ថ្មីៗនេះឯកឧត្តម ស៊ុន សុវណ្ណារិទ្ធិ អភិបាល នៃគណៈអភិបាលខេត្តកំពង់ឆ្នាំងអមដំណើរដោយឯកឧត្ដម អម សុភាប្រធានគណ:កម្មាធិការសាខាកាកបាទក្រហមកម្ពុជាខេត្ត អញ្ជើញចុះសាកសួរសុខទុក្ខនិងចូលរួមរំលែកទុក្ខជាមួយគ្រួសារដែលរងគ្រោះដោយភ្លើងឆេះផ្ទះបណ្តាលឲ្យក្មេងប្រុស ស្រី០២ នាក់ស្លាប់បាត់បង់ជីវិត កាលពីថ្ងៃទី១៦ ខែសីហា ឆ្នាំ២០២១ស្ថិតនៅក្នុងភូមិពោធិរិទ្ធិក្រៃ ឃុំស្វាយ ស្រុកសាមគ្គីមានជ័យ ខេត្តកំពង់ឆ្នាំង។
ឯកឧត្តម ស៊ុន សុវណ្ណារិទ្ធិ និង ឯកឧត្តម អម សុភាក្នុងនាមជាតំណាងសម្តេចកិត្តិព្រឹត្តបណ្ឌិតបានចូលរួមរំលែកមរណៈទុក្ខយ៉ាងក្រៀមក្រំជាមួក្រុមគ្រួសារសពដែលបានបាត់បង់ជីវិតដោយគ្រោះអគ្គីភ័យនេះ។
ឆ្លៀតឱកាសនោះឯកឧត្តមបានរំលឹកពីទឹកចិត្តសម្តេចកិត្តិព្រឹទ្ធបណ្ឌិតប្រធានកាកបាទក្រហមកម្ពុជា ដែលតែងតែគិតគូរជានិច្ចចំពោះបងប្អូនប្រជាពលរដ្ឋជួបការលំបាកនិងងាយរងគ្រោះគ្រប់ទីកន្លែងនិងគ្រប់ពេលវេលាដោយមិនប្រកាន់ពូជសាសន៍ រឺនិន្នាការនយោបាយអ្វីឡើយ ។
ក្នុងនាមឯកឧត្តមជាថ្នាក់ដឹកនាំរខេត្តនិងជាប្រធានសាខាកាកបាទក្រហមកម្ពុជាខេត្តក៏សូមចូលរួមមរណៈទុក្ខនិងសំដែងនូវការសោកស្តាយជាមួយក្រុមគ្រួសារសពនឹងសូមឧទ្ទិសអោយដួងវិញ្ញាណក្ខន្ធជនរងគ្រោះបានទៅកាន់សុគតិភពកុំបីឃ្លៀងឃ្លាតឡើយ ។
ក្នុងឱកាសនោះឯកឧត្តមក៏បានផ្តល់ជូនអំណោយកាកបាទក្រហមកម្ពុជាខេត្តរួមមានអង្ករចំនួនអង្ករចំនួន ៤២៥គ.ក្រ មី១០កេស ត្រីខ ០៥យួរ ទឹសុទ្ធ ០៦កេស ទឹកផ្លែឈើ០៥ កេស ទឹកត្រី០២យួរ ទឹកសុីអុីវ០២យួរ ម៉ាស់០២ប្រអប់ និងថវិកាចំនួន២លាន ២សែនរៀល សម្រាប់ទុកប្រើប្រាស់នៅក្នុងកម្មវិធីបុណ្យ ។
តំណាងគ្រួសារសពបានគោរពជូនពរសម្តេច ឯកឧត្តមអភិបាលខេត្តនិង ថ្នាក់ដឹកនាំកាកបាទក្រហមខេត្តមានសុខភាពល្អដើម្បីបន្តដឹកនាំកាកបាទក្រហមខេត្តទទួលបាននូវជ័យជម្នះគ្រប់ភារកិច្ច៕