ក្រចេះ ៖ ទោះបីមានការបង្ក្រាបពីកម្លាំងកងរាជអាវុធហត្ថខេត្តនិងអាវុធហត្ថលើផ្ទៃប្រទសនាពេលថ្មីៗយ៉ាងណាក្ដី ប៉ុន្តែសកម្មភាពដឹកជញ្ជូនឈើនៅតែឌឹបញ្ឈឹ មន្ត្រីជំនាញ រដ្ឋបាលព្រៃឈើក្រចេះ ជាពិសេសលោកអ៉ឹង ស៉ីណាង នាយផ្នែករដ្ឋបាលព្រៃឈើ ដែលគ្រប់គ្រងចំនួនពីរស្រុកនិងក្រុងមួយ គឹស្រុកសំបូរ ស្រុកចិត្របុរី ក្រុងក្រចេះ ជាក់ស្ដែងនៅវេលាម៉ោង១៩និង៥០និងនាទីយប់ថ្ងៃទី០៩មករា២០១៨ ក្រុមរថយន្ដចែកញ្ញា្ត បានដឹកឆ្លងកាត់ ខ្លាស្ទុះលើកំណាត់ផ្លូូវជាតិលេខ៧ ឆ្ពោះទៅស្រុកស្នួល ដោយឆ្លងកាត់សង្កាត់រដ្ឋបាលព្រៃឈើកន្ទួត ហើយយើងមិនឃើញមានមន្ត្រីជំនាញ រដ្ឋបាលព្រៃឈើចេញបង្ក្រាបនោះទេ បើប្រសិនគ្មានកម្លាំងកងរាជអាវុធហត្ថលើផ្ទៃប្រទេសនិងអាវុធហត្ថខេត្តចាប់ប្រគល់អោយពួកគាត់ ព្រោះរដ្ឋបាលព្រៃឈើបច្ចុប្បន្ន រងចាំតែស៉ីឡាកតែប៉ុណ្ណោះ ។
បើយោងតាមប្រភពដ៏ច្បាស់ការមួយបានបង្ហើបប្រាប់ថា ហេតុដែលលោកអ៉ឹង ស៉ីណាង នាយផ្នែករដ្ឋបាលព្រៃឈើ មិនចេញបង្ក្រាប បទល្មើសដឹកជញ្ជូនឆ្លងកាត់ដែនដីរបស់លោក គឹមានមិត្តភក្ត័ដ៏ជិតស្និតម្នាក់ ជាមន្ត្រីយោធាខេត្តក្រចេះ ឈ្មោះលោកសំអាត ជាអ្នកធ្វើសេដ្ឋកិច្ចអោយ ជារៀងរាល់ថ្ងៃ ដោយដាក់រថយន្តចាំរាប់ក្បាលឡានជាប្រចាំ។
ក្នុងនោះផងដែរ ប្រជាពលរដ្ឋដែលប្រកបរបរដឹកជញ្ជូនឈើក្ដារបន្តិចបន្តួចបានលើកឡើងថា ទោះបីពួកគាត់ដឹកសរសរក្ដារយកមកធ្វើផ្ទះតាមរឹម៉កឬគោយន្តកន្ត្រៃយ៍ គឺត្រូវទំនាក់ទំនងទៅលោក សំអាត ដែលជាមន្ត្រីយោធាខេត្តក្រចេះ ដែលគេដឹងថា កាន់លិខិតបេសកម្មរបសលោកអ៉ឹង ស៉ីណាង នាយផ្នែករដ្ឋបាលព្រៃឈើក្រចេះ ។
បើយោងតាមព័ត៏មានគេហទំពរ័ បានសរសេរចំៗថា លោកសំអាតជាអ្នករាប់ក្បាលឡាននិងដេញឡានកាក់ឡាន ប្រមូលចំណូលអោយលោកនាយផ្នែកជាប្រចាំ ។
ជាក់ស្ដែង កាលពីវេលាម៉ោង១៩និង៥០នាទយប់់ថ្ងៃទី០៩មករា២០១៨ នេះ ក្រុមរថយន្តសាំយ៉ុងដឹកឆ្លងកាត់ក្រុងក្រចេះ ឆ្ពោះទៅស្រុកស្នួលបានយ៉ាងរលូនដោយមិនមានការរំខានពីមន្ត្រីពាក់ព័ន្ដបន្តិចណាសោះ ជាពិសេសក៏ឆ្លងកាត់រដ្ឋបាលព្រៃឈើកន្ទួត ដែលមានលោក ឃ្លាំង ណារត្ន ជានាយសង្កាត់ មិនរវល់នឹងទប់ស្កាត់ បណ្ដែតបណ្ដោយអោយឈើចេញឆ្លងកាត់តំបន់ខ្លួន ប៉ុន្តែក្រុមដឹកឈើទាំងនេះត្រូវបានបើកបកក្រោយ ច្រាលមកវិញដោយសារ លោកអ៉ុយ ស្រី នាយផ្នែករដ្ឋបាលព្រៃឈើឆ្លូងដែលមានទីតាំងនៅស្រុកស្នួលបិទនិងដាក់កម្លាំងត្រៀមលក្ខណបង្ក្រាបដោយ យោងតាមបទបញ្ជា របស់លោកគង់ គឹម នី អភិបាលស្រុកស្នួលនិងជាគណបញ្ជាការឯកភាពស្រុក ទើបក្រុមចែកញ្ញាថៅកែឈើដឹកត្រឡប់ក្រោយ វិញ យកមកលាក់ទុកនៅផ្ទះក្រយហមនិងឃុំកន្ទួត ដូចរូបភាពជាក់ស្ដែងនេះ។
សូមបញ្ជាក់ថា ឈើទាំងនេះដឹកចេញពីឃុំជ្រោយបន្ទាយស្រុកព្រែកប្រសព្វ ចេញពីតំបន់ព្រៃឡង់ ជាប្រភពដើម ហើយគេស្គាល់ឈ្មោះថាជាថៅកែឈើឈ្មោះចែកញ្ញារស់នៅស្រុកព្រែកប្រសព្វ។
មហាជនក្នុងខេត្តក្រចេះសំណូមពរដល់ ឯកឧត្ដមអភិបាលខេត្តក្រចេះ មេត្តាមានចំណាត់ការ ដូចកាលពីថ្ងៃទី០២មករា២០១៨ ដោយបង្ក្រាបដោយ ក្រុមកងរាជអាវុធហត្ថខេត្តនិងផ្ទៃប្រទេសស្ថិតនៅស្រុកចិត្របុរី ស្ថិតក្នុងសង្កាត់រដ្ឋបាលព្រៃឈើកន្ទួត ក្នុងនោះផងដែរប្រជាពលរដ្ឋសង្ឃឹមទាំងស្រុងលើក្រុមបង្ក្រាបបទល្មើសធនធានធម្មជាតិ អាវុធហត្ថលើផ្ទៃប្រទេស ផ្លាស់មកថ្មីៗឆ្នាំ២០១៨ នេះ ។ បើតសេចកហដីរាយការមួយ ពីមន្ត្រី រស់នៅឃុំកន្ទួត ស្រុកចិត្របុរី បានលួចបង្ហើបថា រយះពេលប៉ុន្មានថ្ងៃជាប់គ្នានេះ ក្រុមឈ្មួញកំពុងតែសំរុកទិញនិងដឹកឈើ យ៉ាងគគ្រឹកគគ្រេង នៅឃុំកន្ទួតស្រុកចុត្របុរី ដោយគេដាក់ការសង្ស័យ ថាមេឈ្មួញត្រូវរ៉ូវគ្នាជាមួយនាយសង្កាត់រដ្ឋបាលព្រៃឈើកន្ទួត បន្ទាប់ពីកម្លាំងអាវុធហត្ថខេត្តនិងផ្ទៃប្រទេស ដកកម្លាំងផ្អាកការបង្ក្រាប នាពេលកនន្លងទៅ។ ហើយសង្កាត់រដ្ឋបាលព្រៃឈើកន្ទួតស្ថិតក្នុងការគ្រប់គ្រងរបស់ផ្នែកក្រចេះ គឹលោកអ៉ឹង ស៉ីណាង ៕
ដោយ មាឃ. សុខា
