ក្រចេះ ៖ លោកឧត្តមសេនីយ៍ឯក ឆាយ គឹមខឿន អ្នកនាំពាក្យអគ្គស្នងការដ្ឋាននគរបាលជាតិបានថ្លែងថា ជនដៃដល់ បាញ់សម្លាប់លោក រ៉េត ស៊ីណាត នាយរងការិយាល័យព្រហ្មទណ្ឌស្រាល នៃស្នងការនគរបាលរាជធានីភ្នំពេញ កាលពីថ្ងៃ ២៩ ខែធ្នូ ឆ្នាំ ២០២០ បានសមត្ថកិច្ចបាញ់សម្លាប់នៅភ្នំខៀវ ខេត្តក្រចេះក្រោយដែលឃាតកផ្ទុះអាវុធ តដៃមួយប្រាវជាមួយសមត្ថកិច្ច នៅខេត្តក្រចេះ ដោយសារជនល្មើសរឹងរូស មិនព្រមប្រគល់ខ្លួនអោយសមត្ថកិច្ចចាប់ខ្លួនតាមសម្រួល ។
ប្រភពព័ត៌មានច្បាស់ការណ៍សុំមិនបញ្ចេញឈ្មោះ បានអះអាងថា ជនដៃដល់ពិតជាបានស្លាប់ប្រាកដមែន ហើយសាកសពត្រូវបានដឹកយកដម្កល់នៅវត្តអូរកណ្តៀងថ្មី ដែលពេលនេះ សមត្ថកិច្ចជំនាញពាក់ព័ន្ធកំពុងចុះទៅកន្លែងកើតហេតុដើម្បីធ្វើការតាមជំនញរៀងៗខ្លួន ។
ករណីផ្ទុះអាវុធកើតឡើងនៅល្ងាច ថ្ងៃទី១៥ ខែមករា ឆ្នាំ២០២១នេះ នៅចំណុចអូរកណ្តៀរ ស្រុកសំបូរ ខេត្តក្រចេះ បន្ទាប់ពីសមត្ថកិច្ចស្រុកសំបូរ សហការជាមួយនឹងសមត្ថកិច្ចខេត្តស្ទឹងត្រែងនិងមន្ត្រីនាយកដ្ធានព្រហ្មទណ្ឌក្រសួងមហាផ្ទៃបានឡោមព័ទ្ធចាប់ឃាតករដៃដល់នៅចំណុចភ្នំខៀវ ខេត្តក្រចេះរយ:ពេលជាច្រើនថ្ងៃកន្លងមកហើយ។
ឃាតក អឿ ណារ៉េន មានប្រវត្តិជាប់គុក15ឆ្នាំពីបទល្មើសប្លន់សម្លាប់កោកឨម រដ្ធសាឌីក្នុងការបាញ់ប្លន់យកទូរស័ព្ទដៃម៉ាកណូគានៅភោជនីយដ្ធានមួយកន្លែងនៅខាងលិចផ្សារកាប់គោ សង្កាត់ទន្លេបាសាក់ ខណ្ឌចំការមន។
ឈ្មោះអឿ ណារ៉េនក៏គឺជាឈ្មួញជួញដូរគ្រឿងញៀនមានចរិតកាចសាហាវជាងតោ ដោយមិនអាចសមត្ថកិច្ចធ្វើការចាប់់ខ្លួនដោយស្រួលៗនោះឡើយ។
មូលហេតុដែលសមត្ថកិច្ចបាញ់សម្លាប់ឃាតក ដោយឥតជំរើស ព្រោះឃាតកមានអាវុធជាប់ដៃ មិនអាចប្រថុយប្រថានចូលចាប់ខ្លួនឃាតក សមត្ថកិច្ចប្រាកដជាជួបគ្រោះថ្នាក់ដល់អាយុជីវិតទៀតផង ៕