សេចក្តីរាយការណ៍ពត៌មានពីបងប្អូនប្រជាពលរដ្ធរស់នៅភូមិរមាសបានប្រាប់ភ្នាក់ងារសារព៌មាន បញ្ញវន្តខ្មែរ ឱ្យដឹងថា:អាជីវកម្មដឹកជញ្ជូនអាចម៌ដីលក់របស់លោក រ៉ុន ជាប់ផ្លូវជាតិលេខ53បានធ្វើប្រជាពលរដ្ធធ្វើដំណើរឆ្លងកាត់មានការភ័យខ្លាចយ៉ាងខ្លាំង។
មន្ត្រីជំនាញធ្លាប់បានចុះទៅធ្វើការអប់រំណែនាំម្ចាស់អាជីវករល្មើសច្បាប់រូបនោះជាច្រើនលើកច្រើនសារមកហើយដែរដែរ តែជននោះនៅតែផ្គើនមិនព្រមគោរព តាមគោលការច្បាប់នោះឡើយ។
ប្រជាពលរដ្ឋជាច្រើនគ្នាបានលើកឡើងស្រដៀងៗគ្នាថា:ជារៀងរាល់ថ្ងៃពួកគាត់តែងបានឃើញរថយន្តដឹកដីជាច្រើនគ្រឿងបើកបរឆ្លងកាត់ផ្លូវជាតិលេខ៥៣ដោយមិនមានការយកអ្វីមកចងគ្របពីលើអោយបានត្រឹមត្រូវនោះទេ ដោយទុកអោយដីជ្រុះរាយប៉ាយផ្លូវកៅស៊ូ ប្រែក្លាយជាផ្លូវដីហុយសំពោងតែម្តង។
ការប្រកបអាជីវកម្មរបស់លរបស់ឈ្មួញគិតតែផលប្រយោជន៍ផ្ទាល់ខ្លួនខាងលើបានបង្ករអោយប៉ះពាល់ដល់សុខុមាលភាពប្រជាពលរដ្ធមូលដធានខាងលើយ៉ាងធ្ងន់ធ្ងរដោយសារធូលីដីបង្ករអោយហុយចូលចំណីអាហារ និងប្រលាក់ខោអាវ និងហុយចូលច្រមុះជ្រាបចូលសួតបង្ករអោយកើតជាជំងឺឈឺ ប៉ះពាល់ដល់ផ្លូវដង្ហើមយ៉ាងខ្លាំងទៀតផង។
ពាក់ព័នករណីខាងលើនេះលោកសូត្រ សង់អភិបាលស្តីទីស្រុកទឹកផុស មិនអាចទំនាក់ទំនងបាននៅឡើយ។
លោក អ៊ុស រស់ ប្រធានមន្ទីរ រ៉ែ និងថាមពលខេត្ត កំពង់ឆ្នាំងបានប្រាប់អោយដឹងថា:នៅពេលខាងមុខដ៏ខ្លីនេះ មន្ត្រីរបស់លោកនិងចុះទៅពិនិត្យមើលថាតើអាជីវករខាងលើមានច្បាប់ទំលាប់ត្រឹមត្រូវដែរឬទេ? ។
ប្រជាពលរដ្ឋរស់នៅភូមិឃុំខាងលើបានសំណូមពរអាជ្ញាធរ ភូមិ ឃុំ ស្រុកជាពិសេសស្នើសុំឯកឧត្តមអភិបាលខេត្ត មេត្តា ចាត់អោយមន្ត្រីជំនាញពាក់ព័ន្ធមកទប់ស្កាត់ឬណែនាំទីតាំងជីកកកាយរណ្តៅដីរបស់លោក រ៉ុនអោយគោរពតាមបទដ្ធានច្បាប់ដោយកុំចេះតែជីករណ្តៅដីកាន់ជ្រៅៗទៅបែបនេះ៕
រី ភារិទ្ធិ