ឈ្មួញឈើណុប ឌី ជឿង ថេង និងរង អៀងនៅតែអាចដឹកជញ្ជូនអនុផលឈើពីខេត្តពោធិ៍ពោធិ៍សាត់ ចូលខេត្តកំពង់ស្ពឺ ហើយចេញទៅស្រុកយួនតាមច្រកព្រំដែនក្នុងខេត្តតាកែវ និងខេត្តកំពត បានយ៉ាងរំភើយផាត់ដោយមិនមានសមត្ថកិច្ចណាអាចធ្វើអ្វីពួកឈ្មួញទាំងនោះបាន។
ប្រភពពីមន្ត្រីនៃមន្ទីរបរិស្ថានខេត្តពោធិ៍សាត់បានអោយដឹងថា:ដោយសារតែឈ្មួញបានឈើទាំងអស់នេះបានយកប្រាក់ដុល្លាទៅញ៉ុកប្រធានមន្ទីរបរិស្ថានខេត្តពោធ៍សាត់ទើបពួកឈ្មួញទាំងនោះអាចយកឈើចេញពីដែនជំរកសត្វព្រៃភ្នំឱរ៉ាល់បានយ៉ាងងាយស្រួលដូចបកចេកដូច្នេះបាន។
ប្រភពដដែលអះអាងថា: ដោយសារតែពួកឈ្មួញអាងមមន្ត្រីធំគ្រាក់ៗនៅក្នុងក្រសួងបរិស្ថានជាបង្អែកដ៏រឹងរឹងមាំដែលសង្ស័យលោក ប៉ាន់ មរកត ប្រធានមន្ទីរបរិស្ថានខេត្តតាកែវអាចឆ្លៀតឱកាសប្រើប្រាស់អំណាចនិងតួនាទីរបស់ខ្លួនដើម្បីប្រមូលប្រាក់ពីបទល្មើសព្រៃឈើទាន់មានឱកាសក៏អាចថាបានក៏មិនដឹង?។
ប្រភពពីមន្ត្រីអង្គការក្រៅរដ្ឋាភិបាលបានបញ្ជាក់ថា:បច្ចុប្បន្នបទល្មើសដឹកជញ្ជូនឈើចេញពីតំបន់ដែនជម្រកសត្វព្រៃភ្នំឱរ៉ាល់ តំបន់ដែនអភិរក្សជួរភ្នំក្រវាញភាគកណ្ដាល និងតំបន់ដែនជម្រកសត្វព្រៃភ្នំសំកុស នៅតែបន្តកើតឡើងយ៉ាងរាលដាលព្រោះការបង្ក្រាបពីសំណាក់កម្លាំងអាវុធហត្ថពុំមានប្រសិទ្ធភាពឡើយ។
ជុំវិញបញ្ហានេះ គេកត់សម្គាល់ឃើញថា ការបង្ក្រាបបទល្មើសព្រៃឈើពីសំណាក់សមត្ថកិច្ចអាវុធហត្ថកស្រុកវាលវែង ស្រុកភ្នំក្រវាញ និងស្រុកក្រគរ កន្លងមកនេះ គឺបានត្រឹមតែធ្វើឲ្យល្អមើលព្រោះឈ្មួញធំៗដូចជា ឈ្មួញឈ្មោះ ណុប ឌី ហៅឆើត ឈ្មួញឈ្មោះ តាំង អៀង ឈ្មួញឈ្មោះ ចែភក្ដិ ឈ្មួញឈ្មោះ កោះ សំភី ហៅតាហយ និងឈ្មួញក៏អាចជាបក្ខពួករបស់លោក តែម ធារ៉ា មន្ត្រីអាវុធហត្ខេខេត្តពោធិ៍ សាត់ទេដឹងបានជសកម្មភាពប្រមូលទិញឈើនិងដឹកជញ្ជូនឈើនៅតែប្រព្រឹត្តិទៅយ៉ាងរលូនបែបហ្នឹង។
ប្រភពពីមន្ត្រីអាជ្ញាធរនិងសមត្ថកិច្ចមូលដ្ឋានក្នុងស្រុកវាលវែង និងស្រុកភ្នំក្រវាញ បាបានឲ្យដឹងថា:នេះសង្ស័យ មន្ត្រីបរិស្ថានប្រចាំតំបន់ដែនជម្រកសត្វព្រៃភ្នំសំកុស តំបន់អភិរក្សជួរភ្នំក្រវាញភាគកណ្ដាល ក៏ដូចជាតំបន់ដែនជម្រកសត្វព្រៃភ្នំឱរ៉ាល់ ឃុបឃិតឲ្យឈ្មួញធំៗកាប់ឈើនិងដឹកជញ្ជូនឈើទេដឹងបានជាការកាប់បំផ្លាញព្រៃឈើនៅតែបន្តសកម្មភាពយ៉ាងពេញបន្ទុកបែបហ្នឹង?។
នេះមន្ត្រីបរិស្ថានប្រចាំតំបន់ព្រៃការពារ ព្រៃអភិរក្សទាំងនោះហ៊ានធ្វើអ្វីៗតាមអំពើចិត្តក៏អាចដោយសារមានការសម្របសម្រួលពីសំណាក់លោក ប៉ាន់ មរកត ប្រធានមន្ទីរបរិស្ថានខេត្តពោធិ៍សាត់បើកដៃអោយធ្វើទេដឹង?៕
