ការិយាល័យ​និពន្ធ 016 929 621 / 011 700 486 Email:nikahuch@yahoo.com / Website:www.pvknweb.com
ព័ត៌មាន​ថ្មី
- មន្ត្រី​កងរាជអាវុធហត្ថ​ចាប់​ឃាត់​ឡាន​ដឹក​ឈើ​ចំនួន 5 គ្រឿង​ - ឃាត់​ចាប់​អាអ៊ិ​ច​បីគ្រឿង​ឈូសឆាយ​ព្រៃ​ទន្ទ្រាន​យក​ដី​រដ្ឋ​ - ​អ្នកញៀន​ល្បែង​ត្រូវ​ប៉ូលីស​វាយខ្នោះ​បញ្ចូល​ប៉ុស្តិ៍​ - ឯកឧត្តម​បណ្ឌិត​ស៊ា​ង ប៊ុន​លាង និង​លោកជំទាវ​ហ៊ុន ប៊ុនធឿន បាន​នាំយក​អំណោយ និង​ថ្នាំសង្កូវ ជួយ​ពលរដ្ឋ​រងគ្រោះ​ដោយសារ​ជំនន់​ទឹកភ្លៀង​នៅ​ក្នុង​ខេត្ត​បន្ទាយមានជ័យ​ - កម្លាំង​សមត្ថកិច្ច​ស្រុក​ប​កែវ​បាន​ឃាត់ខ្លួន​ជន​ល្មោភកាម​ម្នាក់​ ​រំលោភ​បាន​៣​ឆ្នាំ​ទើប​បែកធ្លាយ​ - នគរបាល​យុត្តិធម៌​ស្រុក​សំបូរ​បាន​ទទួល​បណ្ដឹង​ឪពុក​កុមារ​រងគ្រោះ​ - ​ឯកឧត្ដម​បណ្ឌិតសភា​ចារ្យ អ៊ុក រ៉ាប៊ុន អញ្ជើ​ញ​ជួបប្រជុំ​ជាមួយ​ថ្នាក់ដឹកនាំ​ស្រុក និង​ឃុំ​ទាំង​១៣​ក្នុង​ស្រុក​រលាប្អៀរ - រដ្ឋបាល​ខេត្ត​កំពង់ឆ្នាំង ធ្វើ​ពិធី​ក្រុង​ពលី​សាងសង់​រូប​សំណាក​ឆ្នាំង និង​សួនច្បារ​នៅ​ចំណុច​ផ្លូវបំបែក​ស្ថិតក្នុង​ឃុំ​ជ្រៃ​បាក់ ស្រុក​រលាប្អៀរ​ - ឈ្មួញ​ឈើ​ត្រូវ​សមត្ថកិច្ច​ចាប់​ក្របួច​ - ចាប់​រថយន្ដ​ដឹកឈើ និង​ឃាត់ខ្លួន​អ្នកបើកបរ ស្រុក​សំបូរ នៅ​ក្រចេះ​
របាយការណ៍​ស្ដីពី​គ្រោះថ្នាក់​ចរាចរណ៍​ទូទាំង​ប្រទេស​ប្រចាំ ថ្ងៃទី​០៥ ខែ​មករា ឆ្នាំ​២០១៧ ៖ ​យោង​តាម​ទិន្ន័យ​ដែល​ទទួលបាន​ពី​នាយកដ្ឋាន​ចរាចរណ៍ និង​សណ្ដាប់ធ្នាប់​សាធារណៈ នៃ​អគ្គស្នងការដ្ឋាន​នគរ​បាល​ជាតិ​នៅ​ថ្ងៃនេះ មាន​គ្រោះថ្នាក់​ចរាចរណ៍​កើតឡើង​ចំនួន​១០​លើក ក្នុង​នោះ​បណ្ដាលឲ្យ​មនុស្ស​ស្លាប់​ចំនួន​១០​នាក់​ស្រី​០១ របួសធ្ងន់​ចំនួន​០៨​នាក់​ស្រី​០១ ដែល​បង្កឡើង​ដោយ​ម៉ូតូ​ចំនួន​០៥​លើក រថយន្ត​តូច​ចំនួន​០២​លើក រថយន្ត​ធំ​ចំនួន​០៣​លើក ហើយ​បណ្ដាលឲ្យ​ខូចខាត​ទ្រព្យសម្បត្តិ​អស់​ម៉ូតូ​ចំនួន​១០​គ្រឿង រថយន្ត​តូច​ចំនួន​០២​គ្រឿង រថយន្ត​ធំ​ចំនួន​០២​គ្រឿង និង​គោយន្ត​ចំនួន​០១​គ្រឿង​៕​

ឈើ​គង់តែ​វិនាស​អន្តរាយ​ដោយសារ​……….​នរណា​?

[hupso]

ខេត្ត​ព្រះវិហារ ៖ យោងតាម​ប្រភព​ពី​មន្ត្រី​អាជ្ញាធរ និង​សមត្ថកិច្ច​មូលដ្ឋាន​ស្រុក​ឆែប និង​ស្រុក​ជ័យ​សែន ខេត្ត​ព្រះវិហារ បានឲ្យដឹងថា ក្រុមហ៊ុន អឿន សុវណ្ណ មាន​អាជ្ញាប័ណ្ណ​ប្រមូល​ទិញ ឈើ​ពី​ក្រុមហ៊ុន ដី​សម្បទាន​សេដ្ឋកិច្ច ដែល​មាន​ទំហំ​ជាង​៤០០០​ហិកតា​នៅក្នុង​ស្រុក​ឆែ​ប និង​ស្រុក​ជ័យ​សែន​។​

​ប្រភព​ពត៌មាន​ពី​ប្រជា​សហគមន៍ និង​អង្គការ​ការពារ​បរិស្ថាន បានឲ្យដឹងថា​:​ក​ក្នុង​ដី​សម្បទាន​ខាងលើ​នោះ គ្មាន​ព្រៃឈើ​សម្រាប់​កាប់​ធ្វើ​អាជីវកម្ម​តទៅទៀត​ទេ ប៉ុន្តែ​ក្រុមហ៊ុន អឿន សុវណ្ណ បាន​ប្រើប្រាស់​អាជ្ញាប័ណ្ណ​ចាស់​និង​ប្រើល្បិច​បញ្ជុះ​បញ្ជូ​ល ប្រជាពលរដ្ឋ​អោយ​ចូល​ទៅ​កាប់​ឈើ​ក្នុងព្រៃ​ដែន​អភិរក្ស​ព្រះ​រកា ហើយ​ដឹកជញ្ជូន​តាម​មធ្យោបាយ​ផ្សេងៗ​ចូល​មក​ទីតាំង​ក្រុមហ៊ុន​របស់​ខ្លួន​ដើម្បី​ឲ្យក្លាយ​ទៅ​ជា​ឈើ​ស្របច្បាប់​។​

​ទង្វើ​របស់​ក្រុមហ៊ុន អឿន សុវណ្ណ នេះ​ត្រូវបាន​ប្រជា​សហគមន៍​ការពារ​ព្រៃឈើ រស់នៅ​ស្រុក​ឆែ​ប និង​ស្រុក​ជ័យ​សែន​ម៉ៃ​ថា​:​នេះ​អាច​មាន​ការឃុបឃិត​ជា​ប្រព័ន្ធ​ពី​ថ្នាក់​ខេត្ត ប្រធាន​មន្ទីរ​បរិស្ថាន ប្រធាន​មន្ទីរ​កសិកម្ម និង​រដ្ឋបាល​ព្រៃ​ផងដែរ ទើប​អ្វីៗ​វា​អាច​ប្រព្រឹត្តទៅ​ដោយ​រលូន​មកដល់​សព្វថ្ងៃនេះ​។​

​ប្រជា​សហគមន៍​ការពារ​ព្រៃ​ព្រះ​រកា​ស្រុក​ឆែប និង​ស្រុក​ជ័យ​សែន ខេត្ត​ព្រះវិហារ បានឲ្យដឹងថា​:​មួយ​រយៈ​ចុង​ក្រោយ​នេះ​ក្រុមហ៊ុន អឿន សុវណ្ណ កំពុង​បង្កើន​សកម្មភាព​ប្រមូល​ទិញ​ឈើ​ពី​ប្រជាពលរដ្ឋ និង​ពី​ក្រុម​ជនល្មើស​ព្រៃឈើ​ដែល​ចូល​ទៅ​កាប់​ដឹក​ជញ្ជួន​ពីព្រៃ​ព្រះ​រកា កាន់តែ​ច្រើនឡើងៗ​។ នៅពេល​ប្រមូល​ទិញ​ឈើ​បាន​ច្រើន​ហើយ​នោះ​ក្រុមហ៊ុន អឿន សុវណ្ណ បាន​អារច្រៀក​រួច​ដឹក​រួច ទើប​ដឹក​ជញ្ជូន​ទៅ​ចែកចាយ​តាម​ដេប៉ូ និង​តាម​បណ្ដា​ខេត្ត​នាៗ​យ៉ាង​រំភើយ​។ អ្វី​ដែល​ហួសចិត្ត​គឺ​អាជ្ញាធរ​ជំនាញ​ខេត្តព្រះវិហារ​បែ​ជា​ធ្វើ​មិនដឹង​មិន​ខ្វល់​ពី​សម្បត្តិ​ជាតិ ដោយ​គិតតែ​ពី​រឿង​ប្រមូល​លុយ​ដាក់​ហោប៉ៅ រាប់សែន​លាន​ដុល្លារ​។​

​ទន្ទឹម​នេះ​សមត្ថកិច្ច​នៅតាម​ដងផ្លូវ​គិតតែ​នាំគ្នា​សម្ងំ​ទទួល​ផលប្រយោជន៍ ពី​ក្រុមហ៊ុន អឿន សុវណ្ណ មិន​ខ្វល់​ពី​ការរិះគន់​អ្វី​ទាំងអស់​អោយ​តែ​បាន​លុយ​ជា​ការ​ស្រេច​។​

​សេចក្ដីរាយការណ៍​ពី​មន្ត្រី​អង្គការ​ក្រៅ​រដ្ឋាភិបាល និង​សកម្មជន​ព្រៃឈើ​ក្នុង​ខេត្ត​ព្រះវិហារ បា​បានឲ្យដឹងថា​: បច្ចុប្បន្ន​ក្រុមហ៊ុន សំអឿន សុវណ្ណ បង្កើន​សកម្មភាព​ប្រមូល​ទិញ​ឈើ​ពី​ពលរដ្ឋ​ដែល​ចូល​ទៅ​កាប់​ដឹក​ជញ្ជូន​ចេញពី​ព្រៃ​ព្រះរ​កា​យ៉ាង​រលូន​ដោយ​គ្មាន​ការរំខាន​នោះឡើយ​។

​បញ្ហា​នេះ​បង្ហាញឲ្យឃើញថា លោក អ៊ុន ចាន់​ដា អ​អភិបាល​ខេត្ត​ព្រះវិហា​រហាក់​ដូចជា​គ្មាន​បទបញ្ជា​ក្នុង​ការបង្ក្រាប និង​ទប់ស្កាត់​បទល្មើស​ព្រៃឈើ​ដែល​កំពុង​ក្លាយជា​រឿងចំរូងចំរាស់​យ៉ាង​ក្តៅគគុក​ប្រព្រឹត្តិ​ដោយ​មន្ត្រី​ជំនាញ​និង​សមត្ថកិច្ច​ពាក់ព័ន្ធ​កំពុង​ឃុបឃិត​គ្នា​ឲ្យ​ក្រុមហ៊ុន​សំអឿន សុវណ្ណ បន្តសកម្មភាព​បំផ្លា​ញ្លា​ញ​ព្រៃ​ព្រះ​រកា​ម៉ា​សេរីយ៉ា​ហ្នឹង​។​

​ប្រជាពលរដ្ឋ​នៅ​ស្រុក​ជ័យ​សែនយ​សែន និង​ស្រុក​ឆែ​ប ខេត្ត​ព្រះវិហារ បាន​អំពាវនាវ​ឲ្យ ឯកឧត្តម សាយ សំ​អាល់ រដ្ឋមន្ត្រី​ក្រសួង​បរិស្ថាន និង​ឯកឧត្តម សៅ សុខា មេបញ្ជាការ​កង​រាជ្ញ​អាវុធហត្ថ​លើ​ផ្ទៃ​ប្រទេស និង​ជា​ប្រធាន​គណៈ​កម្មា​បង្ក្រាប​ថ្នាក់ជាតិ ចុះ​ពិនិត្យ និង​ស៊ើបអង្កេត​មន្ត្រីក្រោមឱវាទ ដែល​ពាក់​ពន្ធ័​ថា​តើ​បាន​រួមដៃ​ជាមួយ​ជន​បទល្មើស ( ក្នុង​ភូមិសាស្ត្រ​ខាងលើ )​ដែរឬទេ​?​។​

​បើ​ពុំនោះ​ទេ​ក្រុម​មេ​ឈ្មួញ​រកស៊ី​ឈើ​នៅតែ​ឈ្លៀត​ឱកាស បន្តសកម្មភាព​ធ្វើ​ព្យុះ​ធ្វើ​ភ្លៀង​យ៉ាង​គគ្លើន ដែល​ពួក​គួរតែ​ផ្តន្ទាទោស​កុំ​ឲ្យ​រួច​ខ្លួន​ម្នាក់​ឡើយ ៕

Filed in: ព័ត៌មានសំខាន់ៗ
© 2020 បញ្ញវន្តខ្មែរ. All rights reserved. XHTML / CSS Valid.