របាំងសាច់អួនទំនើបរាប់រយខ្សែនឹងរាប់ពាន់ម៉ែតត្រូវបានក្រុមជនល្មើសរាយដាក់ស្ទាក់ចាប់ត្រីនៅភូមិសាស្ត្រតំបន់កំពុងអួ.សេះស្លាប់.កំពង់ព្រះ.ក្រញ៉ាន.នឹងចុងវាលភួកថិតក្នុងស្រុកបរិបូរនឹងស្រុកកំពង់លែងខេត្តកំពង់ឆ្នាំង។
ជាក់ស្ដែងចាប់តាំងពីទឹកទន្លេចាប់ផ្តើមឡើងក្នុងរដូវបិតនេសាទដែលជារដូវត្រីពងកូនឆ្នាំ២០១៧នេះរបាំងសាច់អួនក៏ចាប់ផ្ដើមរាយដាក់យ៉ាងស្គុះស្គាយពេញផ្ទៃទឹកបើយោងតាមសេចក្ដីរាយការណ៍បានអះអាងថាដោយសារតែមានការឃុបឃិតជាមួយនឹងសមត្ថកិច្ចពាក់ព័ន្ធ ជាពិសេសគឺជំនាញរដ្ឋបាលជលផលដែលមានលោកសោមភារុនជានាយខ័ណ្ឌ របាំងសាច់អួនទាំងនោះក្នុងមួយខ្សែៗមានប្រវែងចាប់ពី២០០ទៅ៥០០ម៉ែត្រដាក់ពីចុងព្រៃរហូតមកដល់កណ្ដាលទន្លេតែម្ដង។
យោងតាមប្រភពបានឲ្យដឹងថា ការបើកដៃឲ្យមានបទល្មើស របាំងសាច់អួននារដូវបិទនេសាទនេះ ដោយពួកគេមានមេខ្យល់ ប្រមូលរត់ការ បង់ឲ្យសមត្ថកិច្ចគ្រប់ ជំនាញពាក់ព័ន្ធ ជាពិសេសប្រភពបានបង្ហើបឲ្យដឹងថា បង់ឲ្យលោកនាយខណ្ឌរដ្ឋបាលជលផល សោម ភារុណ ប៉ុន្តែគេមិនបានបញ្ជាក់ថាបង់ឲ្យប៉ុន្មានោះទេ ។
ការបណ្តែតបណ្តោយ ឲ្យមានបទល្មើសនេសាទបែបនេះ ខណៈរដូវត្រីពងកូន គេមិនសង្ឃឹមថា ផលនេសាទមានការកើនឡើងឡើង ផ្ទុយទៅវិញ បានបង្ក វិនាសកម្មយ៉ាងធ្ងន់ធ្ងរដល់មច្ឆាជាតិ ។
បើតាមការរៀបរាប់ពីអ្នករាយរបាំងលបទាំងនោះបានឲ្យដឹងថាការដែលពួកគេដាក់ទៅបាននោះក៏ដោយសារតែពួកគេអាងមេខ្យល់ខាងរត់ការអោយគ្រប់សមត្ថកិច្ចជាពិសេសគឺជលផលបានជាពួកគាត់ហ៊ានរាយដាក់វែងៗចឹង ។
ប្រជានេសាទដែលប្រកបមុខរបនេសាទលក្ខណៈគ្រួសារបានរអូរទាំថាពីមួយឆ្នាំទៅមួយឆ្នាំត្រីកាន់តែក្រទៅៗគឺដោយសារតែមន្ត្រីសមត្ថកិច្ចជាពិសេសគឺជលផលចូលដៃចូលជើងជាមួយនឹងជនល្មើសបង្កើតនូវឧបករណ៏ខុសច្បាប់ស្ទើតែគ្រប់កន្លែងជាពិសេសគឺនៅតំបន់កំពង់អួ,ក្រញ៉ាននេះតែម្ដង យោងតាមសេចក្ដីរាយការណ៏ពីប្រជានេសាទបានឲ្យដឹងថាចាប់តាំងពី លោកសោមភារុន ឡើងជាមេខ័ណ្ឌមកគឺបទល្មើសកាន់តែកើនឡើងដោយក្នុងស្រុកនិមួយៗ ពោរពេញទៅដោយបទល្មើសគ្រប់ប្រភេទទាំងរដូវបិតនិងរដូវបើក ។ ជាក់ស្ដែង ដូចជារដូវបិទនេសាទក្នុងពេលបច្ចុប្បន្ននេះរបាំងសាច់អួនទំនើបរាយនៅនឹងកន្លែងចុះហេតុអ្វីបានជាលោកមិនដឹងនាំកំលាំងចុះបង្ក្រាប ឬមួយក៏លោក ពិតជាទទួលលាភពីក្រុមឈ្មួញដូចដែលគេបាននិយាយមែនភាពអសកម្មរបស់លោក សោមភារុន ធ្វើឲ្យប្រជានេសាទលក្ខណៈគ្រួសារពិបាកក្នុងការរកត្រីចញ្ចឹមជីវភាពដោយសារនេសាទមិនបាន ។
ប្រជាពលរដ្ឋបានអំពាវនាវ សូមឲ្យថ្នាក់លើជាពិសេស អភិបាលនៃគណៈអភិបាលខេត្តកំពង់ឆ្នាំង មេត្តាចាត់វិធានការបង្ក្រាប ឲ្យមានប្រសិទ្ធភាព និងទាន់ពេលវេលា បើពុំនោះសោត មច្ឆាជាតិ ដែលសុទ្ធសឹងជាត្រីមេពូជ ប្រាកដជាហិនហោចមិនខានឡើយ ។
ពាក់ព័ន្ធសេចក្ដីរាយការណ៍ខាលើនៅរសៀលថ្ងៃទី៣ ខែកក្កដា ឆ្នាំ២០១៧ នេះ អ្នកយកព័ត៌មានយើង មិនអាចសុំការបំភ្លឺណាមួយ ពីលោក សោម ភារុណ នាយខណ្ឌរដ្ឋបាលជលផលកំពង់ឆ្នាំង បាននៅឡើយទេ ។
ដោយឡែក លោក ងិន ហ៊ុន ប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ឆ្នាំងបានប្រាប់ថាលោកទទួលយកដំណឹងនេះនិងពិសារឆ្លងយោបល់ដើម្បីចាត់វិធានបង្ក្រាបទាន់ពេលវេលា ។
លោក ងិន ហ៊ុន បានបន្តថា រឿងហ្នឹងខ្ញុំតែងតែសួរជំនាញជលផលគាត់ឆ្លើយថា អត់មានទេ បើមានគឺប្រវ៉ែងខ្លីៗ លោកបញ្ជាក់ថា មានមន្ត្រីយើងមួយចំនួនកន្ទេលធំបន្លំដេក ៕