ខេត្តកំពត៖ ហេតុការណ៍ដ៍សាហាវរន្ឋត់មួយបានបង្ករអោយមានភ្ញាក់ផ្អើលយ៉ាងខ្លាំង ក្នុងករណីឃាតក កាត់ក្បាលជនរងគ្រោះ យកទៅបាត់ នៅសល់តែដងខ្លួន ត្រង់ចំណុចខ្ទមចាំដីស្រែរបស់ជនរងគ្រោះ ស្ថិតក្នុង ភូមិដំណាក់ត្រយឹង ឃុំតាកែន ស្រុកទឹកឈូរ ខេត្តកំពត ហេតុការនេះកើតឡើងកាលពីថ្ងៃទី២០ ខែវិច្ឆកា ឆ្នាំ២០១៧ ។
ក្រោយពីសមត្ថកិច្ចនគរបាល បានទទួលព័ត៌មានភ្លាម ថា នៅចំណុចខាងលើ មានករណីឃាតកម្ម ទៅលើជនរងគ្រោះ ឈ្មោះ អយ សុខ ភេទប្រុស អាយុ៦២ឆ្នាំ រស់នៅភូមិ-ឃុំកើតហេតុ ដោយជនល្មើសមិនស្គាល់អត្តសញ្ញាណ បានកាត់កជនរងគ្រោះ យកក្បាលទៅបាត់ នៅសល់តែដងខ្លួន នៅកន្លែងកើតហេតុ ។
កម្លាំងសមត្ថកិច្ចបានសហការគ្នាចុះសាកសួរប្រមូលព័ត៌មាន ជុំវិញលំនៅដ្ឋានជនរងគ្រោះ បានបង្ហាញជាបឋមថា ជនរងគ្រោះមានការចោទប្រកាន់ថា ពីមុនមកគាត់ចេះធ្វើអំពើធ្មប់ ហើយក្រោយធ្វើកោសល្យវិច្ច័យរួច សមត្ថកិច្ចដាក់ការសន្និដ្ឋានថា អាចរឿងគំនុំ ជុំវិញករណីអំពើធ្មប់ ហើយសមត្ថកិច្ច បន្តរការស្រាវជ្រាវ ស្វែងរកជនល្មើស យកមកផ្តន្ទាទោសតាមច្បាប់ ៕