​។ ពិធី​ដាំ​ដើមឈើ​នៅពេលនេះ​ក៏​មាន​ការឧបត្ថម្ភ​ពី​អង្គការ យូ​អិន​ឌី​ភី ដែល​ជា​ម្ចាស់​ជំនួយ​ក្នុង​ការរៀបចំ​កម្មវិធី​នេះ​ឡើង ។​

​លោក​បាន​បញ្ជាក់​ដែរ​ថា​នៅ​ស្រុក​កំពង់លែង​នេះ​កន្លងមក​ក៏​មាន​រៀបចំ​ពិធី​ដាំ​ដើមឈើ​នៅតាម​សហគមន៍​នេះ​ដូចគ្នា​ដែរ ដូចជា​សហគមន៍​ឃុំ​ច្រណូក ឃុំ​ត្រងិល ឃុំ​ដារ​និង​ឃុំ​ស្វាយ​រំពារ ជាដើម ។ ប៉ុន្តែ​ការដាំ​កន្លង​ទៅ​តាម​សហគមន៍​នីមួយៗ​កន្លងមក​មាន​ត្រឹមតែ ៧០០​ទៅ ៨០០ ដើម​តែ​ប៉ុណ្ណោះ ។

​ដោយឡែក​លោក ពារ គិមហេង នាយរង​ខណ្ឌ​រដ្ឋបាល​ព្រៃឈើ​នៃ​មន្ទីរ​កសិកម្ម រុក្ខា​ប្រមាញ់ និង​នេសាទ​ខេត្ត​កំពង់ឆ្នាំង បានឲ្យដឹង​ថា​ការប្រែប្រួ​ល​អាកាសធាតុ​មាន​ទឹក​ជំនន់ មាន​ការកើនឡើង​កំដៅ និង​មាន​ខ្យល់ព្យុះ ជាដើម​គឺ​កើតឡើង ដោយសារតែ​ការបាត់បង់​នូវ​គម្រប​ព្រៃឈើ​នេះឯង ។ ហេតុដូច្នេះ​ហើយ​សូម​បងប្អូន​ចូលរួម​ថែរក្សា​ព្រៃឈើ​ទាំងអស់គ្នា ។​

​ជា​ចុងក្រោយ លោក​ក៏​បាន​បញ្ជាក់​ដែរ​ថា​បច្ចុប្បន្ន​រដ្ឋាភិបាល​បាន​យកចិត្តទុកដាក់ ក្នុង​ការបង្ក្រាប​បទល្មើស​ព្រៃឈើ​យ៉ាង​ក្តៅគគុក​ជាក់ស្ដែង​ដូចជា​នៅ​ខាង​ខេត្តរតនគិរី​មណ្ឌលគិរី ក្រចេះ ស្ទឹងត្រែង ដែល​មាន​ការបង្ក្រាប​ជា​បន្តបន្ទាប់ ហើយ ពេលនេះ​រាជរដ្ឋាភិបាល​កំពុង​គិតគូ​អំពី​ការ​រឹបអូស​វត្ថុតាង ទាំងនោះ​នឹង​ត្រូវ​យកទៅ​ដាក់​តាំងពិព័រណ៍ រួម​ទាំង​ចារ​ឈ្មោះ របស់​លោក​ឧកញ៉ា ដែល​បាន​បំផ្លាញ​ព្រៃឈើ ទុក​សម្រាប់​ឲ្យ​ប្រជាពលរដ្ឋ​យើង​មើល​ទៀតផង ដើម្បី​កុំឲ្យ​ប្រជាពលរដ្ឋ​យើង​យក​គំរូ​តាម ៕

 

Filed in: ព័ត៌មានជាតិ
© 2019 បញ្ញវន្តខ្មែរ. All rights reserved. XHTML / CSS Valid.