មណ្ឌលគិរី ៖ ប្រជាពលរដ្ឋនិងម្ចាស់អាជីវករជញ្ជីងថ្លឹងដំឡូងមីមួយកន្លែងដែលស្ថិតនៅក្នុង ភូមិវ៉ារ៉ាយោង ឃុំប៊ូស្រា ស្រុកពេជ្រាដា ខេត្តមណ្ឌលគិរី មានទុក្ខកង្វល់ជាខ្លាំងសូមឲ្យថ្នាក់ដឹកនាំក្នុងខេត្តមណ្ឌលគិរី មេត្តាពិនិត្យឡើងវិញចំពោះក្រុមហ៊ុនវៀតណាមមានឈ្មោះ ហ៊ង់ង៉ុកអាញ់ ដែលសព្វថ្ងៃកំពុងតែដើរប្រមូលទិញកសិផលយ៉ាងសេរី ដោយគាត់សំអាងថាខ្លួនមានច្បាប់អនុញ្ញាតពីខេត្តថែមទាំងមានត្រាលោកអភិបាលនៃគណៈអភិបាលខេត្តមណ្ឌលគីរីឯកឧត្តម ស្វាយសំអ៊ាងទៀតផង។
បើតាមការរៀបរាប់របស់លោកពូសួងចំរើនម្ចាស់ជញ្ជីងបានលើកឡើងថា កាលដើមឡើយនៅតំបន់នេះគ្មានជញ្ជីងទេមានតែវៀតណាមមកទិញថ្លឹងដៃក្នុងតម្លៃថោកថែមទាំងបងប្អូនថ្ងូរថាបាត់គីឡូទៀតផងទើប លោកពូសម្រេចដាក់ជញ្ជីងទិញក្នុងតម្លៃសមរម្យ ពេលនោះក៏មានជនជាតិវៀតណាមមកទំនាក់ទំនងគាត់សុំទិញ(ត)ពីគាត់ហើយតម្រូវឲ្យគាត់ទិញពីបងប្អូនប្រជាពលរដ្ឋខ្មែរនៅក្នុងតម្លៃថោក តែគាត់មិនយល់ព្រមធ្វើដូច្នេះដូចជាជិះជាន់តែខ្មែរគ្នាឯង។ មិនដឹងជាយ៉ាងម៉េច រហូតមកដល់ចុងឆ្នាំ 2020 / 2021 បែជាមានជញ្ជីងវៀតណាមមកដាក់ទិញនៅលើទឹកដីខ្មែរថែមទាំងមានច្បាប់ចេញពីខេត្តទៀតផង ។
ចំណែកឯម្ចាស់ជញ្ជីងវៀតណាមឯណុះវិញគាត់បានលើកឡើងយ៉ាងខ្លីថាគាត់មានច្បាប់អនុញ្ញាតពីខេត្ត គាត់មានអ្នកជួយជ្រោមជ្រែងនៅពីក្រោយខ្នងដែលគាត់និយាយយ៉ាងពេញៗមាត់ថា មេណយ មេណយ គាត់មិនដឹងទេអ្វីៗស្រេចតែមេ ណយ ដែលគេស្គាល់យ៉ាងច្បាស់ថាថាជាមេប៉ុស្តិ៍ 7 ច្រកណាំលៀ៕
