កំពង់ឆ្នាំង ៖ នៅថ្ងៃទី២៣ ខែឧសភា ឆ្នាំ២០២១ លោក សន សំអាត អភិបាលរងស្រុកកំពង់ត្រឡាចនិងជាប្រធាន ស.ស.យ.ក ស្រុកកំពង់ត្រឡាច និងប់ សហការីបានចុះសួរសុខទុក្ខ គ្រួសារកម្មករ កម្មការី ចំនួន៥គ្រួសារដែលធ្វើការនៅរោងចក្រហឺរ៉ាយហ្សិន អាយដរ កំពុងធ្វើចត្តាឡីស័ក នៅតាមផ្ទះនៅក្នុងស្រុកកំពុងត្រឡាច។
មានប្រសាសន៍ក្នុងឱកាសនោះលោក សន សំអាត បានធ្វើការផ្តាំផ្ញើដល់ កម្មករ កម្មការិនី ដែលកំពុងធ្វើចត្តាឡីស័ក នៅផ្ទះ ត្រូវអនុវត្តតាមការណែនាំរបស់ក្រសួងសុខាភិបាល និងអនុវត្តន៍តាមអនុសាសន៍របស់ប្រមុខរាជរដ្ឋាភិបាលគឺ ៣ការពារ និង៣កុំអោយបានជាប់ជាប្រចាំបើសិនជាមានអាការ:មិនស្រួល ត្រូវរាយការណ៍ទៅមេភូមិ មេឃុំ ជាបន្ទាន់ដើម្បីបញ្ជូនទៅមន្ទីរពេទ្យបានទាន់ពេលវេលា ។
សូមបញ្ជាក់ថាៈអំណោយ ចែកជូនដល់កម្មករ កម្មការិនី ដែលមានជីវភាពខ្វះខាតក្នុង អំឡុងពេលកំពុងធ្វើចត្តាឡីស័ក ចំនួន៥គ្រួសារក្នុងនោះ ឃុំលង្វែក ២គ្រួសារ ,ឃុំកំពង់ត្រឡាច ២គ្រួសារ និងឃុំថ្មឥដ្ឋ១គ្រួសារក្នុងមួយគ្រួសារៗទទួលបាន អង្ករ២០គីឡូ,ឃីដ១កញ្ចប់, មី ១កេស,ទឹកត្រី ១យួ, ទឹកស៊ីអ៊ីវ ១យួ ,ទឹកសៀង១យួ, ទឹកសុទ្ធ៤យួ,និងថវិកាចំនួន ៣០,០០០រៀល ផងដែរ៕