ក្រសួងធនធានទឹកនិងឧតុនិយមបានជូនដំណឹងថា នៅក្នុងសប្តាហ៍នេះ”៨-១៤មិថុនា” ព្រះរាជាណាចក្រកម្ពុជានឹងទទួលរងឥទ្ធិពលពីជ្រលងនៃប្រព័ន្ធសម្ពាធទាប ដែលអូសបន្លាយនៅលើភាគខាងជើងប្រទេសឡាវ និងប្រទេសវៀតណាម ជាមួយនឹងខ្យល់មូសុងនិរតីបក់ក្នុងល្បឿនមធ្យម ។
ស្ថានភាពបែបនេះនឹងធ្វើឲ្យបណ្តារាជធានីខេត្តនានានឹងអាចមានភ្លៀងធ្លាក់នៅក្នុងកម្រិតពីខ្សោយទៅបង្គួរលាយឡំទៅដយផ្គររន្ទះនិងខ្យល់កន្ត្រាក់ ។ ក្នុងនោះ ក៏អាចមានភ្លៀងធ្លាក់ច្រើនដោយអន្លើនៅផ្នែកខ្លះនៃបណ្តាខេត្តនៅវាលទំនាបភាគកណ្តាលនិងភាគពាយ័ព្យ ។
សម្រាប់តំបន់ខ្ពង់រាបនឹងអាចមានភ្លៀងនៅក្នុងកម្រិតពីតិចទៅបង្កួរលាយឡំ ទៅដោយផ្គររន្ទះនិងខ្យល់កន្ត្រាក់ ។ ដោយឡែក តំបន់មាត់សមុទ្រនឹងអាចមានភ្លៀងធ្លាក់ក្នុងកម្រិតពីតិចទៅធ្យម ៕
