តាមការចង្អុលបង្ហាញពីលោកវរសេនីយ៍ត្រី សារ៉េត វិសេដ្ឋ អធិការស្ដីទីនគរបាលស្រុកភ្នំព្រឹក កម្លាំងជំនាញ នៃអធិការដ្ឋាននគរបាលស្រុក ភ្នំព្រឹកបាន សហការជាមួយកម្លាំងប៉ុស្តិ៍នគរបាលរដ្ឋបាលបួរ បានធ្វើការបង្ក្រាបករណីរក្សាទុក ដោយខុសច្បាប់ នូវសាធាតុញៀន០១ករណី ក្នុងបទល្មើសជាក់ស្តែងនៅក្រុមទី២ ភូមិអន្លង់ស្តី ឃុំបួរ ស្រុកភ្នំព្រឹក។
ក្នុងប្រតិបត្តិការនោះ សមត្ថកិច្ចយើងបានចាប់ឃាត់ខ្លួនជនសង្ស័យ០១នាក់ក្នុងនោះមាន ឈ្មោះ ហម ហ៊ីម ( ហើម ) ភេទប្រុស អាយុ២៩ឆ្នាំ មុខមិនពិតប្រាកដ មាន ទីលំនៅភូមិអន្លង់ស្តី ឃុំបួរ ស្រុកភ្នំព្រឹក ខេត្តបាត់ដំបង ។
រីឯវត្ថុតាងចាប់យកបានរួមមានៈ.ម្ស៉ៅក្រាមពណ៌សថ្លាច្រកក្នុងថងប្លាស្ទិចពណ៌សកិបមាត់ចំនួន០៣កញ្ចប់ សង្ស័យជាសារធាតុញៀននិងសម្ភារៈសម្រាប់ប្រើប្រាស់ និងវេចខ្ចប់ មួយចំនួនទៀត ។
តាមចម្លើយសារភាពរបស់ឈ្មោះ ហម ហ៊ីម ( ហើម ) និង ដោយមានការអនុញ្ញាតិ ពីលោក នួន សាន ព្រះរាជអាជ្ញានៃអយ្យការអមសាលាដំបូងខេត្តចាត់ដំបង កម្លាំងជំនាញ នៃអធិការដ្ឋាននគរបាលស្រុកភ្នំព្រឹក បានបន្តចុះប្រតិបត្តិការសុើបអង្កេតរហូតដល់ធ្វើការឃាត់ខ្លួនជនសង្ស័យ០១នាក់ទៀតឈ្មោះ ម៉ៅ មាន ភេទប្រុស អាយុ៥២ឆ្នាំ មានទីលំនៅចំណុចក្រុមទី០៥ ស្ថិតក្នុងភូមិដំណាក់បេង ឃុំបួរ ស្រុភ្នំព្រឹក ខេត្តបាត់ដំបង ដែលជាមេក្លោង ។
ទន្ទឹមនិងការឃាត់ខ្លួនឈ្មោះម៉ៅ មាននេះ សមត្ថកិច្ចក៏បានរឹបអូសនូវវត្ថុតាងរួមមាន ៖១. ម្ស៉ៅក្រាមពណ៌សថ្លា ច្រកក្នុងថងប្លាស្ទិចពណ៌ស កិបមាត់ ចំនួន ០៩កញ្ចប់តូច ដែលជនសង្ស័យលាក់ទុកក្នុង កំប៉ុងពណ៌ ស ទុកនៅលើផ្ទះ សង្ស័យជាសារធាតុញៀន និងក៏មានវត្ថុតាងមួយចំនួនទៀតដូចជាជញ្ជីងថ្លឹងថ្នាំញៀនចំនួន០១គ្រឿទូរស័ព្ទ(samsung) ពណ៌មាស ចំនួន០១គ្រឿង ( ចាស់ ) សម្ភារៈប្រើប្រាស់ និង វេចខ្ចប់ ប្រាក់ខ្មែរចំនួន ៨.០០០.០០០រៀល ( ប្រាំបីលានរៀល) ប្រាក់ដុល្លាចំនួន ១៦៤២ដុល្លា ( មួយពាន់ប្រាំមួយរយសែសិបពីរដុល្លា ) ៧.ប្រាក់ថៃ ចំនួន ៨១៧០បាត ( ប្រាំបីពាន់មួយរយចិតសិបបាត )។
ករណីនេះសមត្ថកិច្ចយើង បានកសាងសំណុំរឿងបញ្ជូនខ្លួនជនសង្ស័យទាំង០២នាក់ និងវត្ថុតាងទៅសាលាដំបូងខេត្តបាត់ដំបងដើម្បីចាត់ការតាមនីតិវិធី ៕
