កំពង់ឆ្នាំងៈ ឯកឧត្តម ម៉ម ឈឿម ទីប្រឹក្សាក្រសួងព័ត៌មាននិងជាប្រធានមន្ទីរព័ត៌មានខេត្តកំពង់ឆ្នាំងបានអំពាវនាវនារសៀលថ្ងៃទី២១ ខែតុលា ឆ្នាំ២០១៩ នៅសាលប្រជុំមន្ទីរព័ត៌មានខេត្តកំពង់ឆ្នាំង ក្នុងកិច្ចប្រជុំពង្រឹងអោយមន្ត្រីរាជការគោរពវិន័យនិងត្រួតពិនិត្យលទ្ធផលសកម្មភាពការងារខែតុលាឆ្នាំ២០១៩និងលើកទិសដៅអនុវត្តបន្ត។
ក្នុងការប្រជុំនោះក៏មានការចូលរួមពីសំណាក់លោកអនុប្រធានមន្ទីរ ប្រធាន អនុប្រធាន ការិយាល័យចំណុះមន្ទីរនិងមន្ត្រីរាជការចូលរួមសរុបចំនួន៣៥នាក់។
ឯកឧត្តម ម៉ម ឈឿម បានមានប្រសាសន៍បន្ថែមថាៈដើម្បីសម្រេចបាននូវកាតព្វកិច្ចមួយប្រកបដោយប្រសិទ្ធភាពខ្ពស់មន្ត្រីទាំងអស់ត្រូវមានការទទួលខុសត្រូវខ្ពស់និងរួមសហការគ្នាស្អិតរមួតលើការអនុវត្តតាមតួនាទីភារកិច្ចរបស់ខ្លួន ជាពិសេសអ្នកដឹកនាំបព្ជាាត្រូវតែមានផែនការច្បាស់លាស់ស្របតាមផែនការសកម្មភាពរបស់មន្ទីរបានដាក់ចេញអោយអនុវត្ត ។
ឯកឧត្តម ម៉ម ឈឿម ក៏បានផ្តាំផ្ញើអោយមន្ត្រីទាំងអស់ខិតខំរៀនសូត្រពង្រឹងសមត្ថភាពកំរិតមុខ ជំនាញអោយបានច្បាស់លាស់ ដែលជរួមត្រូវគោរពច្បាប់សហ លក្ខ ន្តិកៈមន្ត្រីរាជការ គោរពច្បាប់រដ្ឋធម្មនុញ្ញនៃព្រះរាជាណាចក្រកម្ពុជា ពិសេសរួមគ្នាថែរក្សាសន្តិភាពនិងប្រឆាំងដាច់ខាតពួកអ្នកនយោបាយអគតិដែលចង់តែប៉ុងប៉ងបំផ្លាញសុខសន្តិភាពកម្ពុជាតាមមហិច្ឆិតាលោភលន់របស់ពួកវា៕
