ភ្នំពេញ៖ កញ្ញា កែវ សុបញ្ញាតារាចម្រៀងស្រករក្រោយប្រចាំផលិតកម្មរស្មីហង្សមាស កាលពីប៉ុន្មានថ្ងៃមុននេះ បានបោះទុនវិនិយោគរហូតដល់ជាង១សែនដុល្លារ ដើម្បីបើកហាងស៊ីផឹកមួយកន្លែងនៅក្រុងតាខ្មៅដែលធ្វើឲ្យមានការគាំទ្រនិងភ្ញាក់ផ្អើលឆ្ងល់ថានាងរកស៊ីអីបានមានលុយលឿនម្លេះ?តើអ្នកណានៅពីក្រោយលុយជា១សែនដុល្លារនេះ?។
អ្នកស៊ីត្រាវ បានលើកឡើងថា តារារូបនេះអាចនឹងបានលុយពីបុរសណាម្នាក់ឧបត្ថម្ភមិនខាន ព្រោះតែកន្លងមកតារារូបនេះ ធ្លាប់មានព័ត៌មានល្ហិចល្ហៀងពីអ្នកក្នុងរង្វង់សិល្បៈបង្ហើបឲ្យដឹងថា តារារូបនេះមានទំនាក់ទំនងស្នេហាជាមួយនឹងបុរសម្នាក់ មានមុខតំណែងធំនៅឯក្រុមហ៊ុនផលិតស្រាបៀរមួយ?។
តែតារារូបស្រស់ម្នាក់នេះ បានប្រាប់សារព័ត៌មានមួយចំនួន ថា ហាង ស៊ីអេស Beer ព្រិល របស់នាងពិតជាបានចំណាយទុនអស់ប្រមាណជាង១សែនមែន ប៉ុន្តែនាងបានបញ្ជាក់យ៉ាងច្បាស់ថា ថវិកាបើកហាងថ្មីនៅក្រុងតាខ្មៅនេះ ជាការដាក់ទុនរួមគ្នារវាងរូបនាង និងបងប្អូនរបស់នាង។
តារារូបនេះបានបញ្ជាក់បន្ថែមថា ឈានចូលដល់ឆ្នាំ២០១៩ខាងមុខ រូបនាងនឹងបើកសម្ពោធជាផ្លូវការ និងមានលក្ខណៈធំដុំតែម្តង តែនៅពេលនេះគ្រាន់តែបើកធម្មតាសិនប៉ុណ្ណោះ។ប្រាវ៉ូស្រីស្អាតក្មេង!៕
