ភ្នំពេញ ៖ បច្ចុប្បន្ននេះមុខរបរជួញដូរតាមអនឡាញបាននិងកំពុងពេញនិយមព្រោះចាយដើមតិច(អត់បង់ពន្ធអត់ជួលទីតាំងអត់អស់ថ្លៃទឹកភ្លើង)តែបានចំណេញច្រើន។ជាក់ស្តែងកាលពីថ្ងៃទី១៥ ខែមីនា ឆ្នាំ២០២០ មានពាណិជ្ចករស្រីវ័យក្មេងមួយរូបទៀតបានបង្ហាញពីជោគជ័យនៃមុខរបររបស់។
អ្នកលក់អនឡាញ ដ៏ល្បីឈ្មោះម្នាក់ នោះគឺ កញ្ញា ឃាង អារុណពេជ្រ បានបង្ហាញអំពីភាពជោគជ័យរបស់ខ្លួន ដោយនាង មានវ័យត្រឹមតែ ១៩ឆ្នាំតែប៉ុណ្ណោះ តែនាង អាចសល់លុយរាប់ម៉ឺនដុល្លារអាមេរិកទៅហើយ។
តាមរយៈហ្វេសប៊ុននាង បានសរសេររៀបរាប់ឲ្យដឹងយ៉ាងដូច្នេះថា៖”BMW 7-Series 740Li គ្រប់យ៉ាងបានមកពីពាក្យថាស៊ូ កាដូសម្រាប់ខ្លួនឯងអាយុ ១៩ឆ្នាំ ញើសឈាមនិងភាពស្មោះត្រង់ក្នុងការរកស៊ី”។
មហាជនបាននាំគ្នាស៊ែរចែករំលែកយ៉ាងច្រើន និងបានសម្ដែងការអបអរសាទរ ចំពោះសមត្ថភាពរបស់ប្អូនស្រី តែនៅវ័យក្មេងសោះ តែទទួលបានភាពជោគជ័យ លើសពីការរំពឹងទុកបាត់ទៅហើយ។ គួរបញ្ចាក់ផងដែរថាបើតាមអ្នករកស៊ីលក់ឡានបានឲ្យដឹងថា រថយន្ត BMW 7-Series 740Li ផលិតឆ្នាំ២០១១ គឺមានតម្លៃប្រហាក់ប្រហែលជិត៤ម៉ឺនដុល្លារអាមេរិក៕
