រតនគិរី ៖ វេលម៉ោង១និង៣០នាទីរសៀល ថ្ងៃ អង្គារ ទី១៧ ខែវិច្ឆិកា ឆ្នាំ២០២០នគរបាលស្រុកអូរយ៉ាដាវចុះប្រតិបត្តិការបង្ក្រាបគ្រឿងញៀន ស្ថិតនៅភូមិប៉ក់ ឃុំប៉ក់ញ៉ៃ ស្រុកអូរយ៉ាដាវ ខេត្តរតនគីរី។
សមត្ថកិច្ចនគរបាលបានឲ្យដឹងថាការចុះបង្ក្រាបគ្រឿងញៀនខាងលើនេះធ្វើឡើងដោយមានការចង្អុលណែនាំនិងបព្ជាាពីលោកឧត្តមសេនីយ៍ទោស្នងការខេត្ត ព្រមទាំងមានការសម្របសម្រួលពីតំណាងអយ្យកាអមសាលាដំបូងខេត្តរតនគីរី ទើបកម្លាំងនគរបាលមូលដ្ឋានបើកកិច្ចប្រតិបត្តិការចុះបង្ក្រាបករណីរក្សាទុកនិងចែកចាយគ្រឿងញៀនដោយខុសច្បាប់ដោយឃាត់ខ្លួនជនសង្ស័យ៣នាក់។
ជនសង្ស័យទាំង៣នាក់នោះរួមមាន ៖
១.ឈ្មោះ ចាន់ រិទ្ធី ភេទប្រុស អាយុ៣៥ឆ្នាំ ជនជាតិខ្មែរ មុខរបរមិនពិតប្រាកដ។
២.ឈ្មោះ អិន សុខសាន ភេទប្រុស អាយុ៣០ឆ្នាំ ជនជាតិខ្មែរ មុខរបរមិនពិតប្រាកដ។
៣.ឈ្មោះ ម៉ុង ហេង ភេទប្រុស អាយុ៣៣ឆ្នាំ ជនជាតិខ្មែរ មុខរបរមិនពិតប្រាកដ។
ក្រោយការឃាត់ខ្លួនសមត្ថកិច្ចបានដកហូតបាននូវវត្ថុតាង ម្សៅក្រាមពណ៌សថ្លាសង្ស័យថ្នាំញៀនចំនួន ១ថង់ធំនិង ២១ថង់តូចរថយន្ត១គ្រឿងម៉ាក កាមរី ឆ្លាម ពណ៌ខ្មៅ មានផ្លាកលេខភ្នំពេញ2H4382 ជាមធ្យោបាយចែកចាយនិងទូរសព្ទដៃចំនួន ៤គ្រឿងផងដែរ ។
បច្ចុប្បន្ន ជនសង្ស័យនិងវត្ថុតាងត្រូវបានសមត្ថកិច្ចកសាងសំណុំរឿងបញ្ជូនទៅតុលាការដើម្បីចាត់ការទៅតាមនីតិវិធីច្បាប់ ៕
ដោយភន់ វ៉ាន់ថន (បញ្ញវន្តខ្មែរ)
