ការិយាល័យ​និពន្ធ 016 929 621 / 011 700 486 Email:nikahuch@yahoo.com / Website:www.pvknweb.com
ព័ត៌មាន​ថ្មី
- ពលរដ្ឋ​១៦​គ្រួសារ​រស់នៅ​លើ​ដី​ចំណី​ផ្លូវ​ក្នុង​ភូមិ​ក្រសាំង ដង្ហោយ​រក​ជំនួយ​ពី​អាជ្ញាធរ​និង​សប្បុរសជន​ - ​គយ​ច​លត័​ព្រែកចាក​កៀ​បប្រជាពលរដ្ឋ​ផ្ទុះ​ការតវ៉ា​! - ​បំពាក់អាវុធ​ឲ្យ​ឧទ្យានុ​រ​ក្ស​នៃ​ឧទ្យានជាតិ​ព្រះមុនីវង្ស​បូកគោ​ - ​ស្ត្រី​ចំណាស់​ម្នាក់ ស្លាប់​ដោយសារ​លោក កែ សុខន មេ​ប៉ុស្តិ៍​វាលរេញ បាញ់​គំរាម​ជនសង្ស័យ​ចាប់​មិនទាន់បាន​? - ​រួច​ពី​គុក​អតីត​មេ​អង្គរក្ស័​សព​សម្តេច​ជាស៊ីម​ត្រូវប​ក្ស​តែងតាំង​ឲ្យ​ចុះ​ជួយ​ខេត្ត​ត្បូងឃ្មុំ​ - ជលផល​ខេត្ត​កំពង់ឆ្នាំង​និង នាយ​សង្កាត់​រដ្ឋបាល​ជ​ល​ផល​ស្រុក​កំពង់លែង​ចុះបង្ក្រាប​ក្រោយ​ពី​រង​ការ​ចោទ​ថា​បើក​ដៃ​អោយ​មេ​ឈ្មួញ​រត់ការ​របាំង​លប​ក្នុង​និង​ក្រៅ​តំបន់​អភិរក្ស​ក្នុង​រដូវ​បិទ​នេសាទ​? - ឯកឧត្តម​ឈួ​រ ច័ន្ទ​ឌឿ​ន​និង​លោកជំទាវ​ព្រមទាំង​មន្ត្រីរាជការ អញ្ជើញ​ចូលរួម​កាន់បិណ្ឌ​វេន​ទី​១​នៅ​វត្ត​អារញ្ញិ​ការាម​ - ​ប្រធាន​មន្ទីរ ដែនដី​នគរូបនីយកម្ម​សំណង់​និង​សូរិយោដី​ខេត្ត​បន្ទាយមានជ័យ ថ្មី នឹង​ប្រកាស​នៅ​សប្តាហ៍​ក្រោយនេះ ជំនួស​លោក ប្រាក់ ប៉ូ​លី​ក្រោយ​ពី​បែក​រឿង​អាស្រូវ​?...!!! - ​សាកល​វិទ្យាល័​មួយ នៅ​ខណ្ឌ​សែន​សុខ ជា​សំបុក​ជនជាតិ​ចិន​លេងល្បែង​តាម​អ៊ីនធឺណិត​ក្រសួង​ការងារ​លែង​ទទួលស្គាល់​! - ​សង្គ្រាម​ឧកញ៉ា​ឡេង​ណា​វ៉ា​ត្រា​និង​ពលករ​កូរ៉េ​ចាប់​កក្រើក​ក្នុង​បណ្តាញ​សង្គម​
របាយការណ៍​ស្ដីពី​គ្រោះថ្នាក់​ចរាចរណ៍​ទូទាំង​ប្រទេស​ប្រចាំ ថ្ងៃទី​០៥ ខែ​មករា ឆ្នាំ​២០១៧ ៖ ​យោង​តាម​ទិន្ន័យ​ដែល​ទទួលបាន​ពី​នាយកដ្ឋាន​ចរាចរណ៍ និង​សណ្ដាប់ធ្នាប់​សាធារណៈ នៃ​អគ្គស្នងការដ្ឋាន​នគរ​បាល​ជាតិ​នៅ​ថ្ងៃនេះ មាន​គ្រោះថ្នាក់​ចរាចរណ៍​កើតឡើង​ចំនួន​១០​លើក ក្នុង​នោះ​បណ្ដាលឲ្យ​មនុស្ស​ស្លាប់​ចំនួន​១០​នាក់​ស្រី​០១ របួសធ្ងន់​ចំនួន​០៨​នាក់​ស្រី​០១ ដែល​បង្កឡើង​ដោយ​ម៉ូតូ​ចំនួន​០៥​លើក រថយន្ត​តូច​ចំនួន​០២​លើក រថយន្ត​ធំ​ចំនួន​០៣​លើក ហើយ​បណ្ដាលឲ្យ​ខូចខាត​ទ្រព្យសម្បត្តិ​អស់​ម៉ូតូ​ចំនួន​១០​គ្រឿង រថយន្ត​តូច​ចំនួន​០២​គ្រឿង រថយន្ត​ធំ​ចំនួន​០២​គ្រឿង និង​គោយន្ត​ចំនួន​០១​គ្រឿង​៕​

​លោក ចាន់ ពៅ អធិការរង​នគរបាល​ខណ្ឌ​ឬ​ស្សី​កែវ រង​ការ ចោទប្រកាន់​គំរាម​សម្លាប់​លោក លី រ៉​ហ្សា​ត ជា​នាយ​ផ្នែក ចរាចរ​ខណ្ឌ​ឬ​ស្សី​កែវ​ស្នងការ​ហៅ​ទៅ​សួរ​និង​បញ្ឈរជើង​?

[hupso]

​ភ្នំពេញ ៖ អធិការរង​ខណ្ឌ​ឬ​ស្សី​កែវ ម្នាក់ ដែលជា​អ្នក​កាន់​ច្បាប់​បែរជា​ល្មើស​ច្បាប់​ទៅ​វិញ ហ៊ាន​គំរាម​សម្លាប់​នាយ​ផ្នែក​ចរាចរណ៍​ម្នាក់​គ្រាន់តែ​រឿង​បន្តិច​បន្ទួច​សោះ​?​។​លោក ដែល​អាង​អំណាច​គំរាម​សម្លាប់​នាយ​ផ្នែក​នោះ​មានឈ្មោះ ចាន់ ពៅ ជា​អធិការរង​ខណ្ឌ​ឬ​ស្សី​កែវ ទទួល​ផ្នែក​សេនាធិការ​។

​ជនរងគ្រោះ ដែល​ត្រូវបាន​លោក​អធិការរង​រូប​នេះ​គំរាម​សម្លាប់​នោះ ឈ្មោះ លី រ៉ូ​ហ្សា​ត ជា​នាយ​ផ្នែក​ចរាចរណ៍​ខណ្ឌ​ឬ​ស្សី​កែវ​។ បើ​តាម​ប្រភព​ព័ត៌មាន​ពី​មន្ត្រី​នគរបាល​បានអោយដឹងថា មុនពេល​កើតហេតុ​នៅ​យប់​ថ្ងៃទី ២ កញ្ញា​ឆ្នាំ​២០១៩ កម្លាំង​អធិការដ្ឋាន​នគរបាល​ខណ្ឌ​ឬ​ស្សី​កែវ បានដាក់​គោលដៅ​ត្រួតពិនិត្យ​អាវុធជាតិផ្ទុះ​និង ជាតិ​ស្រវឹង​នៅតាម​បណ្ដោយ​ផ្លូវជាតិ​លេខ​៥ មុខ​វិទ្យាល័យ​ឬ​ស្សី​កែវ ស្ថិតក្នុង​ភូមិ​សាមគ្គី សង្កាត់​ឬ​ស្សី​កែវ ខណ្ឌ​ឬ​ស្សី​កែវ រាជធានី​ភ្នំពេញ ដោយមាន​លោកស្នងការ​រង​នឹង​លោក​អធិការរង​ទទួល​ផ្នែក​ចរាចរណ៍​ជា​អ្នកដឹកនាំ​បញ្ជា ។​

​បន្ទាប់​ពី​អនុវត្ដ​ន៍​បាន​ប្រហែល ជា​កន្លះ​ម៉ោង កម្លាំង​សមត្ថកិច្ច​ខណ្ឌ​ឬ​ស្សី​កែវ បាន​ពិនិត្យឃើញ អ្នក​មាន​ជាតិ​ស្រវឹង លើស​កម្រិត ចំនួន​៣​នាក់ ដែលជា​អ្នក​បើក​ម៉ូតូ ក្នុងនោះ មាន​ម្នាក់​មិន​បាន​សហការ​ផ្លុំ​ឧបករណ៍​ពិនិត្យ​ជាតិ​អាលកុល​។ បន្ទាប់​មក​កម្លាំង​សមត្ថកិច្ច​ក៏​បាន​ធ្វើការ​បញ្ជូន​ទៅ​ស្នងការ​ដើម្បី​ចាត់ការ​តាម​ផ្លូវច្បាប់​។ បន្ទាប់​ពី​បញ្ជូន​អ្នក​ដែល​មាន​ជាតិ​ស្រវឹង​លើស​កំរិត​បាន​មួយសន្ទុះ ស្រាប់តែ​លោក ចាន់ ពៅ អធិការរង រូបនោះ បាន​ទូរស័ព្ទ​មក​លោក​នាយផ្នែក ដោយ​បញ្ជា អោយ​ដោះលែង​មនុស្ស​ម្នាក់ ដែល​មាន​ជាតិ​ស្រវឹង​លើស​កំរិត​នោះ​វិញ​។​

​ក៏​ប៉ុន្ដែ​លោក​នាយផ្នែក​បាន​ប្រាប់​ទៅ​វិញ​ថា គាត់​គ្មាន​សិទ្ធ​ដោះលែង​ទេ គាត់​គ្រាន់តែ​ជា​នាយ​ផ្នែក ហើយ​ក៏​អោយ​លោក​អធិការរង​រូបនោះ ទូរស័ព្ទ​ទៅ​លោក​អធិកា​រង​ទទួល​ផ្នែក​ចរាចរណ៍ ដែល​កំពុង​ដឹកនាំ​ទៅ​។​លោក​អធិការរង​រូបនោះ ក៌​បាន​បិទ​ទូរស័ព្ទ​ទាំង​ខឹង​យ៉ាង​ខ្លាំង ។ មួយសន្ទុះ​ក្រោយមក ស្រាប់តែ​ឃើញ​បុរស​ម្នាក់​ដែល​មាន​ជាតិ​ស្រវឹង​លើស​ម្នាក់​ក្នុងចំណោម​៣​នាក់​ដែល​កម្លាំង​សមត្ថកិច្ច​ចាប់​បញ្ជូន​ទៅ​ស្នងការ​នោះ ត្រឡប់មកវិញ ក្រ​ឡឺម ។​

​ក្រោយមក​លោក​អធិការរង​រូបនោះ បាន​ផ្ញើរ​សារ​សម្លេង​គំរាម​សម្លាប់​ជាច្រើន មក​លោក​នាយផ្នែក ធ្វើអោយ​លោក​នាយ​ផ្នែក​មាន​ការភិតភ័យ​យ៉ាងខ្លាំង ព្រោះ​អី​ធ្លាប់​ដឹង​ហើយ​ថា កន្លង​មក​អធិការរង​រូប​នេះ​ធ្លាប់ បាញ់​គំរាម​មន្ត្រីប៉ូលិស រួចមក​ហើយ​គ្មាន​នរណា​ហ៊ាន​ធ្វើ​អ្វី​លោក​អធិការរង​រូប​នេះ​ឡើយ ធ្វើអោយ​លោក​អធិការរង​រូប​នេះ​ឡើងចាង​គំរាម​សម្លាប់​គេឯង​ជា​បន្តបន្ទាប់ ។ លោក​នាយផ្នែក ដែល​ជា​ជន រងគ្រោះ​សំណូមពរ​អោយ​ថ្នាក់ ដឹកនាំ​ជួយ​រក​យុត្តិធម៌ អោយ​រូបគាត់​ផង ព្រោះ​អធិការរង​ទំនើង​រូបនេះ​គំរាម​សម្លាប់​រូប​គាត់​អោយ​ស្លាប់​ចោល​ប្រពន្ធ​ចោល​កូន ។​

​ជនរងគ្រោះ សង្ឃឹមថា សម្ដេច​ក្រឡាហោម ស ខេង នឹងមាន​វិធានការ​ចាត់កា​រលើ​អធិការរង​រូប​នេះ ប្រសិន​ជា​គ្មាន​ចំណាត់ការ​ទេនោះ មិនដឹង​មាន​មនុស្ស​ប៉ុន្មាន​នាក់​ទេ ដែល​ស្លាប់​ក្រោម​កណ្ដាប់ដៃ​លោក​អធិការរង​រូបនេះ បើ​សូម្បី​តែ​មន្ត្រី​ប៉ូលិស​កូន​លោក​ផ្កាយ ក៏​លោក​អធិការ​រូបនេះ​ហ៊ាន​បាញ់​គម្រាម​រួចមកហើយ​ដែរ​នោះ​។​

​ជុំវិញ​ការចោទប្រកាន់​ខាងលើ​នេះ មិនអាច​សុំ​ការបំភ្លឺ​ពី​លោក ចាន់ ពៅ បាន ទេ ព្រោះ​ពុំ​មាន​លេខ​ទូរស័ព្ទ​ទាក់ទង​តែ​ឮ​ថា​លោក​ឧត្តមសេនីយ៍​សថេតស្នង​ការ​នគរបាល​បាន​កោះហៅ​លោក​ចាន់ ពៅ ជា​អធិការរង​ខណ្ឌ​ឬ​ស្សី​កែវ​ទៅ​ជួប​តែ​មិន​ដឹង​ថា​សម្រេច​យ៉ាងណា​? ។​

​ឧត្តមសេនីយ៍ឯក ស ថេត បាន​ប្រាប់​កាសែត​ថា «​ខ្ញុំ​ពិនិត្យ​មើល​ហើយ ខ្ញុំ​កំពុងតែ​ហៅ​មក ដើម្បី​ដាក់​ពិន័យ ខាង​កងកម្លាំង ហើយ​បើ​រកឃើញថា ពិតជា​មាន​ការ​គំរាម​មែន យើង​ពិនិត្យ​មើល​តាម​នឹង​ទៅ អាច​ផ្អាក​ការងារ មួយរយៈ​សិន ហើយ​កំពុងតែ​ហៅ​មក​ធ្វើការ​» ។​ចុង​ក្រោយ​ឮ​ថា​បញ្ឈរជើង​សិន​!៕

Filed in: ព័ត៌មានជាតិ
© 2019 បញ្ញវន្តខ្មែរ. All rights reserved. XHTML / CSS Valid.