ថ្មីនេះ កងកម្លាំងនគរបាលស្រុកព្រះស្តេច បានសហការជាមួយអាជ្ញាធរ ភូមិ ឃុំ និងកម្លាំងប្រជាការពារ ចុះជួយទប់ទឹក តាមបណ្តោយផ្លូវលំ ស្ថិតក្នុងភូមិតាហេល ឃុំរាធរ ស្រុកព្រះស្តេច ខេត្តព្រៃវែង ដើម្បីការពារផ្លូវលំ ក៏ដូចជាកុំឲ្យបំផ្លាញដំណាំប្រជាពលរដ្ឋផងដែរ ។
កងកម្លាំងនគរបាលស្រុកព្រះស្តេច បានសហការជាមួយអាជ្ញាធរ ភូមិ ឃុំ និងកម្លាំងប្រជាការពារបានញាប់ដៃញាប់ជើង ច្រកដីចូលក្នុងការ៉ុង ដើម្បីជារបាំងការពារទឹក មិនឲ្យលិចផ្លូវ ។
សកម្មភាពនេះ សបញ្ជាក់នៃទង្វើដ៏ប្រសើរ របស់កងកម្លាំងនគរបាលស្រុកព្រះស្តេច ដែលបានយកចិត្តទុកដាក់ ដល់ប្រជាពលរដ្ឋ ក្នុងមូលដ្ឋានយ៉ាងទាន់ពេលវេលា ។ យ៉ាងហោចណាស់ ក៏បានជួយទប់ស្កាត់ការពារផ្លូវមិនឲ្យខូចខាតធ្ងន់ធ្ងរ និងសម្រាប់ប្រជាពលរដ្ឋធ្វើដំណើរទៅមកបានស្រួល ។
នេះគឺជាកាយវិការដ៏ល្អ ដែលជានិច្ចកាល កងកម្លាំងនគរបាលស្រុកព្រះស្តេច ក៏ដូចជាកងកម្លាំងនគរបាលទូទាំងខេត្តព្រៃវែងតែងយកចិត្តទុកដាក់ខ្ពស់ដល់ប្រជាពលរដ្ឋក្នុងមូលដ្ឋាន ៕
