ក្រចេះ-ស្នួល ៖ កាលពីថ្ងៃទី០១ខែវិច្ឆិកាឆ្នាំ២០១៧ វេលាម៉ោង ប្រមាណជា ៤ល្ងាច មាន រថយន្តយីឌុកចំនួន៣គ្រឿង ដែលតាម ប្រភពព័ត៌មានថាជារបស់លោកឧកញ៉ាសឹង្ហ សំអុលដ៏ល្បីឈ្មោៈ បានដឹកជញ្ជូន ឈើដោយមិនក្រែងញញើតនឹងសមត្ថកិច្ចជំនាញណាម្នាក់ឡើយក្នុងស្រុកស្នួលឡើយ។ តាមប្រភពព័ត៌មានច្បាស់ការ មួយបានប្រាប់ថា ក្នុងចំណោមរថយន្ត យីឌុកទាំងបីគ្រឿងនេៈ មានតែមួយ គ្រឿងដែលមានច្បាប់អនុញ្ញាត្តិចំណែកពីរគ្រឿងទៀតគឺគ្មានលិខិតអនុញ្ញាតឡើយ ដោយក្នុងមួយយីឌុកគឺចំនួនផ្ទុក មិនតិចជាង៥០ម៉ែត្រគូបឡើយ ។
តាមការវាស់វែងគឺឃើញថា ចំនួនសរុប ទាំងបីយីឌុកនេះ គឺការដឹកលើសចំនួនច្បាប់កំណត់ប្រមាណជា១០០ម៉ែត្រគូប ។ រថយន្តយីឌុកទាំងបីគ្រឿងនេៈត្រូវបាន កងរាជអាវុធហត្ថផ្ទៃប្រទេស នឹងអង្គការក្រៅរដ្ឋាភិបាលបានធ្វើការឃាត់ដើម្បីត្រួតពិនិត្យមើលឯកសារពាក់ព័ន្ធនៃការដឹកជញ្ជូនតាមច្រកសំពោធ ភូមិ សំពោធ ឃុំ ឃ្សឹម ស្រុក ស្នួល ខេត្តក្រចេះ ។
ស្របពេលជាមួយគ្នានេៈផងដែរ ដោយ មានការអន្តរាគមន៍ពីមន្ត្រីជើងដប់ រថយន្តយីឌុកទាំងបីគ្រឿងនេៈត្រូវបាននាំយកទៅកាន់រដ្ឋបាលព្រៃឈើស្រុកស្នួល ដើម្បីត្រួតពិនិត្យឯកសារ ស្រាប់តែមក ដល់រដ្ឋបាលព្រៃឈើ ស្រុកស្នួលមិនបាន ដប់នាទីផង ក៏រថយន្តយីឌុក ទាំងបីគ្រឿងនេះ បើករត់ដោយគ្មានការអន្តរាគមន៍ពីមន្ត្រីជំនាញណាមួយឡើយ ។ ក្នុងនោះផងដែរ មានមន្ត្រី កងរាជអាវុធហត្ថស្រុកស្នួលជាច្រើននាក់ បានមកឃាត់សួរនាំ រកលិខិតបេសកកម្មមន្ត្រីអង្គការក្រៅរដ្ឋាភិបាលនឹងកងរាជអាវុធហត្ថលើផ្ទៃទៅវិញ ដោយបណ្តោយ អោយឡានយីឌុកដឹកឈើខុសច្បាប់ ទាំងបីគ្រឿង រត់រួចបានយ៉ាងរលូន។
មានមតិជាច្រើន បានលើកឡើង ថារដ្ឋបាលស្រុកស្នួលព្រមទាំងមន្ត្រីមានសមត្ថកិច្ចជំនាញក្នុងស្រុកស្នួលគឺ អសកម្មក្នុងការបង្ក្រាបបទល្មើសព្រៃឈើ ខ្នាតយក្សក្នុងស្រុកស្នួលព្រោៈរាល់ការបង្ក្រាបបទល្មើសព្រៃឈើម្តងៗ គឺលេខទូរស័ព្ទ គឺមិនអាចទំនាក់ទំនងបានឫខលចូលតែគ្មានអ្នកលើក ។
តើត្រូវបណ្តែតបណ្តោយអោយឧកញ៉ា សឹង្ហ សំអុល បំផ្លាញព្រៃឈើរហូត អន្តរាយឫយ៉ាងណា?!
