រតនគិរី ៖ ដោយមានបទបញ្ជាពីលោក ថង សាវុន ប្រធានគណៈបញ្ជាការឯកភាព ខេត្តរតនគិរី នា ថ្ងៃសៅរ៍ ទី៣១ ខែតុលា ឆ្នាំ២០២០ កម្លាំងសមត្ថកិច្ចចម្រុះរួមមាន កម្លាំងអាវុធហត្ថខេត្ត- កម្លាំងនគរបាលប្រឆាំងបទល្មើសសេដ្ឋកិច្ច- កម្លាំងរដ្ឋបាលព្រៃឈើ- កម្លាំងអធិការនគរបាលស្រុកអណ្តូងមាស និងកម្លាំងអាវុធហត្ថមូលដ្ឋានស្រុកអណ្តូងមាស ដឹកនាំដោយលោក រ៉ា បូរ៉ាន់ឌី ព្រះរាជអាជ្ញារងអមសាលាដំបូងខេត្តរតនគិរី បានចុះរឹបអូសឈើចំនួន២១ដុំ ដែលគរលាក់នៅទីតាំផ្សេងគ្នាចំនូន2កន្លែងដែលឈ្មួញបម្រុងដឹកទៅលក់ឯប្រទេសវៀតណាម។
ប្រភពពត៌មានពីកម្លាំងដែលចុះប្រតិបត្តិការបានឱ្យដឹងថា: គំនរឈើទីតាំងទី១រឹបអូសឈើបានចំនួន១១ដុំ ស្ថិតក្នុងភូមិម៉ុយ និងទីតាំងទី២ រឹបអូសឈើបានចំនួន១០ដុំ ស្ថិតក្នុងភូមិកេត ឃុំញ៉ាងស្រុកអណ្តូងមាស។
ប្រភពព័ត៌មានខាងលើបានបន្ថែមថា:ចំនួនឈើចំនួន ២១ដុំនេះត្រូវបានសមត្ថកិច្ចធ្វើការវាស់វែងនៅកន្លែងជាក់ស្តែងមានចំនួន៦.៧២០ម៉ែត្រគូប។
បច្ចុប្បន្ន វត្ថុតាងឈើខាងលើនេះត្រូវបានកម្លាំងចម្រុះប្រគល់ឲ្យខណ្ឌរដ្ឋបាលព្រៃឈើខេត្តរតនគិរីចាត់ចែងតាមនិតិ វិធីច្បាប់ស្តីពីព្រៃឈើ៕
ភន់ វ៉ាន់ថន បញ្ញវន្តខ្មែរ
