ខេត្តរតគិរី ៖ វេលាម៉ោង ៩,០០ នាទី ថ្ងៃអាទិត្យ ទី ១២ ខែមេសា ឆ្នាំ ២០២០ កន្លងមកនេះ លោកព្រះរាជអាជ្ញារង នៃអយ្យការអមសាលាដំបូងខេត្តរតនគិរី បានដឹកនាំសមាសភាព ចូលរួមមាន កម្លាំងអធិការស្រុកបរកែវ និងកម្លាំងផ្នែករដ្ឋបាលព្រៃឈើ ស្រុកបកែវ អាជ្ញាធរភូមិឃុំ ចុះមកដល់ទីតាំងសិប្បកម្ម ដោយគ្មានលិខិត អនុញ្ញាតមួយកន្លែង ឋិតនៅភូមិមួយ ឃុំឡាម៉ិញ ស្រុកបរកែវខេត្តរតនៈគីរី។
កិច្ចប្រតិបត្តិការនេះ សមត្ថកិច្ចបានធ្វើការឃាត់ខ្លួន ជនសង្ស័យ ជាកម្មករម្នាក់ ឈ្មោះផាម វ៉ាន់ឌឿន ភេទប្រុស ជាជនជាតិវៀតណាម រីឯម្ចាស់ទីតាំង នេះមានឈ្មោះហុង ប៊ុនឡា ភេទប្រុស ជនជាតិវៀតណាម បានរត់គេចខ្លួនបាត់ស្រមោលតែម្តង។
លើសភាពការណ៍ដូច្នេះព្រះ រាជអាជ្ញារងបាន សម្រេចធ្វើការរឹបអូសយក ឈើមួយចំនួន និងឧបករណ៍ជាម៉ាស៊ីន សម្រាប់កែច្នៃឈើមករក្សារទុក និងសម្រេចបិទ ទីតាំងសិប្បកម្មខុសច្បាប់ នេះជាបណ្ដោះអា សន្នរង់ចាំ សេចក្តីសម្រេចនាពេល ក្រោយ។ចំពោះវត្ថុតាងដែលដកហូត យកមករក្សាទុក នៅ អធិកាដ្ឋានស្រុកបរកែវនិងរៀបចំបែបបទទៅសាលាដំបូងខេត្តរតនគីរីចាត់ការ តាមនិតិវីធីច្បាប់។
គួរបញ្ជាក់ផងដែរថា កិច្ចប្រតិបត្តិការមួយនេះក៏មានការចូលរួមពីសំណាក់លោក រា បូរ៉ាន់ឌី ព្រះរាជអាជ្ញារង លោក ជួប វណ្ណារក្ស អធិការស្រុកបរកែវ លោកហុង វណ្ណរាន ប្រធានផ្នែកព្រៃឈើស្រុកបរកែវ លោកធុយដន មេភូមិមួយផងដែរ ៕
