ខេត្តរតនគិរី ៖ សមត្ថកិច្ចបានព្យាយាមលាក់បាំងរឿងជម្លោះ តែត្រូវបែកធ្លាយរឿងលាក់មិនជិតរឿងនាយនគរបាល 2នាក់ទាស់ពាក្យសម្តីក្នុងវង់ផឹកស៊ីនិយាយដៀមដាមរំលឹកអតីតកាលគំនុំចាស់ឈានរាលឆេះដុំបង្កហិង្សាដោយម្នាក់យកកំប៉ុងBeerគប់និងយកកូនកាំបិតសចុងស្រួចហក់កាប់ចាក់គ្នាយ៉ាងសុីសាច់ហុតឈាមបណ្តាលឱ្យគូជម្លោះម្នាក់ត្រូវរងរបួសយ៉ាងធ្ងន់ធ្ងរហើយសព្ទថ្ងៃកំពុងសម្រាកព្យាបាលនៅមន្ទីពេទ្យកាល់ម៉ែត្រនិងម្នាក់ជាជនបង្កកំពុងតែភ័យញ័រកព្ជាូញគូថអំពីជោគវាសនាតទៅតើត្រូវតុលាការអូសកយកទៅដេកសណ្ធាគារគុកព្រៃសផុតឬមិនផុត? ។
ហេតុការណ៍ដ៏គួរឱ្យចាប់អារម្មណ៍និងភ្ញាក់ផ្អើលមួយនេះ បានកើតឡើងនៅត្រង់ចំណុចភូមិអភិវឌ្ឍន៍ សង្កាត់ឡាបានសៀក ក្រុងបានលុង ខេត្តរតនគិរី ។
ប្រភពព័ត៌មានបានបង្ហើបអោយដឹងថា ជនរងគ្រោះឈ្មោះហេង គោរព ភេទប្រុស អាយុប្រហែលជាង៣០ឆ្នាំ រស់នៅភូមិជ្រី សង្កាត់យក្សឡោម ក្រុងបានលុង ខេត្តរតនគិរីជាមន្ត្រីនគរបាលព្រហ្មទណ្ឌកំរិតស្រាលនៃស្នងការដ្ឋាននគបាលខេត្តរតនគិរី។
រីជនដៃដល់ឈ្មោះ រុំ សារិទ្ធ ភេទប្រុស អាយុស្របាលៗ គ្នានិងជនរងគ្រោះហើយសាម៉ីជនសង្ស័យរូបនោះក៏ មានតួនាទីជាអធិការរងស្រុកអូរជុំ ខេត្តរតនគិរីផងដែរ ។
ប្រភពព័ត៌មានបានបព្ជាាក់ដែរថា :ទាក់ទិននិងហេតុការណ៍បង្កទំនាស់រហូតឈានដល់ការប្រើហឹង្សាដោយចេតនានោះ គឺវាផ្តើមចេញពីការផឹកសុីជុំគ្នានៅផ្ទះមិត្តភ័ក្តិហើយក៏រអិលមាត់និយាយដៀមដាមទាក់ទិនដល់រឿងគំនុំចាស់ក៏ផ្ទុះឡើងជាកំហឹងឆាបឆេះសារជាថ្មីម្តងទៀត ទើបជនដៃដល់យកកំប៉ុងស្រាបៀមិនទាន់គាស់គប់ទៅលើជនរងគ្រោះមួយទំហឹង រីឯជនរងគ្រោះក៏ស្ទុះហក់សំដៅជនបង្កក្នុងបំណងតដៃវិញ តែត្រូវជនដៃដល់ស្រវាចាប់បានកូនកាំបិតសចាក់ចំសៀតផ្កាជនរងគ្រោះ បណ្តាលឱ្យបាក់កប់ជាប់ ក្បាលដួលដេកសន្លប់បាត់មាត់បាត់ក។
ឃើញដូច្នេះមិត្តភ័ក្តិផឹកស៊ីជាមួយគ្នាក៏ស្ទុះមកជួយឃាត់ និងចាប់ទាញបំបែកចេញពីគ្នាភ្លាមៗដែរដោយជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យហើយជាចុងក្រោយបានដឹកបន្តទៅកាន់មន្ទីរពេទ្យកាល់ម៉ែត្រវះកាត់យកចុងកាំបិតយកចេញរួចរាល់នៅថ្ងៃទី២៣ខែធ្នូឆ្នាំ២០២០នេះហើយ ដោយរិះគិតមមៃថាតើលោកអធិការរងស្រុកអូរជុំគិតគូរដោះស្រាយបញ្ហានេះតាមវិធីណា? ។
ឥឡូវនេះជនដៃដល់កំពុងសុំចរចាសងជនរងជនរងគ្រោះ.ប៉ុន្តែារហូតមកដល់ពេលនេះមិនដឹងពីលទ្ធផលនៅឡើយ។
មជ្ឈដ្ឋានអ្នកតាមដានព័ត៌មានជុំវិញបញ្ហាទំនាស់ផឹកស៊ីស្រវឹងកាប់ចាក់ ខាងលើនេះបាននិងកំពុងរង់ចាំតាមដានមើលថាតើប្រព័ន្ធច្បាប់ និងស្ថាប័នមេកើយថ្នាក់លើជាម៉ែឪមានចំណាត់ការបែបណាដែរ ចំពោះករណីអំពើឆហឹង្សារដ៏ធ្ងន់ធ្ងរបែបនេះ៕
មតិសាធារណជនមួយចំនួនធំបាននិយាយរិះគន់យ៉ាងខ្លាំងក្លាចំពោះសកម្មភាពខ្វះការពិចារណា លើរូបជនបង្កដែលមានបុណ្យស័ក្តិធំប៉ុនក្ត ដំរីទៅហើយមកធ្វើឬកអន់ៗដូនកូនក្មេងបៀមដៃប្រព្រឹត្តបទល្មើសធំប៉នព្រះសុមេរុតើអាចគេចផុតពីក្រញ៉ាំច្បាប់រួចដែរឬទេ? ៕
