នៅថ្ងៃទី១៥ ខែមិថុនា ឆ្នាំ២០១៩ វេលាម៉ោង១៦ និង៣០នាទី ដោយមានការចង្អុលបង្ហាញពីលោក ឯកឧត្ដមឧត្ដមសេនីយ៍ទោ យិន ចំណាន ស្នងការនៃស្នងការដ្ឋាននគរបាលខេត្តរតនគិរី និងដោយមានបញ្ជាផ្ទាល់ពី ឧត្ដមសេនីយ៍ត្រី វ៉ាន់ សង្វាត ស្នងការរងផែនការងារប្រឆាំងគ្រឿងញៀន ព្រមទាំងមានការសម្របសម្រួលពី លោក លាង អ៊ូ ព្រះរាជអាជ្ញារងអមសាលាដំបូងខេត្តរតនគិរី កំលាំងជំនាញបានចុះបង្ក្រាបករណី ជួញដូរ និងប្រើប្រាស់ដោយខុសច្បាប់នូវសារធាតុញៀន នៅចំណុចបន្ទុប់ជួលរបស់ជនសង្ស័យ ស្ថិតក្នុងភូមិអភិវឌ្ឍន៍ សង្កាត់ឡាបានសៀក ក្រុងបានលុង ខេត្តរតនគិរី និងក៏បានឃាត់ខ្លួនជនសង្ស័យចំនួន០៣មុខសញ្ញា មានឈ្មោះដូចខាងក្រោម៖
១.ឈ្មោះ ឆុន លឹមហេង ភេទប្រុស អាយុ ២៦ឆ្នាំ ជនជាតិខ្មែរ មុខរបរមិនពិតប្រាកដ។
២.ឈ្មោះគឹម ស្រៀង ភេទប្រុស អាយុ៣៥ឆ្នាំ ជនជាតិខ្មែរ មុខរបរកសិករ។
៣.ឈ្មោះយិន ស្រីនិច្ច ភេទស្រី អាយុ១៧ឆ្នាំ ជនជាតិខ្មែរ មុខរបមិនពិតប្រាកដ។
ក្រោយពីបានឃាត់ខ្លួនជនសង្ស៍យទាំង៣នាក់នេះហើយ សមត្ថកិច្ចក៏បានធ្វើការឆែកឆេរនិងរកឃើញនូវម្សៅក្រាមសថ្លាសង្ស័យមានសារធាតុញៀនចំនួន ០២កញ្ចប់ ជញ្ជីញថ្លឹងថ្នាំញៀន០១គ្រឿង ថងច្រកថ្នាំញៀនមួយចំនួន និងសម្ភារៈសេពគ្រឿងញៀនមួយចំនួន។
កិច្ចប្រតិបត្តិការមួយនេះសំរេចទៅបានក៏ដោយសារឲកម្លាំងជំនាញសហការជាមួយកម្លាំងអធិការដ្ឋាននគរបាលក្រុងបានលុង(ប៉ុសិ៍្តកាចាញ)។
បន្ទប់មកសមត្ថកិច្ចក៏បន្តធ្វើការឆែកឆេរផ្ទះជនសង្ស័យមួយទីតាំងទៀត ស្ថិតក្នុងភូមិ១ សង្កាត់កាចាញ ក្រុងបានលុង ខេត្តរតនគិរី ដឹកនាំសម្របសម្រួលផ្ទាល់ដោយលោក លាង អ៊ូ ព្រះរាជអជ្ញារងអមសាលាដំបូងខេត្តដោយបានរកឃើញ ម្សៅក្រាមសថ្លាសង្ស័យមានសារធាតុញៀនចំនួន០២កញ្ចប់ ជញ្ជីញ០២គ្រឿង ថង់ច្រកថ្នាំញៀនមួយចំនួនធំ និងសម្ភារៈមួយចំនួនទៀត។
ជនសង្ស័យខាងលើបានធ្វើតេស្តទឹកនោមលទ្ធផលវិជ្ជមាន(+)ទាំង០៣នាក់។វត្ថុតាងចាប់យករួមមាន៖
-ម្សៅក្រាមសថ្លាសង្ស័យជាសារធាតុញៀនចំនួន០៤កញ្ចប់ ទម្ងន់៤៨.២៨ក្រាមទាំងសំបកថង់ ជពាី្ជង ទូរស័ព្ទ០១គ្រឿង ម៉ូតូ០២គ្រឿង រថយន្ត០១គឿង លុយខ្មែរ២០០,០០០រៀល ថង់ច្រកថ្នាំញៀនមួយចំនួនធំនិងសម្ភារៈសេពថ្នាំញៀនមួយចំនួន។
បច្ចុប្បន្ធ ជនសង្ស័យរួមទាំងវត្ថុតាងត្រូវបានឃាត់ និងរក្សាទុកបណ្ដោះអាសន្ននៅការិយាល័យជំនាញដើម្បីកសាងសុំណុំរឿងបញ្ជូនទៅអយ្យកាអមសាលាដំបូងខេត្តចាត់ការតាមនិតិវិធី។
