ការិយាល័យ​និពន្ធ 016 929 621 / 011 700 486 Email:nikahuch@yahoo.com / Website:www.pvknweb.com
ព័ត៌មាន​ថ្មី
- ក្រុមហ៊ុន​វៀតណាម​មក​ដាក់​ជញ្ជីង​ប្រមូល​ទិញ​កសិផល​ផ្សេងៗ​ដណ្ដើម​មុខរបរ​ប្រជា​ពលរដ្ឋ​ខ្មែរ​យ៉ាង​សេរី​ - គ្រួសារ​ភ្លើង​ឆេះ​ផ្ទះ​នៅ​ឃុំ​ច្រេស​បានទទួល​អំណោយ​មនុស្សធម៌​ពី​អនុសាខា​កាកបាទក្រហម​កម្ពុជា​ស្រុក​កំពង់ត្រឡាច​ - ឃាតក​ដៃ​ឆៅ​អស់​លក្ខណ៍ ត្រូវ​សមត្ថកិច្ច​បាញ់សម្លាប់​ - ថៅកែ​ដំឡូង​មី​យួន​មក​ដាក់​ស្តង់​លើដី​ខ្មែរ​ដណ្តើម​របរ​ខ្មែរ​បែប​វា​ហី​ - ឯកឧត្តម​បណ្ឌិត​សភា​ចារ្យ អ៊ុក រ៉ាប៊ុន អញ្ជើញ​ចុះ​ពិនិត្យ​ការស្ថាបនា​ផ្លូវ​ក្រាល​កៅស៊ូ​ពីរ​ជាន់​ប្រភេទ​DBST​ចំនួន​២​ខ្សែ​ក្នុង​ខេត្ត​កំពង់ឆ្នាំង​ - ស្លាប់​ភ្លាមៗ​នៅនឹងកន្លែង​ដោយសារ​ឈើ​សង្កត់ពីលើ​ - ​ជ័យជំនះ​ថ្ងៃ​៧​មករា​១៩៧៩​បាន​ផ្តល់​កំណើត​ទី​២​ដល់​ជនកម្ពុជា​គ្រប់រូប​ - ឯកឧត្តម ឈួ​រ ច័ន្ទ​ឌឿ​ន និង លោកជំទាវ អញ្ជើញ​ជា​អធិបតី​ភាព​ក្នុង​ពិធី​បើក​បវេសនកាល​ឆ្នាំ​សិក្សា​២០២០-២០២១ - សមត្ថកិច្ច​កំពុង​តាម​ប្រមាញ់​ឃាតក​បាញ់​សម្លាប់​នាយរង​ការិយាល័យ​ព្រហ្មទណ្ឌ​កម្រិត​ស្រាល​រាជធានី​ភ្នំពេញ​ - ដំរី​ព្រៃ​២​ហ្វូង​ចូល​បំផ្លិចបំផ្លាញ​ផលដំណាំ​និង​ខ្ទម​ចាំ​ចំការ​របស់​ប្រជាពលរដ្ឋ​នៅ​ស្រុក​អូរយ៉ាដាវ ខេត្ត​រតនគីរី​
របាយការណ៍​ស្ដីពី​គ្រោះថ្នាក់​ចរាចរណ៍​ទូទាំង​ប្រទេស​ប្រចាំ ថ្ងៃទី​០៥ ខែ​មករា ឆ្នាំ​២០១៧ ៖ ​យោង​តាម​ទិន្ន័យ​ដែល​ទទួលបាន​ពី​នាយកដ្ឋាន​ចរាចរណ៍ និង​សណ្ដាប់ធ្នាប់​សាធារណៈ នៃ​អគ្គស្នងការដ្ឋាន​នគរ​បាល​ជាតិ​នៅ​ថ្ងៃនេះ មាន​គ្រោះថ្នាក់​ចរាចរណ៍​កើតឡើង​ចំនួន​១០​លើក ក្នុង​នោះ​បណ្ដាលឲ្យ​មនុស្ស​ស្លាប់​ចំនួន​១០​នាក់​ស្រី​០១ របួសធ្ងន់​ចំនួន​០៨​នាក់​ស្រី​០១ ដែល​បង្កឡើង​ដោយ​ម៉ូតូ​ចំនួន​០៥​លើក រថយន្ត​តូច​ចំនួន​០២​លើក រថយន្ត​ធំ​ចំនួន​០៣​លើក ហើយ​បណ្ដាលឲ្យ​ខូចខាត​ទ្រព្យសម្បត្តិ​អស់​ម៉ូតូ​ចំនួន​១០​គ្រឿង រថយន្ត​តូច​ចំនួន​០២​គ្រឿង រថយន្ត​ធំ​ចំនួន​០២​គ្រឿង និង​គោយន្ត​ចំនួន​០១​គ្រឿង​៕​

លោក​ខៀវ​កាញារីទ្ធ​៖ មានតែ​សារព័ត៌មាន​ប្រភេទ​ទូរទស្សន៍ វិទ្យុ កាសែត សារព័ត៌មាន​អន​ឡាញ​ទេ​ការពារ​ដោយ​ច្បាប់​..

[hupso]

​ភ្នំពេញ​៖ នៅ​ព្រឹក​ថ្ងៃទី​២៥ ខែ​មេសា ឆ្នាំ​២០១៩​នេះ​លោក ខៀវ កាញារីទ្ធ រដ្ឋមន្ត្រីក្រសួង​ព័ត៌មាន បាន​បំភ្លឺ​នៅ​ចំពោះមុខ​ឧត្តម​ក្រុមប្រឹក្សា​ពិគ្រោះ និង​ផ្តល់​យោបល់​ថា​៖ ការ​បង្ហោះ​នៅលើ Facebook មិន​ត្រូវបាន​ច្បាប់​ការពារ​នោះ​ទេ មានតែ​សារព័ត៌មាន​ប្រភេទ​ទូរទស្សន៍ វិទ្យុ កាសែត សារព័ត៌មាន​អន​ឡា​ញ គឺ​ការពារ​ដោយ​ច្បាប់​។​

​លោក​រដ្ឋមន្ត្រី​បន្តថា​៖ ការ​បង្ហោះ​ចែកចាយ​ព្រោងព្រាត​នៅលើ​បណ្តាញ​សង្គម Facebook មិនមែន​ជា​ការផ្សាយ​ព័ត៌មាន​ដែល​ត្រូវ​ការពារ​ដោយ​ច្បាប់​ស្តីពី​របប​សារព័ត៌មាន​នោះទេ មានតែ​ប្រភេទ សារព័ត៌មាន​តាម​ទូរទស្សន៍ សារព័ត៌មាន​តាម​វិទ្យុ សារព័ត៌មាន​កាសែត និង​សារព័ត៌មាន Online មានច្បាប់ គឺ​បាន​ការពារ​ដោយ​ច្បាប់​របប​សារព័ត៌មាន​ជា​ធរមាន​។​

​ការលើក​ឡើង​លោក ខៀវ កាញារីទ្ធ បន្ទាប់​ពី​ឧត្តម​ក្រុមប្រឹក្សា​ពិគ្រោះ និង​ផ្តល់​យោបល់ បានបង្ហាញ​ការ​ងឿ​យ​ឆ្ងល់ នៅពេល​ដែល​អ្នកលេង Facebook មួយចំនួន​តាំងខ្លួន​ជា​អ្នកសារព័ត៌មាន ហើយ​ធ្វើការ​បង្ហោះ​ចែកចាយ ផ្សព្វផ្សាយ ដំណឹង​មិន​ច្បាស់លាស់​តាម​តែ​អំពើ​ចិត្ត​។​ព្រឹក​ថ្ងៃ​ទី​២៥​ខែ​មេសា​ឆ្នាំ​២០១៩ នៅ​វិមាន​សន្តិភាព​។​

​ក្រសួង​ព័ត៌មាន​បាន​ជួប​ប្រជុំ​ពិភាក្សា​ជាមួយ​ឧត្តម​ក្រុមប្រឹក្សាពិគ្រោះ និង​ផ្តល់​យោបល់ លើ​ការ ផ្សាយ​គ្រឿង​ស្រវឹង និង​ការផ្សាយ​ព័ត៌មាន​មិន​ពិត តាម​ប្រព័ន្ធ​ផ្សព្វផ្សាយ​រួម​មាន​វិទ្យុ ទូរទស្សន៍ កាសែត និង​គេហទំព័រ ដើម្បី​ពង្រឹង​ការផ្សព្វផ្សាយ​ឱ្យស្រប​តាម​គោលការណ៍ និង​ច្បាប់​ស្ដីពី របប​សារព័ត៌មាន​នៅ​កម្ពុជា​។ កិច្ចប្រជុំ​នេះ ធ្វើឡើង កាលពី ឯកឧត្តម ខៀវ កាញារីទ្ធ រដ្ឋមន្ដ្រីក្រសួង​ព័ត៌មាន បាន​មានប្រសាសន៍​អំពី ទិដ្ឋភាព​ជាក់ស្តែង​ចំពោះ​ប្រសិទ្ធភាព​នៃ​ការទប់ស្កាត់​ការផ្សាយ ព័ត៌មាន​មិន​ពិត រួម​ទាំង​ប្រសិទ្ធភាព​នៃ​ការទប់ស្កាត់​ការផ្សាយ​លើកទឹកចិត្ត​ឱ្យ​ប្រជាពលរដ្ឋ សេព​គ្រឿង​ស្រវឹង បង្ក​ផលប៉ះពាល់​ដល់​សន្តិ​ជាតិ សុវត្ថិភាព​សង្គម និង​សណ្តាប់ធ្នាប់​សាធារណៈ​។​

​លោក​រដ្ឋមន្ត្រី​បានបញ្ជាក់​ថា ចំពោះ​ការផ្សព្វផ្សាយ​គ្រឿង​ស្រវឹង ក្រសួង​ព័ត៌មាន បាន​ធ្វើការ​ជូនដំណឹង​ដល់​ម្ចាស់​ស្ថានីយ​វិទ្យុ ទូ​រ ទស្សន៍ កាសែត ទស្សនា​វ​ដ្តី និង​អា​ហ្វីស ប៉ាណូ ទាំងអស់​ដាក់​ពាក្យស្លោក​នៅ ក្រោម​ស្ពត ផ្សាយពាណិជ្ជកម្ម​គ្រឿង​ស្រវឹង បើ​ស្រវឹង​កុំ​បើកបរ ឬ​បើក​បរកុំ​សេព​គ្រឿង​ស្រវឹង​។ ទន្ទឹមនេះ ត្រូវ​បញ្ចប់​រាល់​ការ ចាក់ផ្សាយ​ស្បត​ពាណិជ្ជកម្ម​គ្រឿង​ស្រវឹង ផ្តល់​រង្វាន់ និង​ធ្វើការ​ចាប់​រង្វាន់ ជា​លុយ សម្ភារ ផ្សេងៗ​ដល់​អតិថិជន​។​

​ជាមួយគ្នានេះ​លោក​ខៀវ​កាញារីទ្ធ​បាន​បន្ដថា ក្រសួង​ព័ត៌មាន ក៏​បាន​ចុះ​កិច្ចព្រមព្រៀង​ជាមួយ​សម្ព័ន្ធ​ក្រុមហ៊ុនផលិតស្រាបៀរ​អន្តរជាតិ​ប្រចាំ​តំបន់​អាស៊ី​ប៉ាស៊ីហ្វិក ក្នុង​គោលបំណង​ពង្រឹង​ក្រម​ប្រតិបត្តិ គឺ​ដើម្បី​ធានា​ថា​រាល់ សកម្មភាព​ការ​ផ្សព្វ ផ្សាយ ទីផ្សារ​ផ្សព្វផ្សាយ ពាណិជ្ជកម្ម និង​ការឃោសនា លក់ ផលិតផល​គ្រប់បែបយ៉ាង ដែល​ទាក់ទង គ្រឿង​ស្រវឹង ឱ្យបាន​ត្រឹមត្រូវ​។​លោក​រដ្ឋមន្ត្រី​ក៏​បានឲ្យដឹង​ថា​ក្រសួង ក៏​កំពុង​រៀបចំ​សេចក្តីព្រាង​ច្បាប់​ស្តីពី​សិទ្ធិ​ទទួលបាន​ព័ត៌មាន​ថែមទៀត​។​

 

Filed in: ព័ត៌មានសំខាន់ៗ
© 2021 បញ្ញវន្តខ្មែរ. All rights reserved. XHTML / CSS Valid.