ខេត្តបន្ទាយមានជ័យ.ក្រុងប៉ោយប៉ែត ៖ កាលពីរសៀល ថ្ងៃសៅរ៍ ១១កើត ខែបឋមសាឍ ឆ្នាំច សំរឹទ្ធស័ក ព.ស២៥៦២ ត្រូវនឹងថ្ងៃទី២៣-ខែមិថុនា-ឆ្នាំ២០១៨ នៅវេលាម៉ោង១២:៤០នាទី អង្គភាពវរសេនាតូចនគរបាលការ ពារព្រំដែនគោកលេខ៩១១បានចាត់កំម្លាំងប៉ុស្ដិ៍ព្រំដែនព្រៃគប់ ចំនួន០៩នាក់ ដឹកនាំដោយលោកអនុសេនីយ៍ឯក កែវ បូរ៉ា នាយប៉ុស្តិ៍ រួម សហការជាមួយកម្លាំងនគបាលប៉ុស្តិ៍រដ្ឋបាលនិងអាជ្ញាធរភូមិទំនប់ក៥ ធ្វើ ការឃាត់ខ្លួនជនសង្ស័យ០១នាក់ឈ្មោះខៀន សារ៉ន (ហៅជុក) ភេទប្រុស អាយុ៣២ឆ្នាំ ពីករណីដាំដុះកញ្ឆារខុសច្បាប់ និងញៀន កញ្ឆារ(ជួកបែក) ធ្វើសម្មភាពអុកឡុកដោយប្រើកាំបិតផ្គាក់ ជេរប្រមាថ គំរៀមកំហែងគេឯង បង្ករការភ័យខ្លាច ដល់អ្នករស់នៅ ជិតខាងក្នុងភូមិទំនប់ក៥ សង្កាត់/ក្រុងប៉ោយប៉ែត។
ក្នុងការឃាត់ខ្លួនជនសង្ស័យខាងលើ កម្លាំងសមត្ថកិច្ចបានដកហូតវត្ថុតាង៖ ដើមកញ្ឆា(ស្រស់)ចំនួន៣៦ដើម និងកាំបិតចំនួន០២ដើម។ បច្ចុប្បន្ន ត្រូវបាននាំខ្លួនទៅកាន់អធិការដ្ឋាននគរបាលក្រុងប៉ោយប៉ែតដើម្បី ចាត់ការបន្តតាមនិតិវិធីច្បាប់ ៕
